Кыргызстандык спортчу Ален Офойо. Архив

Кыргызстандык кикбоксчу Тайвань курама командасын машыктырмай болду

84
(жаңыланган 17:08 20.05.2021)
Европа чемпиону аны адегенде улуттук курама команданын башкы насаатчысына консультант катары чакырышканын айтат. Кийин аны башкы машыктыруучулукка дайындашкан.

БИШКЕК, 20-май — Sputnik. Кыргызстандык спортчу Ален Офойо Тайвань өлкөсүнүн кикбоксинг боюнча башкы машыктыруучусу болду. Маалыматты Sputnik агенттигине атлет өзү тастыктады.

Европа чемпиону аны адегенде Тайвандын улуттук курама командасынын башкы насаатчысына жардамчы катары чакырышканын айтат.

"Алгач башкы машыктыруучусуна жардамчы болууга сунуш түшкөн. Бир катар мастер-класстардан соң федерация жетекчилиги кикбоксингдин лоу-кик жана кей-уан түрлөрү боюнча мени улуттук командага башкы машыктыруучу кылып дайындады", — деген спортчу.

Ален Офойо — Кыргызстандын таанымал кикбоксчусу, эл аралык класстагы спорт чебери. Спорт сүйүүчүлөр арасында Азия, Европа жана Евразия континенттеринин чемпиону болуп саналат.

84
Белгилер:
Ален Офойо, дайындоо, Тайвань, машыктыруучу, кикбоксинг
Тема боюнча
Кикбоксчулар Түркияда өткөн эл аралык мелдеште үч алтын, бир коло алды. Сүрөт
Футбол боюнча улуттук команданын дарбазачысы Айчүрөк беларустук "Неманга" өттү
Эркин күрөш боюнча мелдеш. Архивдик сүрөт

Эркин күрөш боюнча курама команда Түркияда өтчү мелдешке катышат. Тизме

46
Спортчу жана машыктыруучулардын иш сапарын агенттиктин Спорттун олимпиадалык түрлөрү боюнча дирекциясы каржылай турганы кошумчаланды.

БИШКЕК, 25-июн. — Sputnik. Кыргызстандын эркин күрөш боюнча курама командасы Түркияда өтчү Yaşar Doğu аттуу эл аралык мелдешке катышат. Бул тууралуу Жаштар иши, дене тарбия жана спорт агенттиги кабарлады.

Билдирмеге караганда, спорттук мелдеш 24-27-июнь күндөрү Стамбул шаарында болот.

Мелдешке катыша турчу балбандар:

  • Бекболот Мырзаназар уулу, 57 килограмм;
  • Алмаз Сманбеков, 57 килограмм;
  • Улукбек Жолдошбеков, 61 кг;
  • Тайырбек Жумашбек уулу, 61 кг;
  • Икромжан Хаджимурадов, 61 кг;
  • Эрназар Акматалиев, 65 кг;
  • Алибек Осмонов, 65 кг;
  • Айбек Токтогул уулу, 65 кг;
  • Ислам Орозбеков, 70 кг;
  • Саякбай Усупов, 79 кг;
  • Атай Изабеков, 79 кг;
  • Нуртилек Карыпбаев, 86 кг;
  • Дөөлөтбек Жамгырбек уулу, 92 кг;
  • Азамат Бекмырзаев, калыс;
  • Исламбек Тазабеков, улук машыктыруучу;
  • Сүймөнкул Таабалды уулу, улук машыктыруучу;
  • Русланбек Маджинов, башкы машыктыруучу.

Спортчу жана машыктыруучулардын иш сапарын агенттиктин Спорттун олимпиадалык түрлөрү боюнча дирекциясы каржылай турганы кошумчаланды.

46
Белгилер:
балбан, эркин күрөш, Түркия, спорт, Кыргызстан
Тема боюнча
Жөө күлүктөр Минскидеги жана Ташкенттеги мелдеште ат салышат

Нокаутка кеткен Макгрегор. Мушкердин Порье менен экинчи ирет беттешкен видеосу

1233
(жаңыланган 12:56 24.06.2021)
UFC уюмунун YouTube каналына ирландиялык мушкер Конор Макгрегордун америкалык Дастин Порье менен болгон экинчи беттеши жарыяланды.

Мелдеш ушул жылдын 24-январында UFC 257 турниринин алкагында өткөн. Порье Макгрегорду экинчи раундда нокаутка кетирген. Бул ирландиялык спортчунун карьерасындагы биринчи нокаут.

Эске салсак, мушкерлер алгачкы жолу 2014-жылы күч сынашкан. Анда Порье техникалык нокаут менен утулуп калган. 11-июль күнү экөө үчүнчү ирет бири-бирине каршы рингге чыгат.

1233
Белгилер:
видео, беттешүү, Дастин Порье, Конор Макгрегор, UFC
Тема боюнча
Жети секундда сулата чапты. UFC 263 мелдешинин урунттуу учурларынын видеосу
Баш көтөртпөй... Абдыкааров OPEN FC Гран-при мелдешинин финалына чыккан видео
Доллар жана сом купюралары. Иллюстративдик сүрөт

Эсепсиз байыган. Бишкек мэриясынын жерине үй курду делген компания аныкталды

0
(жаңыланган 14:37 25.06.2021)
Юнусалиев жана Сухе-Батор көчөлөрүнүн кесилишиндеги кымбат баалуу муниципалдык 0,95 гектар жер тилкеси махинациялык жол менен жеке менчикке өтүп кеткен.

БИШКЕК, 25-июн. — Sputnik. Кымбат баалуу жер тилкеси коррупциялык жол менен берилгендиктен бюджетке 170 миллион сомдон ашык зыян келтирилгени аныкталды. Бул туурасында Башкы прокуратуранын маалымат кызматы билдирди.

Текшерүүнүн алкагында Бишкек шаардык мэриясынын 1999-жылдагы токтому менен Юнусалиев жана Сухе-Батор көчөлөрүнүн кесилишиндеги кымбат баалуу муниципалдык 0,95 гектар жер тилкеси Н.А. аттуу жаранга ден соолукту чыңдоо борборун куруу үчүн мөөнөтсүз пайдаланууга мыйзамсыз берилгени аныкталган.

Бирок 2002-жылы мэриянын токтому менен кайра 49 жылга ижарага берүү шартына өзгөртүлгөн. Ал эми 2005-жылы жердин багыты көп кабаттуу үй курууга которулуп "А" компаниясына 83 миллион 520 миң 200 сомго сатылганы кабарланды.

"2013-жылы аталган компания Бишкек райондор аралык сотунун негизсиз чечими менен көрсөтүлгөн жерди муниципалдыктан жеке менчикке өткөрүп, көп кабаттуу үйлөрдү курган. Андагы батирлерди жарандарга кымбат баада сатып, мыйзамсыз түрдө эбегейсиз пайда тапкандыгы такталды. Жогорудагыдай татаалдаштырылган коррупциялык схема аркылуу муниципалдык кызматкерлердин, сот органдарынын жана жеке адамдардын мыйзамсыз аракеттеринен улам мамлекетке 173 миллион сомдук ири өлчөмдө зыян келтирилген", — деп айтылат маалыматта.

Бул факт боюнча материалдар Башкы прокуратура тарабынан Жазык кодексинин 319 ("Коррупция") жана 329-беренелери ("Кызматтык жасалмачылык") менен сотко чейинки өндүрүш иши башталды.

0
Белгилер:
Башкы прокуратура, сатуу, сот, коррупция, жер тилкеси, Бишкек
Тема боюнча
Чүйдө 23 миллион сомдук социалдык объект Шопоков мэриясына өттү
Прокуратура 731 миң сомдук жер тилкеси ит бекер сатылганын аныктады