Эркин күрөш боюнча Кыргызстандын улуттук командасынын мүчөсү Арсалан Будажапов. Архив

Эркин күрөш боюнча балбан Арсалан Будажапов Ярыгин мелдешине катышат

42
Мелдеш Красноярск (Россия) шаарында 27-30-майда өтөт. Кыргызстандык балбан 79 килограмм салмакта күч сынашмакчы.

БИШКЕК, 25-май — Sputnik. Эркин күрөш боюнча Кыргызстандын улуттук командасынын мүчөсү Арсалан Будажапов россиялык атактуу балбан Иван Ярыгиндин элесине арналган эл аралык Голден Гран-при мелдешине катышат. Бул тууралуу өлкөнүн Спорттук күрөш боюнча федерациясы билдирди.

Мелдеш Красноярск (Россия) шаарында 27-майда башталып, 30-майга чейин созулат. Кыргызстандык балбан 79 килограмм салмакта күч сынашары айтылды.

Будажапов жакында эле Болгариянын София шаарында өткөн Токио Олимпиадасына жолдомо берилүүчү дүйнөлүк лицензиялык мелдешке катышып, коло байге үчүн күрөштө жеңилип калган.

Белгилей кетсек, Иван Ярыгин атындагы Голден Гран-при эл аралык мелдеши эркин күрөш боюнча дүйнөдөгү эң абройлуу турнирлерден болуп саналат.

Турнир Ярыгиндин дүйнөлүк спортко сиңирген эмгегин эске алуу менен 1990-жылы негизделген. Алгачкы мелдеш Абаканда болгон. Ал эми калган турнирлер азыркыга чейин Красноярск шаарында өтүп келет.

42
Белгилер:
Иван Ярыгин, Арсалан Будажапов, Россия, мелдеш, эркин күрөш
Тема боюнча
Сыймык! Бегалиевди таптаган Ахметов Олимпиада оюндарында рефери болот
Кыргызстандагы спорт тууралуу алгачкы телесериалдын трейлери жарыяланды
Франциянын Килиан Мбаппе Португалия менен Франциянын беттешинде Евро-2020

Евро-2020: плей-офф оюнунун убакыт-сааты

53
(жаңыланган 11:16 24.06.2021)
Sputnik Кыргызстан расписание Бишкек убактысы менен түзүлгөнүн эскертет. Оюндар 26-июнда башталат.

БИШКЕК, 24-июн. — Sputnik. Футбол боюнча Европа чемпионатынын плей-офф оюнунун бардык катышуучулары аныкталды.

Жакында эле тайпалык этаптын акыркы оюну болуп, кийинки стадияга тайпада биринчи, экинчи орунду алган 16 команда өттү. Мындан сырткары, үчүнчү орунду алган төрт мыкты курама команда да плей-офф оюнунда мелдешет.

Мелдештин убакыт-сааты (Бишкек убактысы менен):

  • 26-июнь 22:00, Уэльс — Дания ("Амстердам-Арена", Амстердам);
  • 27-июнь 01:00, Италия — Австрия ("Уэмбли", Лондон);
  • 22:00, Нидерланддар — Чехия ("Пушкаш Арена", Будапешт);
  • 28-июнь 01:00, Бельгия — Португалия ("Олимпико де Севилья", Севилья);
  • 22:00, Хорватия — Испания ("Паркен", Копенгаген);
  • 29-июнь 01:00, Франция — Швейцария (Улуттук стадион, Бухарест);
  • 22:00, Англия — Германия ("Уэмбли", Лондон);
  • 30-июнь 01:00, Швеция — Украина ("Хэмпден Парк", Глазго).

Чейрек финал 2-3-июлда, ал эми жарым финал 6-7-июлда өтөт. Европа биринчилигинин башкы оюну Лондон шаарында 11-июлга пландалган.

Дагы бир жолу расписание Бишкек убактысы боюнча түзүлгөнүн эскертебиз.

53
Белгилер:
Расписание, оюн, футбол, Евро-2020
Тема боюнча
Согончогу менен гол киргизген футболчу. Бразилияда тартылган видео
Роналдуну тааныбай документин текшерген күзөтчү. Будапешттин стадионундагы видео
Жөө күлүктөр. Архивдик сүрөт

Жөө күлүктөр Минскидеги жана Ташкенттеги мелдеште ат салышат

25
Жеңил атлеттер кыска убакытта эки турнирге катышмакчы. Аларды машыктыруучудан тышкары укалоочу да коштоп барат.

БИШКЕК, 24-июн. — Sputnik. Жеңил атлетика боюнча курама команда эки эл аралык мелдешке катышарын Жаштар иши, дене тарбия жана спорт агенттиги кабарлады.

Ага ылайык, спорчулар 24-26-июнь күндөрү Беларустун Минск шаарында жана 27-30-июнь күндөрү Өзбекстандын Ташкент шаарында боло турчу турнирлерде күч сынашат.

Мелдештерге жөө күлүктөр Мусулман Жоломанов менен Нурсултан Кеңешбеков жөнөтүлүп, алар менен кошо укалоочу Александр Исалаев жана улук машыктыруучу Сатыбек Чокаев жөнөтүлөт.

Курама команда Спорттун олимпиадалык түрлөрү боюнча дирекциясы тарабынан каржыланууда.

25
Белгилер:
жеңил атлетика, жөө күлүк, мелдеш, спорт, Беларусь, Өзбекстан, Кыргызстан
Тема боюнча
Түнкү марафондун жыйынтыгы чыгарылды. Тизме
Күн күркүрөп, чагылган чартылдап... Түнкү жарышта чуркаган жөө күлүктөр. Видео
COVID 19 үлгүлөрү менен иштеген лаборант. Архив

Өткөн суткада 822 кишиден коронавирус аныкталып, беш адам көз жумду

14
(жаңыланган 11:41 24.06.2021)
Азыркы тапта ооруканада дарыланып жаткандардын ичинен 100 бейтаптын абалы өтө оор экени айтылды. Бир суткада эле 21 медиктин коронавирус жуктуруп алганы аныкталган.

БИШКЕК, 24-июн. — Sputnik. Кечээтен бери Кыргызстанда 822 кишиден коронавирус аныкталып, 475 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 300;
  • Ош – 70;
  • Чүй облусу – 207;
  • Ош облусу – 93;
  • Талас облусу – 9;
  • Нарын облусу – 1;
  • Ысык-Көл облусу – 20;
  • Жалал-Абад облусу – 80;
  • Баткен облусу – 42.

Ушуну менен өлкөдө илдет илештиргендердин жалпы саны 118 106га жетти. Анын ичинен 106 858 киши дартты жеңген.

Айыккандар:

  • Бишкек – 183;
  • Ош шаары – 118;
  • Чүй облусу – 54;
  • Ош облусу – 70;
  • Талас облусу – 2;
  • Нарын облусу – 4;
  • Ысык-Көл облусу – 6;
  • Жалал-Абад облусу – 22;
  • Баткен облусу – 16.

Тилекке каршы, өткөн суткада дарт беш адамдын өмүрүн алды:

  • Бишкек – 3;
  • Чүй облусу – 1;
  • Ош шаары – 1.

Жалпысынан оорудан 1 958 адам каза тапты.

Азыркы тапта стационарда 2 604 бейтап дарыланууда. Анын ичинен 801 бейтап оор абалда болсо, 100 адамдын абалы өтө оор деп бааланды. Бир сутка ичинде 21 медиктен коронавирус табылганы кошумчаланды.

14
Белгилер:
стационар, бейтап, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Казак өкмөтү: Кыргызстанга вакцина берүү пландалган эмес
Индиялык адис: COVID-19дун "дельта-плюс" штаммы өтө тез жугат