Вильярреалда Жерар Морено биринчи голун белгилеп жатат

22 пенальти. "Вильярреал" Европа лигасынын чемпиону болду

170
(жаңыланган 17:05 27.05.2021)
Беттеш пенальти менен аяктап, оюн талаасындагы дээрлик бардык 22 футболчу тепти. Удаасы менен 21 голдон соң англиялыктардын дарбазачысы Давид де Хеа топ киргизе албай калды.

БИШКЕК, 27-май — Sputnik. Европа футбол уюмунун (UEFA) Европа лигасынын 2020-2021-жылдагы мелдешин Испаниянын "Вильярреал" командасы жеңди. Финалда алар Англиянын "Манчестер Юнайтед" клубун утканын eurosport маалымат булагы жазды.

Негизги убакыт жана кошумча берилген эки тайм 1:1 эсеби менен аяктап, жеңүүчүнү пенальтилер сериясы аныктаган.

Бул аталган мелдештин тарыхындагы эң узакка созулган пенальти сериясы болду. Оюн талаасындагы футболчулардын дээрлик баары, дарбазачылары да, 11 метрлик аралыктан топ тебишти. Дээрлик 21 топ удаасы менен гол болду. Акыркы, 22-болуп англиялыктардын дарбазачысы Давид де Хеанын тепкенин испаниялыктардын дарбазачысы Херонимо Рульи тосуп алды. Буга чейин ал өзү топ тээп киргизген болчу.

"Вильярреал" тарыхында өзүнүн алгачкы ири олжосун утту. Команда буга чейин эки ирет Интертото кубогун жеңген. 2006-жылы UEFA уюмунун Чемпиондор лигасы мелдешинин жарым финалына чейин жеткен.

Эрежеге ылайык, бул мелдешти жеңген команда келерки жылдагы Чемпиондор лигасынын тайпалык баскычынан ойноого укук алат.

170
Белгилер:
"Вильярреал" ФК, "Манчестер Юнайтед" ФК, финал, Европа лигасы, UEFA, футбол
Тема боюнча
Футбол боюнча Европа чемпионатынын расмий ыры жаңырды. Видеоклип
Кыргызстандык дзюдочу Владимир Золоев. Архив

Дзюдочу Владимир Золоев Олимпиада оюндарына жолдомо утту

40
(жаңыланган 16:06 23.06.2021)
Спортчу 2018-жылдан тарта 12 турнирге катышып, жалпы 2 380 упай топтоп, натыйжада жолдомо алуу мүмкүнчүлүгү жаралган.

БИШКЕК, 23-июн. — Sputnik. Кыргызстандык дзюдочу Владимир Золоев Токиодо өтө турчу XXXII жайкы Олимпиада оюндарына лицензия жеңип алды. Бул тууралуу Жаштар иши, дене тарбия жана спорт агенттиги кабарлады.

Ага ылайык, спортчу 2018-жылдан тарта 12 турнирге катышып, жалпы 2 380 упай топтоп, натыйжада жолдомо алуу мүмкүнчүлүгү жаралган.

Белгилей кетсек, Владимир Золоев Азия жана Океаниянын учурдагы чемпиону. Килемде 81 килограмм салмактагылар арасында күч сынашат.

Токио Олимпиадасы

Мелдеш 2021-жылдын 23-июлунан 8-августуна чейин өтөрү пландалган. Япониянын борборунда жай айында өтүүчү оюндар чет элдик көрөрмансыз өтөт. Ага 200дөн ашуун мамлекеттин спортчулары катышары күтүлүп жатат.

Кыргызстандан маанилүү оюнга учурда 16 спортчу жолдомо утту. Тагыраагы, балбандар Атабек Азисбеков, Айсулуу Тыныбекова, Жоламан Шаршенбеков, Акжол Махмудов, Үзүр Жузупбеков, Айпери Медет кызы, Мээрим Жуманазарова, Эрназар Акматалиев, жөө күлүктөр Мария Коробицкая, Дарья Маслова жана Юлия Андреева, суучул Денис Петрашов ок атуу боюнча Каныкей Кубанычбекова, оор атлетчи Бакдөөлөт Расулбеков, дзюдочу Владимир Золоев, фехтование боюнча Роман Петров алды. Ошондой эле Параолимпиададан алгачкы лицензияны ядро ыргытуу спортунун чебери Арстанбек Базаркулов багындырган.

40
Белгилер:
жолдомо, спорт, дзюдо, Олимпиадалык оюндар, Владимир Золоев, Кыргызстан
Тема:
2021-жылы Токиодо өтө турган Олимпиада оюндары
Тема боюнча
Кыргызстандык оор атлетчи Бакдөөлөт Расулбеков Олимпиадага лицензия алды. Сүрөт
Ок атуу спорту боюнча Каныкей Кубанычбекова Олимпиадага жолдомо алды

Согончогу менен гол киргизген футболчу. Бразилияда тартылган видео

130
(жаңыланган 10:32 23.06.2021)
Бразилиядагы футбол боюнча чемпионатта "Фламенго" жана "Брагантино" командаларынын ортосундагы мелдештин бешинчи турунда футболчу топту дарбазага согончогу менен киргизди.

Өзгөчө топту оюндун 12-мүнөтүндө "Брагантино" командасынын коргоочусу Адерлан де Лима Силва киргизген. Айып талаадан берилген топту дарбазанын тушунан согончогу менен тээп гол жараткан.

Оюн "Брагантино" командасынын пайдасына 3:2 эсеби менен аяктаган. Акыркы голду аталган команданын футболчулары соңку мүнөттөрдө киргизишкен.

30 жаштагы Адерлан де Лима Силва команданын оң жактагы коргоочусу. Ал 2021-жылы клуб менен эркин агент катары келишим түзгөн. Ага чейин "Брагантино" командасында макулдашуунун негизинде маал-маалы менен ойночу.

130
Белгилер:
видео, гол, чемпионат, Бразилия
Тема боюнча
Башын мыкчып... Гаитинин дарбазачысы өзүнө гол киргизип алган видео

Россиянын аскер учагы Кара деңизде британиялык кемени кантип токтотту. Видео

0
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

0
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?