Реал футбол клубунун башкы машыктыруучусу Зинедин Зидан. Архив

Зидан кызматтан кетип, "Реал Мадрид" клубун машыктырбай калды

94
(жаңыланган 17:51 27.05.2021)
Франциялык адис машыктыруучу катары "Реалга" 2019-жылдын 11-мартында кайра келген. Экинчи сапарында ал команда менен Испания чемпионатын жана Суперкубогун уткан.

БИШКЕК, 27-май — Sputnik. "Реал" футбол клубунун башкы машыктыруучусу Зинедин Зидан кызматынан кетти. Бул тууралуу мадриддиктердин расмий сайтында айтылат.

Анда Зидан кызматынан кетери, клуб анын чечимин урматтай турганы жазылган.

"Зинедин Зидан биздин командадагы башкы машыктыруучулук ишин аяктады. Биз анын чечимин сыйлайбыз. Анын кесипкөйлүгү, футболго берилгендиги жана "Реал Мадрид" командасынын катарында болгону үчүн чын жүрөктөн ыраазычылыгыбызды билдиребиз. Ал "Реал Мадрид" үчүн маанилүү адам экенин, клуб анын үйү болгонун жана ошол бойдон каларын билет", — деп айтылат билдирүүдө.

Франциялык адис машыктыруучу катары "Реалга" 2019-жылдын 11-мартында кайра келген. Экинчи сапарында ал команда менен Испания чемпионатын жана Суперкубогун уткан. 2020-2021-жылдагы сезондо падышалык команда UEFA уюмунун Чемпиондор лигасы мелдешинин жарым финалына, ал эми Ла Лиганы (Испания биринчилиги) экинчи орун менен жыйынтыктаган.

Эске салсак, Зидан "Реал" менен Чемпиондор лигасын үч ирет, 2015/16, 2016/17 жана 2017/18-жылдары удаасы менен уткан.

94
Белгилер:
кызмат, машыктыруучу, Реал Мадрид ФК, Зинедин Зидан
Тема боюнча
22 пенальти. "Вильярреал" Европа лигасынын чемпиону болду
Эркин күрөш боюнча мелдеш. Архивдик сүрөт

Эркин күрөш боюнча курама команда Түркияда өтчү мелдешке катышат. Тизме

47
Спортчу жана машыктыруучулардын иш сапарын агенттиктин Спорттун олимпиадалык түрлөрү боюнча дирекциясы каржылай турганы кошумчаланды.

БИШКЕК, 25-июн. — Sputnik. Кыргызстандын эркин күрөш боюнча курама командасы Түркияда өтчү Yaşar Doğu аттуу эл аралык мелдешке катышат. Бул тууралуу Жаштар иши, дене тарбия жана спорт агенттиги кабарлады.

Билдирмеге караганда, спорттук мелдеш 24-27-июнь күндөрү Стамбул шаарында болот.

Мелдешке катыша турчу балбандар:

  • Бекболот Мырзаназар уулу, 57 килограмм;
  • Алмаз Сманбеков, 57 килограмм;
  • Улукбек Жолдошбеков, 61 кг;
  • Тайырбек Жумашбек уулу, 61 кг;
  • Икромжан Хаджимурадов, 61 кг;
  • Эрназар Акматалиев, 65 кг;
  • Алибек Осмонов, 65 кг;
  • Айбек Токтогул уулу, 65 кг;
  • Ислам Орозбеков, 70 кг;
  • Саякбай Усупов, 79 кг;
  • Атай Изабеков, 79 кг;
  • Нуртилек Карыпбаев, 86 кг;
  • Дөөлөтбек Жамгырбек уулу, 92 кг;
  • Азамат Бекмырзаев, калыс;
  • Исламбек Тазабеков, улук машыктыруучу;
  • Сүймөнкул Таабалды уулу, улук машыктыруучу;
  • Русланбек Маджинов, башкы машыктыруучу.

Спортчу жана машыктыруучулардын иш сапарын агенттиктин Спорттун олимпиадалык түрлөрү боюнча дирекциясы каржылай турганы кошумчаланды.

47
Белгилер:
балбан, эркин күрөш, Түркия, спорт, Кыргызстан
Тема боюнча
Жөө күлүктөр Минскидеги жана Ташкенттеги мелдеште ат салышат

Нокаутка кеткен Макгрегор. Мушкердин Порье менен экинчи ирет беттешкен видеосу

1245
(жаңыланган 12:56 24.06.2021)
UFC уюмунун YouTube каналына ирландиялык мушкер Конор Макгрегордун америкалык Дастин Порье менен болгон экинчи беттеши жарыяланды.

Мелдеш ушул жылдын 24-январында UFC 257 турниринин алкагында өткөн. Порье Макгрегорду экинчи раундда нокаутка кетирген. Бул ирландиялык спортчунун карьерасындагы биринчи нокаут.

Эске салсак, мушкерлер алгачкы жолу 2014-жылы күч сынашкан. Анда Порье техникалык нокаут менен утулуп калган. 11-июль күнү экөө үчүнчү ирет бири-бирине каршы рингге чыгат.

1245
Белгилер:
видео, беттешүү, Дастин Порье, Конор Макгрегор, UFC
Тема боюнча
Жети секундда сулата чапты. UFC 263 мелдешинин урунттуу учурларынын видеосу
Баш көтөртпөй... Абдыкааров OPEN FC Гран-при мелдешинин финалына чыккан видео
Аттестаты особого образца Алтын тамга для выпускникам школ. 25 июня 2021 года

Бишкектик 99 бүтүрүүчү жаңы үлгүдөгү "Алтын тамга" аттестатын алды. Сүрөт

0
(жаңыланган 15:08 25.06.2021)
Мектепти жакшы баа менен аяктагандарды шаардын мэринин милдетин аткаруучу Бактыбек Кудайбергенов куттуктап, документ менен кошо акылдуу саат тапшырды.

БИШКЕК, 25-июн. — Sputnik. Бишкектеги билим берүү мекемелерин аяктаган 99 балага жаңы үлгүдөгү "Алтын тамга" аттестаты тапшырылды. Бул тууралуу мэриянын маалымат кызматы кабарлады.

Салтанаттуу иш-чара Абдылас Малдыбаев атындагы опера жана балет театрында өттү. Мектепти жакшы баа менен аяктаган бүтүрүүчүлөрдү шаардын мэринин милдетин аткаруучу Бактыбек Кудайбергенов куттуктап, документ менен кошо акылдуу саат тапшырды. Ал эми бүтүрүүчүлөр шаар башчысына өз колдору менен жасаган белекти беришкен. Анда шаардын символу болгон илбирстин сүрөтү кийизге түшүрүлгөн.

Иш-чара бардык санитардык-эпидемиологиялык эрежелерди сактоо менен өткөрүлдү.

0
Белгилер:
"Алтын тамга" аттестаты, тапшыруу, аттестат, бүтүрүүчү, Бишкек мэриясы
Тема боюнча
Министрлик жогорку окуу жайга тапшыруунун босого баллын белгиледи
ЖРТнын жыйынтыгы менен алтын сертификат алгандар. Тизме