Кыргыз Республикасынын желеги менен спортчу. Архив

Ассоль Молдокматованын уулу баштаган кикбоксчулар Европа кубогунан медаль алды

222
(жаңыланган 13:12 31.05.2021)
Алтын медаль алган Шабдан Молдокматовду энеси, коомдук ишмер Ассоль Молдокматова да куттуктап, машыктыруучусу Эрик Воиновго ыраазылык айтты.

БИШКЕК, 31-май — Sputnik. Кыргызстандык кикбоксчулар Хорватияда өткөн Европа кубогунан эки алтын жана алты коло медаль багындырды. Бул тууралуу КРдин Кикбокс федерациясынан кабарлашты.

Мелдеш 28-30-май күндөрү Карловац шаарында өттү.

Спортчулардын арасынан Шабдан Молдокматов (81 кг) менен Нурсултан Аширбаев (57 кг) кикбокстун лоу-кик бөлүгүнөн алтын алып, Европа кубогунун ээси болушкан.

Шабдандын ийгилиги менен ал машыккан Germes Proffee клубу да бөлүштү. Бул клуб Кикбокс федерациясынын президенти жана белгилүү машыктыруучу Александр Воиновго таандык.

Посмотреть эту публикацию в Instagram

Публикация от ★★★ Germes Proffee ★★★ (@germesproffee.official)

Алтын медаль алган Шабдан Молдокматовду энеси, коомдук ишмер Ассоль Молдокматова да куттуктап, машыктыруучусу Эрик Воиновго ыраазылык айтты.

Посмотреть эту публикацию в Instagram

Публикация от Assol Moldokmatova (@assol_moldokmatova)

Ошондой эле Улан Касымбеков (57 кг) лоу-кик жана К 1 бөлүктөрүнөн эки коло алган. Андан тышкары, үчүнчү орунду Амир Сабырбеков (91+) менен Довуд Очилов (71 кг) жана жаштардан кик-лайт бөлүгү боюнча Максим Сушков (52 кг) менен Платон Филашов (32 кг) ээ болгон.

222
Белгилер:
Александр Воинов, Ассоль Молдокматова, кикбоксинг, кубок, Европа, Кыргызстан
Тема боюнча
Сууда сүзүүчү Денис Петрашов Монакодо өткөн мелдеште коло утуп алды
Кыргызстандык дзюдочу Владимир Золоев. Архив

Дзюдочу Владимир Золоев Олимпиада оюндарына жолдомо утту

40
(жаңыланган 16:06 23.06.2021)
Спортчу 2018-жылдан тарта 12 турнирге катышып, жалпы 2 380 упай топтоп, натыйжада жолдомо алуу мүмкүнчүлүгү жаралган.

БИШКЕК, 23-июн. — Sputnik. Кыргызстандык дзюдочу Владимир Золоев Токиодо өтө турчу XXXII жайкы Олимпиада оюндарына лицензия жеңип алды. Бул тууралуу Жаштар иши, дене тарбия жана спорт агенттиги кабарлады.

Ага ылайык, спортчу 2018-жылдан тарта 12 турнирге катышып, жалпы 2 380 упай топтоп, натыйжада жолдомо алуу мүмкүнчүлүгү жаралган.

Белгилей кетсек, Владимир Золоев Азия жана Океаниянын учурдагы чемпиону. Килемде 81 килограмм салмактагылар арасында күч сынашат.

Токио Олимпиадасы

Мелдеш 2021-жылдын 23-июлунан 8-августуна чейин өтөрү пландалган. Япониянын борборунда жай айында өтүүчү оюндар чет элдик көрөрмансыз өтөт. Ага 200дөн ашуун мамлекеттин спортчулары катышары күтүлүп жатат.

Кыргызстандан маанилүү оюнга учурда 16 спортчу жолдомо утту. Тагыраагы, балбандар Атабек Азисбеков, Айсулуу Тыныбекова, Жоламан Шаршенбеков, Акжол Махмудов, Үзүр Жузупбеков, Айпери Медет кызы, Мээрим Жуманазарова, Эрназар Акматалиев, жөө күлүктөр Мария Коробицкая, Дарья Маслова жана Юлия Андреева, суучул Денис Петрашов ок атуу боюнча Каныкей Кубанычбекова, оор атлетчи Бакдөөлөт Расулбеков, дзюдочу Владимир Золоев, фехтование боюнча Роман Петров алды. Ошондой эле Параолимпиададан алгачкы лицензияны ядро ыргытуу спортунун чебери Арстанбек Базаркулов багындырган.

40
Белгилер:
жолдомо, спорт, дзюдо, Олимпиадалык оюндар, Владимир Золоев, Кыргызстан
Тема:
2021-жылы Токиодо өтө турган Олимпиада оюндары
Тема боюнча
Кыргызстандык оор атлетчи Бакдөөлөт Расулбеков Олимпиадага лицензия алды. Сүрөт
Ок атуу спорту боюнча Каныкей Кубанычбекова Олимпиадага жолдомо алды

Согончогу менен гол киргизген футболчу. Бразилияда тартылган видео

113
(жаңыланган 10:32 23.06.2021)
Бразилиядагы футбол боюнча чемпионатта "Фламенго" жана "Брагантино" командаларынын ортосундагы мелдештин бешинчи турунда футболчу топту дарбазага согончогу менен киргизди.

Өзгөчө топту оюндун 12-мүнөтүндө "Брагантино" командасынын коргоочусу Адерлан де Лима Силва киргизген. Айып талаадан берилген топту дарбазанын тушунан согончогу менен тээп гол жараткан.

Оюн "Брагантино" командасынын пайдасына 3:2 эсеби менен аяктаган. Акыркы голду аталган команданын футболчулары соңку мүнөттөрдө киргизишкен.

30 жаштагы Адерлан де Лима Силва команданын оң жактагы коргоочусу. Ал 2021-жылы клуб менен эркин агент катары келишим түзгөн. Ага чейин "Брагантино" командасында макулдашуунун негизинде маал-маалы менен ойночу.

113
Белгилер:
видео, гол, чемпионат, Бразилия
Тема боюнча
Башын мыкчып... Гаитинин дарбазачысы өзүнө гол киргизип алган видео
Мектеп бүтүрүүчүнүн аттестаты. Архив

Эртең мектептерде аттестат бериле баштайт. Бүтүрүү кечеси болобу?

0
(жаңыланган 22:50 23.06.2021)
Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлдөө зарыл.

БИШКЕК, 23-июн. — Sputnik. Эртеңден тарта мектептерде бүтүрүүчүлөргө орто билими боюнча аттестат бериле баштайт. Бул тууралуу Билим берүү жана илим министрлигинен билдиришти.

Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлгө алышы шарт.

Мектеп жетекчилиги аттестат тапшыруу учурунда бүтүрүүчүлөрдүн өмүрү жана ден соолугу үчүн жооптуу. Коштошуу кечесин ресторан жана кафелерде өткөрүү үчүн акча чогултууга жол берилбеши керек.

0
Белгилер:
аттестат, бүтүрүүчү, мектеп, Кыргызстан
Тема боюнча
Усеналиев: "Алтын тамга" 11 жылдан бери өтүп келет
ЖРТнын жыйынтыгы менен алтын сертификат алгандар. Тизме