Кыргызстандын футбол боюнча улуттук курама командасы

Кыргызстандын футбол боюнча улуттук командасы Японияга учуп кетти

94
(жаңыланган 11:39 02.06.2021)
Кечээ Маданият, маалымат, спорт жана жаштар саясаты министрлигинин, Спорт агенттигинин жана Футбол союзунун жетекчилери команданы узатышты.

БИШКЕК, 2-июн. — Sputnik. Футбол боюнча Кыргызстандын курама командасы 2022-жылдагы Дүйнө чемпионатына тандоо оюндарынын калган беттештерин өткөрүү үчүн Японияга жөнөп кетти. Бул тууралуу Кыргызстандын футболдук союзунун маалымат кызматы билдирди.

Эске салсак, 2022-жылы Катар өлкөсүндө өтүүчү футбол боюнча дүйнө чемпионатына тандоо оюндарынын калганы борборлоштурулган форматта Японияда өтөт. Кыргызстан ойногон F тайпасынын оюндары Осака шаарында болот.

Башкы машыктыруучу Александр Крестининдин шакирттери 7-июнда Монголия, 11-июнда Мьянма жана 15-июнда Япония менен беттешет.

Кечээ Маданият, маалымат, спорт жана жаштар саясаты министрлигинин, Спорт агенттигинин жана Футбол союзунун жетекчилери команданы узатышты.

"Биздин күйөрмандар улуттук команданын оюндарын чыдамсыздык менен күтүп калышты. Алдыда өтө жоопкерчиликтүү оюндар турат. Татыктуу оюн көрсөтүп, жеңишке жеткиле! Силер алыс жерде ойносоңор да биз силер мененбиз, силерди колдоп турабыз. Артыңарда бүтүндөй мамлекет турат", — деген КФСтин президенти Канатбек Маматов.

Министр Кайрат Иманалиев футболчулар ийгиликке жетет деген үмүтүн билдирди.

94
Белгилер:
сапар, тандоо, Япония, футбол, Кыргызстан
Тема:
Кыргызстан менен Монголиянын футбол боюнча беттеши (10)
Тема боюнча
Дүйнө чемпионаты: тандоо оюндарына барчу футболчулардын тизмеси жарыяланды
Гаитинин курама командасынын дарбазачысы Жосуэ Дюверге оюн учурунда

Башын мыкчып... Гаитинин дарбазачысы өзүнө гол киргизип алган видео

192
(жаңыланган 16:29 17.06.2021)
Голкипердин оңтойсуз аракетинен атаандаш команда упай алып кетти. Гаити менен Канада 2022-жылы өтө турчу дүйнө чемпионатынын алкагында беттешкен.

БИШКЕК, 17-июн. — Sputnik. Гаитинин курама командасынын дарбазачысы Жосуэ Дюверге өзүнө гол киргизип алганын Eurosport жазды.

Тайпанын коргоочусу дарбазачыга топту тээп берген. Ал топту токтотом деп бутунун ортосунан өткөрүп жиберген, анан кайра аны сыртка чыгарам деп тоголонуп бараткан топко буту жетпей калган.

​Гаити Канада менен 2022-жылы өтө турчу дүйнө чемпионатынын алкагында беттешкен. Жыйынтыгында Канада 3:0 эсеби менен утту.

192
Белгилер:
видео, гол, дарбазачы, футбол, Канада, Гаити
Тема боюнча
45 метрден тебилген гол менен дарбазачы кошо кирип... Евро–2020нын видеосу
Фжылдызы Криштиану Роналду

Роналдуну тааныбай документин текшерген күзөтчү. Будапешттин стадионундагы видео

201
Стадиондун кызматкери атактуу португалиялык спортчуну документин алып көргөнөн кийин гана кое берген.

БИШКЕК, 17-июн. — Sputnik. Будапешттеги стадиондо футбол жылдызы Криштиану Роналдуну тааныбай койгон күзөтчүнүн видеосу социалдык тармактарда тарап жатат.

Роликти ESPN каналы да жарыялаган. Окуя Евро-2021де Португалия менен Венгриянын беттеши алдында болгону айтылды.

​Кийим которгон жайга бараткан Португалия курама командасынын чабуулчусун стюарддардын бири токтотуп, документтерин сураган.

Видеодон күзөтчү футболчунун документтерин карап, баары дал келгенине ынангандан кийин гана кое бергени көрүнүп турат.

Роликтин алдындагы комментарийлерде атактуу футболчу тагынып жүргөн бет кабынан улам да таанылбай калганын айткандар болууда.

201
Белгилер:
стадион, бет кап, футбол, Евро-2020, күзөтчү, Криштиану Роналду
Тема боюнча
Голу эсептелбей калган Роналду капитандык лентасын ыргытып салды. Видео
Айыл, суу чарба жана аймактарды өнүктүрүү министри Аскарбек Жаныбеков. Архив

Министр: Орто-Токой суу сактагычындагы суу бир айга гана жетет

0
(жаңыланган 00:11 18.06.2021)
Министр Орто-Токой суу сактагычында 224 миң куб суу калганын айтып, сууну эл өзү билемдикке салып колдонбошу керектигин эскертти.

БИШКЕК, 17-июн. — Sputnik. Эгер суунун чыгымы азыркыдай көп болсо, анда 15-20-июлда Орто-Токой суу сактагычында суу калбай калат. Бул тууралуу айыл, суу чарба жана аймактарды өнүктүрүү министри Аскарбек Жаныбеков Жогорку Кеңештин жыйынында билдирди.  

"Орто-Токой суу сактагычында 224 миң куб суу калганын айтып коюшум керек. Эгер биз аны азыркыдай иштетсек, 15-20-июлда ал жакта суу жок калат. Суу сактагыч беш дарыядан барган суу менен толот. Быйыл нормадан 50 пайызы гана келип жатат. Кырдаалдан чыгуунун бир эле жолу бар. Ал график боюнча кезектешип сугаруу жана скважинаны иштетүү", — деди министр.  

Аткаминер эл сууну өзү билемдикке салып бөлүштүрбөшү керектигин эскертип, суу  чарбасы бөлүштүргөн графиктин негизинде гана иш алып барууну  белгиледи.  

Чүй облусундагы суу тартыштыгы дыйкандарды убайымга салды. Алардын эгин талаалары куурап, бир жылдык түшүмдөн кол жууп калуу кооптуулугу бар. Бийлик өкүлдөрү тоолордо күн жылыбай, мөңгүлөрдүн эрибей жатканы көйгөйдүн бирден-бир себеби экенин айтууда.
© Sputnik / Акылбек Батырбеков , Эмиль Садыров
"Эгер суу бөлүштүрүү боюнча график сакталса, суу баарына жетет. Суу ресурстары боюнча агенттикте 4 600 адам иштейт. Көбүнүн айлыгы 4600-4800 сом. Ага карабай бул адамдар каналда күнү-түнү иштеп, аракет кылып жатышат", — деди Жаныбеков.  

Буга чейин Суу ресурстары боюнча мамлекеттик агенттиктин жетекчисинин орун басары Абдыбай Жайлообаев июлда сугат суусу азыркыдан да тартыш болушу мүмкүн экенин божомолдогон.

0
Белгилер:
министр, бөлүштүрүү, айыл чарба, суу, Орто-Токой суу сактагычы
Тема боюнча
Сабиз менен картошканы сыртка сатууга тыюу салынат
Бийлик өкүлдөрү суу эмнеге кескин азайып кеткенин түшүндүрдү