Бишкекте өткөн түнкү марафон. Архивдик сүрөт

Бишкекте түнкү марафон өтүп, түшкөн каражаттын бир бөлүгү балдар үйүнө берилет

55
(жаңыланган 16:39 03.06.2021)
Быйыл өтө турган жарыш мурдагыдай Бишкектин батыш бөлүгүндө эмес, чыгыш тарабында уюштурулат. Жөө күлүктөр "Аю Гранд" соода борборунун жанынан старт алышат.

БИШКЕК, 3-июн. — Sputnik. Бишкекте бардык спорт сүйүүчүлөрү үчүн жыл сайын өтүүчү Toyboss Night Run 2021 жарышы болот. 19-июнь күнү саат 20:00гө белгиленген спорттук иш-чараны Nomad Sport коомдук бирикмеси уюштурууда.

Баш калаада жарыш үчүнчү ирет өткөнү жатат. Бул жолу ага эки миңдей катышуучу келери күтүлүүдө.

Жарыштын катышуучуларына бет кап жана эпидемиологиялык коопсуздук боюнча көрсөтмөлөр берилет. Ошондой эле жарым марафон өтө турган аянтка антисептикалык каражаттар коюлат.

Жарыш Чокон Валиханов көчөсү менен Чүй проспектисинин бир бөлүгүндө өтөт. Уюштуруучулар коомдук жана жеке транспортторго тоскоолдук жаратпаш үчүн жолдун бир тарабына гана чектөө (оцепление) киргизилерин айтышты.

Бишкек шаарынан анча алыс эмес жерге жарым марафонго катышуу үчүн 2 500 киши чогулду. Бүйүр кызыткан иш-чараны биз видеого тартып алдык.
© Sputnik / Акылбек Батырбеков , Эмиль Садыров
Марафондун катышуучулары тандаганына жараша 5, 10 жана 21,1 чакырымга чуркашат. Мындан сырткары, айрым компаниялар Ekiden командалык эстафетага катышып, жыл сайын өтүүчү кубок үчүн таймаша алышат.

Мелдештин директору Арслан Малдыбаев Ekiden аталыштагы шосседе чуркоо бул эстафеталык мелдеш болуп саналарын белгиледи.

Эстафетага 14 жаштан жогорку курактагылар катыша алат. Өнөктөштөр тарабынан белгиленген байге фонду быйыл 192 миң сомду түзөт.

Байге үчүн 21,1 чакырымдык жарым марафондо жана Ekiden командалык эстафетада чуркаган жөө күлүктөр ат салышат.

Белгилей кетчү жагдай, быйылкы жарышта катышуучулардан түшкөн каражаттын бир бөлүгү Кара-Балтадагы Улуттук Кызыл Ай коомунун балдар кризистик борборуна берилет. Аталган жайда эки жаштан 18 жашка чейинки 25 бала жашайт. Алар жетим балдар, мигранттардын балдары жана мүмкүнчүлүгү чектелген балдар болуп саналат.

Спорттук иш-чарада каалоочулар футболка, рюкзак сатып алып же диагностикадан өтүп балдар борборуна жардам бере алышат.

Toyboss Night Run 2021 жарышынын шарттары жана катышуу акысы тууралуу маалыматты nomadsport.net сайты же 0 (554) 60-07-07 телефон номерине чалып билүүгө болот.

55
Белгилер:
кайрымдуулук, марафон, Бишкек
Тема боюнча
Кытайда марафон учурунда аба ырайы бузулуп 21 киши каза болду
Ысык-Көлдө июнда тоо марафону өтөт
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды

Россияда Айтматов атындагы эл аралык көк бөрү мелдеши башталды

67
Турнирге Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.

БИШКЕК, 13-июн. — Sputnik. Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды. Бул тууралуу Көк бөрү улуттук федерациясынын маалымат кызматы билдирди.

  • На Благовещенском поле города Сергиев Посад (Московская область, Россия) стартовал международный турнир по кок-бору на Кубок Чынгыза Айтматова
    Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды
    © Фото / Федерация кок-бору Кыргызстана
  • На Благовещенском поле города Сергиев Посад (Московская область, Россия) стартовал международный турнир по кок-бору на Кубок Чынгыза Айтматова
    Турнир Москва облусунун Сергиев Пасад шаарындагы Благовещенский талаасында болуп жатат. Ага Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.
    © Фото / Федерация кок-бору Кыргызстана
1 / 2
© Фото / Федерация кок-бору Кыргызстана
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды

Турнир Москва облусунун Сергиев Пасад шаарындагы Благовещенский талаасында болуп жатат. Ага Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.

Белгилей кетсек, спорттук иш-чара Россия жана Евразия элдеринин "Русский мир" дене тарбия фестивалынын алкагында өткөрүлөт. Аны Спортту жана тынчтык маданиятын өнүктүрүүгө көмөктөшүү боюнча региондор аралык коомдук фонду, Россиянын Элдер ассамблеясы жана Кыргызстандын Көк бөрү улуттук федерациясы уюштурууда.

Мелдеш Кыргызстандын Көк бөрү федерациясынын эрежеси менен өтөрү айтылды.

Жеңүүчүлөр Чыңгыз Айтматов атындагы кубок жана уюштуруу комитетинин белектери менен сыйланат. Ал эми катышуучуларга эстелик белек берилет.

67
Белгилер:
Көк бөрү, фестиваль, Россия
Тема боюнча
Кадыркулов: "Русский мир" фестивалына 12 улакчы барат

Атаандашын жонуна көтөрүп. Япониялык дзюдочу кыздын кубанткан видеосу

146
Чемпион болгон спортчу кыз финалда жаракат алган атаандашына ичи ачышканын билдирип, ага жакшылык кылууну чечкен.

Венгриянын Будапешт шааарында өтүп жаткан дзюдо боюнча дүйнө чемпионатында кыздар күрөшүнөн япониялык Сара Асахинанын атаандашына көрсөткөн бийик адамгерчилиги көрүүчүлөрдү кубантты. Ал таймашта бутунан жаракат алып аксап калган атаандашы Вакаба Томитаны далысына көтөрүп, татамиден (килем) чыкканга жардам бергенин Эл аралык дзюдо федерациясынын расмий сайты жазды.

Боорукер спортчу оппонентине ичи ачышканын билдирген.

"Эң оор беттеш финалда болду. Мен чарчап, жеңилип да калышым мүмкүн болчу. Ал жаракат алып калды. Ичим ачышты, ошондуктан ага колдон келген жардамымды берип, татамиден чыкканга көмөктөштүм", — деген ал.

Сүйкүмдүү окуянын видеосун Кыргызстандын улуттук дзюдо федерациясы өзүнүн Facebook баракчасына жарыялады. 

Анда дзюдо балбандары бийик адамгерчилиги менен дайыма коомчулукту таң калтырып келгени белгиленет.

Мелдештин жыйынтыгы аялдар күрөшүнөн +78 килограмм салмак категориясында төмөнкүчө болду:

  • Сара Асахина (Япония)
  • Вакаба Томита (Япония)
  • Мария Суэлен Альтеман (Бразилия) жана Беатрис Суза (Бразилия).
146
Белгилер:
Япония, Будапешт, дүйнө чемпионаты, дзюдо
Тема боюнча
Адамгерчилиги бийик экен! UWW Айсулуунун аракетин жылдын жагымдуу учуру деп атады
Акактап келе жаткан атаандашына суу сунган Көчкөнбаевдин ич жылыткан видеосу
Ала-Тоо аянты. Архив

Дүйшөмбүгө карата аба ырайы

0
14-июнга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 13-июн. — Sputnik. Дүйшөмбүдө күндүз дыйканчылык аймактарда күн ачык болот. Тоолуу райондордо өткүн өтүп, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүйдө +25...+30, Талас облусунда +24...+29, Ош, Жалал-Абад жана Баткенде +28...+33, Ысык-Көл аймагында +18...+23, Нарын жергесинде +17...+22 градус жылуу болот.

Күндүн табы борбор калаада +27...+29, Ош шаарында +30...+32 градуска чейин көтөрүлсө, Чолпон-Ата шаарында +18...+20 градусту көрсөтүп турат.

0
Белгилер:
Кыргызстан, аба ырайы
Тема боюнча
Июндун аягында кыргызстандыктар жылдыз жааган түнгө күбө болот