Кыргызстандык сууда сүзүүчү Денис Петрашов. Архив

Денис Петрашов Европадагы турнирде дагы эки коло медаль алды

65
(жаңыланган 00:09 04.06.2021)
Спортчу бир нече күн мурун 100 метр аралыкты кыска убакытта сүзүп өтсө, бүгүн ошол эле турнирде 50 жана 200 метр аралыкта сүздү. Үчөөндө тең коло алды.

БИШКЕК, 3-июн. — Sputnik. Кыргызстандык сууда сүзүүчү Денис Петрашов эл аралык "Марк Нострум" мелдешинде дагы эки коло медалга ээ болду. Бул тууралуу Кыргызстандын Сууда сүзүү федерациясы билдирди.

Эске сала кетсек, мындан бир нече күн мурун Петрашов ушул эле турнирде 100 метрди брасс ыкмасы менен бир мүнөт 1,96 секундда сүзүп өтүп, үчүнчү орунду алган.

Ал эми кийинки дистанцияда брасс ыкмасы менен 50 метр аралыкты 28,30 секундада, ал эми 200 метрди эки мүнөт 12,18 секундада сүзүп өтүп, натыйжада эки коло алган.

Эске салсак, "Марк Нострум" — серия менен өткөн лицензиялык турнир. Биринчиси 29-30-май күндөрү Монте-Карлодо (Монако), 1-2-июнда Каннда (Франция) жана 5-6-июнда Барселонада (Испания) болот.

Белгилей кетсек, Петрашов 2019-жылдын июль айында Түштүк Кореяда өткөн дүйнө чемпионатында сууда сүзүүнүн брасс түрүнөн 100 метр аралыкты бир мүнөт 0,94 секундада багындырып, Токио Олимпиадасына жолдомо уткан. Ал кыргызстандык спортчулардан алгачкы болуп Олимпиадага катышууга мүмкүнчүлүк алган.

65
Белгилер:
медаль, сууда сүзүү, Денис Петрашов, Монако
Тема:
2021-жылы Токиодо өтө турган Олимпиада оюндары (75)
Тема боюнча
Бишкекте түнкү марафон өтүп, түшкөн каражаттын бир бөлүгү балдар үйүнө берилет
"Кыргыз Флойд" мээлейсиз мушташтагы кезектеги атаандашын сулата чаап утту. Видео
Кыргызстандын жеңил атлетчи Гүлшан Сатарова. Архив

Кыргызстандык кыз Алматыдагы жарым марафонду жеңип, акчалай сыйланды

127
(жаңыланган 11:08 21.06.2021)
Сатарова 21,1 чакырымга чуркаган 18 жаштан 34 жашка чейинкилердин арасынан марага биринчи жеткен. Ал жарым марафонду 1 саат 20 мүнөттө чуркап өткөн.

БИШКЕК, 21-июн. — Sputnik. Алматы шаарында өткөн эл аралык жарым марафондо кыргызстандык Гүлшан Сатарова биринчи келип, жеңишке жетти. Маалымат спорттук иш-чаранын сайтына жарыяланган.

Жарыш 20-июнь күнү Казакстандын Алматы шаарында уюштурулуп, ага 3 миңден ашык адам катышканы айтылды.

Сатарова 21,1 чакырымга чуркаган 18 жаштан 34 жашка чейинкилердин арасынан марага биринчи жеткен. Ал жарым марафонду 1 саат 20 мүнөттө чуркап өткөн. Экинчи орунга илинген кыз Кыргызстан жаранынан беш мүнөткө кеч калган.

"21,1 чакырымга чуркап алдыда келген алты жөө күлүк (үч аял, үч эркек) 1,8 миллион теңге өлчөмүндөгү байге фондун бөлүштүрүп алышкан", — деп айтылат маалыматта.

Спорттук иш-чаранын жыйынтыгын almaty-marathon.kz. сайтынан толугу менен көрө аласыздар.

127
Белгилер:
жөө күлүк, марафон, Кыргызстан, Алматы
Тема боюнча
Түнкү марафондун жыйынтыгы чыгарылды. Тизме
Ночной забег. Архивное фото

Түнкү марафондун жыйынтыгы чыгарылды. Тизме

127
(жаңыланган 18:05 20.06.2021)
Спорттук иш-чара кечээ, 19-июнда, Бишкектеги Чокон Валиханов көчөсү менен Чүй проспектисинин бир бөлүгүндө болуп, аны Nomad Sport коомдук бирикмеси уюштурган.

БИШКЕК, 20-июн. — Sputnik. Борбор калаада өткөн Toyboss Night Run 2021 түнкү марафондун жыйынтыгы чыгарылды.

Белгилей кетсек, спорттук иш-чара кечээ, 19-июнда, Бишкектеги Чокон Валиханов көчөсү менен Чүй проспектисинин бир бөлүгүндө өткөн. Мелдешти Nomad Sport коомдук бирикмеси уюштурган. Ордо калаада мындай жарыш үчүнчү ирет өтүүдө.

Башында 2000дей кишинин чуркай турганы күтүлсө, пандемияга байланыштуу 500дөй адамга кыскарган.

21 чакырымга чуркагандардын ичинен алдыңкы келген беш киши:

  • Евгения Прокофьева (1 саат 13 мүнөт 37 секунд);
  • Александр Салахидинов (1 саат 13 мүнөт 55 секунд);
  • Аман Момуналиев (1 саат 14 мүнөт 3 секунд);
  • Кайнар Камалов (1 саат 15 мүнөт 57 секунд);
  • Алик Бекбасар уулу (1 саат 16 мүнөт 48 секунд).

10 чакырымга чуркагандардын ичинен алдыңкы келген беш киши:

  • Марат Дастан уулу (37 мүнөт 50 секунд);
  • Дастан Ташыбеков (38 мүнөт 23 секунд);
  • Ырыскелди Акеров (38 мүнөт 40 секунд)
  • Бакыт Момуналиев (38 мүнөт 42 секунд);
  • Алымбек Керимбеков (38 мүнөт 59 секунд).

5 чакырымга чуркагандардын ичинен алдыңкы келген беш киши:

  • Антон Егоров (19 мүнөт 10 секунд);
  • Илияз Чокоев (19 мүнөт 14 секунд);
  • Тимур Кенжеков (19 мүнөт 18 секунд);
  • Бактияр Ганиев (20 мүнөт 12 секунд);
  • Кутман Мамбетов (20 мүнөт 37 секунд).

Мелдеш учурунда күндүн көзү бузулуп, жаан жаап, күн күркүрөп, чагылган чартылдаган. Бирок аба ырайы катышуучуларга жолтоо боло алган эмес

127
Белгилер:
жыйынтык, марафон, Бишкек, Кыргызстан
Тема боюнча
Күн күркүрөп, чагылган чартылдап... Түнкү жарышта чуркаган жөө күлүктөр. Видео
Акактап келе жаткан атаандашына суу сунган Көчкөнбаевдин ич жылыткан видеосу
Ош шаардык тез жардам кызматынын диспетчердик бөлүмүнүн кызматкери. Архив

Ошто эпидемиологиялык абал курчуй берсе шаарга чектөөлөр кирет

19
(жаңыланган 21:49 21.06.2021)
Кыргызстандын экинчи борборунда коронавирус боюнча абал оор боюнча калып жаткандыгын айткан вице-мэр элди санитардык эрежени бекем сактоого чакырды.

БИШКЕК, 21-июн. — Sputnik. Ош шаарында коронавирус боюнча кырдаал курчуса, чектөөлөр кириши мүмкүн. Бул тууралуу аталган калаанын вице-мэри Эмиль Шадыханов айткандыгын муниципалитеттин маалымат кызматынан кабарлашты.

Бүгүн, 21-июнда, Ош шаарынын мэриясында эпидемиологиялык кырдаалды жөнгө салуу боюнча штабдын кезектеги жыйыны болгон.

"Учурда Ош шаарындагы абал оор боюнча калууда. Шаардыктарды эл көп чогулган жайлардан алыс болуп турууга чакырабыз. Эгер кырдаал курчуй турган болсо чектөөлөр кириши мүмкүн. Муниципалдык ишканаларда 65 жаштан жогорку курактагы кызматкерлер аралыктан иштөөгө өтөт", — деген вице-мэр.

Ал элди санитардык эрежелерди бекем сактоого чакырды.

21-июлга карата Ош шаарында коронавируска чалдыккандардын саны 54 болгон. Маалыматта стационарларга кайрылган жарандардын саны суткасына 700гө жетип жатканы айтылды.

Кыргызстанда акыркы мезгилде коронавирус жуктургандар көбөйүп жатат. Алдыдагы эки жумада ооругандардын саны кескин көбөйө турганы божомолдонду.

19
Белгилер:
чектөө, коронавирус, Ош шаары, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бийлик кыргызстандыктарды эл көп топтолгон жерлерге барбоого чакырып жатат
Учпагандар кирбейт! Кыргызстандын аэропортторунда чектөөлөр күчөтүлдү