ИИМ генерал-майору Кемелбек Киязов Ысык-Көлдө өткөн Run the Silk Road эл аралык марафонунун алтын медалынын алды

Жыйынтык кайра каралган. ИИМ генералы Киязов ШКУ марафонунан алтын алды. Сүрөт

57
(жаңыланган 11:30 04.06.2021)
Мелдеш 15-майда өтүп, акыркы жыйынтык чыкты. Ардагерлер арасынан биринчи орунду алган казакстандык спортчу эреже бузганы аныкталган.

БИШКЕК, 4-июн. — Sputnik. Ички иштер органынын генерал-майору Кемелбек Киязов Ысык-Көлдө өткөн Шанхай кызматташтык уюмунун Run the Silk Road эл аралык марафонунун алтын медалынын ээси болду. Бул тууралуу ИИМдин маалымат кызматы кабарлады.

  • Генерал МВД КР Кемелбек Киязов получил золотую медаль в марафоне Run the Silk Road в Чолпон-Ате среди участников старше 65 лет
    Ички иштер органынын генерал-майору Кемелбек Киязов Ысык-Көлдө өткөн Шанхай кызматташтык уюмунун Run the Silk Road эл аралык марафонунун алтын медалынын ээси болду
    © Фото / пресс-служба МВД КР
  • Диплом и медаль генерала МВД КР Кемелбека Киязова, участвовавшего в марафоне Run the Silk Road в Чолпон-Ате среди участников старше 65 лет
    Мелдеш 15-майда өткөн. Анын акыркы эсептөөлөрү жүргүзүлүп, кечээ, 3-июнь күнү, 65 жаш жана андан улуу курактагы категория боюнча жеңүүчүлөр диплом жана медалдар менен сыйланган. Алар 42 чакырымга чуркашкан
    © Фото / пресс-служба МВД КР
1 / 2
© Фото / пресс-служба МВД КР
Ички иштер органынын генерал-майору Кемелбек Киязов Ысык-Көлдө өткөн Шанхай кызматташтык уюмунун Run the Silk Road эл аралык марафонунун алтын медалынын ээси болду

Билдирүүнү уюштуруучулардын расмий сайтынан да табууга болот.

Мелдеш 15-майда өткөн. Анын акыркы эсептөөлөрү жүргүзүлүп, кечээ, 3-июнь күнү, 65 жаш жана андан улуу курактагы категория боюнча жеңүүчүлөр диплом жана медалдар менен сыйланган. Алар 42 чакырымга чуркашкан.

"Текшерүүнүн жыйынтыгында биринчи орунду алган казакстандык спортчу (Жаксылык Мамырбекулы) мелдештин эрежелерин бузгандыгы үчүн көрсөткүчү жокко чыгарылган. Ал жаракатынан улам дарыгерлерди чакырып, медициналык жардам алганы жана финишке Тез жардам унаасы менен жеткени аныкталган", — деп айтылат маалыматта.

Натыйжада биринчи орун кыргыз милициясынын отставкадагы генерал-майору Кемелбек Киязовго ыйгарылды. Ал 42,2 чакырымды 4 саат 13 мүнөт 33 секундада чуркап келген. Экинчиге Меңдибек Сыдыков (4 саат 13 мүнөт 39 секунд), үчүнчүгө Турдумамат Абдазов (4 саат 13 мүнөт 59 секунд) ээ болгон.

Кыргыз милициясынын ардагери, генерал-майор Кемелбек Киязов 65 жашта. Бул анын чуркоо боюнча үчүнчү мелдеши болду.

57
Белгилер:
марафон, жеңүүчү, ИИМ, Ысык-Көл
Тема боюнча
Күйөөсү да, аялы да алтын утуп... Ысык-Көлдү бойлой жарышкан 3000 жөө күлүк. Видео
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды

Россияда Айтматов атындагы эл аралык көк бөрү мелдеши башталды

67
Турнирге Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.

БИШКЕК, 13-июн. — Sputnik. Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды. Бул тууралуу Көк бөрү улуттук федерациясынын маалымат кызматы билдирди.

  • На Благовещенском поле города Сергиев Посад (Московская область, Россия) стартовал международный турнир по кок-бору на Кубок Чынгыза Айтматова
    Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды
    © Фото / Федерация кок-бору Кыргызстана
  • На Благовещенском поле города Сергиев Посад (Московская область, Россия) стартовал международный турнир по кок-бору на Кубок Чынгыза Айтматова
    Турнир Москва облусунун Сергиев Пасад шаарындагы Благовещенский талаасында болуп жатат. Ага Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.
    © Фото / Федерация кок-бору Кыргызстана
1 / 2
© Фото / Федерация кок-бору Кыргызстана
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды

Турнир Москва облусунун Сергиев Пасад шаарындагы Благовещенский талаасында болуп жатат. Ага Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.

Белгилей кетсек, спорттук иш-чара Россия жана Евразия элдеринин "Русский мир" дене тарбия фестивалынын алкагында өткөрүлөт. Аны Спортту жана тынчтык маданиятын өнүктүрүүгө көмөктөшүү боюнча региондор аралык коомдук фонду, Россиянын Элдер ассамблеясы жана Кыргызстандын Көк бөрү улуттук федерациясы уюштурууда.

Мелдеш Кыргызстандын Көк бөрү федерациясынын эрежеси менен өтөрү айтылды.

Жеңүүчүлөр Чыңгыз Айтматов атындагы кубок жана уюштуруу комитетинин белектери менен сыйланат. Ал эми катышуучуларга эстелик белек берилет.

67
Белгилер:
Көк бөрү, фестиваль, Россия
Тема боюнча
Кадыркулов: "Русский мир" фестивалына 12 улакчы барат

Атаандашын жонуна көтөрүп. Япониялык дзюдочу кыздын кубанткан видеосу

146
Чемпион болгон спортчу кыз финалда жаракат алган атаандашына ичи ачышканын билдирип, ага жакшылык кылууну чечкен.

Венгриянын Будапешт шааарында өтүп жаткан дзюдо боюнча дүйнө чемпионатында кыздар күрөшүнөн япониялык Сара Асахинанын атаандашына көрсөткөн бийик адамгерчилиги көрүүчүлөрдү кубантты. Ал таймашта бутунан жаракат алып аксап калган атаандашы Вакаба Томитаны далысына көтөрүп, татамиден (килем) чыкканга жардам бергенин Эл аралык дзюдо федерациясынын расмий сайты жазды.

Боорукер спортчу оппонентине ичи ачышканын билдирген.

"Эң оор беттеш финалда болду. Мен чарчап, жеңилип да калышым мүмкүн болчу. Ал жаракат алып калды. Ичим ачышты, ошондуктан ага колдон келген жардамымды берип, татамиден чыкканга көмөктөштүм", — деген ал.

Сүйкүмдүү окуянын видеосун Кыргызстандын улуттук дзюдо федерациясы өзүнүн Facebook баракчасына жарыялады. 

Анда дзюдо балбандары бийик адамгерчилиги менен дайыма коомчулукту таң калтырып келгени белгиленет.

Мелдештин жыйынтыгы аялдар күрөшүнөн +78 килограмм салмак категориясында төмөнкүчө болду:

  • Сара Асахина (Япония)
  • Вакаба Томита (Япония)
  • Мария Суэлен Альтеман (Бразилия) жана Беатрис Суза (Бразилия).
146
Белгилер:
Япония, Будапешт, дүйнө чемпионаты, дзюдо
Тема боюнча
Адамгерчилиги бийик экен! UWW Айсулуунун аракетин жылдын жагымдуу учуру деп атады
Акактап келе жаткан атаандашына суу сунган Көчкөнбаевдин ич жылыткан видеосу
Ала-Тоо аянты. Архив

Дүйшөмбүгө карата аба ырайы

0
14-июнга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 13-июн. — Sputnik. Дүйшөмбүдө күндүз дыйканчылык аймактарда күн ачык болот. Тоолуу райондордо өткүн өтүп, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүйдө +25...+30, Талас облусунда +24...+29, Ош, Жалал-Абад жана Баткенде +28...+33, Ысык-Көл аймагында +18...+23, Нарын жергесинде +17...+22 градус жылуу болот.

Күндүн табы борбор калаада +27...+29, Ош шаарында +30...+32 градуска чейин көтөрүлсө, Чолпон-Ата шаарында +18...+20 градусту көрсөтүп турат.

0
Белгилер:
Кыргызстан, аба ырайы
Тема боюнча
Июндун аягында кыргызстандыктар жылдыз жааган түнгө күбө болот