Футбол боюнча Кыргызстан курама командасынын башкы машыктыруучусу Александр Крестинин

Александр Крестинин: биздин команда топко ээлик кылууда артыкчылык кылган, бирок...

367
(жаңыланган 20:24 07.06.2021)
Башкы машыктыруучу улуттук команда топко ээлик кылууда артыкчылык кылганы менен гол киргизе албаганын белгилеген.

БИШКЕК, 7-июн. — Sputnik. Футбол боюнча Кыргызстан курама командасынын башкы машыктыруучусу Александр Крестинин оюнчулардын Монголияга жеңилгени боюнча комментарий берди. Насаатчынын суроолорго жооп берген видеосун Кыргызстандын футболдук союзу (КФС) Instagram баракчасына чыгарды.

Посмотреть эту публикацию в Instagram

Публикация от The Kyrgyz Football Union (@kfu_kg)

Башкы машыктыруучу улуттук команда топко ээлик кылууда артыкчылык кылганы менен гол киргизе албаганын белгилеген.

"Монголия командасын жеңиши менен куттуктайм. Биз топко көбүрөөк ээлик кылдык. Дээрлик баштан-аяк чабуул коюп жаттык. Тилекке каршы, атаандаштын дарбазасына жакындаганда айбат көрсөтө алган жокпуз. Ошондуктан жеңилип калдык", — деди ал.

Машыктыруучуга Кыргызстандын курама командасынын айрым футболчулары оюндан четтетилгенинин себеби тууралуу суроо берилди.

"Баарынын тесттери (ред. — коронавируска карата) таза чыкты. Үч дарбазачы жана эки оюнчу беттешке эки саат калганда четтетилди. Себеби түшүнүксүз... Беш футболчу оюнга киргизилбей калды. Муну уюштуруучулардан сураш керек. Ошолор анын себебин айтышсын", — деди машыктыруучу.

Эске салсак, Япония өкмөтүнүн коронавирустун алдын алуудагы саясаты боюнча Кыргызстан курама командасынан ПЦР-тестинин таза экенине карабастан машыктыруучулук штабы, администрация, дарбазачылар Эржан Токатаев, Кутман Кадырбеков жана Валерий Кашуба, ал эми оюнчулар Бекжан Сагынбаев менен Аваз Откеев оору жуктуруп алууга шектелип оюндан четтетилди.

Кыргызстан менен Монголиянын футбол боюнча беттеши.
© Фото / пресс-служба Кыргызского футбольного союза
Команда техникалык жеңилүүнү алдын алуу үчүн дарбазачынын ордуна коргоочу Айзар Акматовду койгон. Ал эми беттешти уюштуруп жаткан тарап оюндан четтетилген оюнчулар тууралуу командага эки саат калганда гана кабарлаган.

Эске салсак, бүгүн, 7 июнда, Япониянын Осака шаарында 2022-жылы өтүүчү Дүйнө чемпионатынын квалификациялык этабынын алкагында Кыргызстан Монголия курамасы менен беттешип, 0:1 эсебинде жеңилди.

367
Белгилер:
Александр Крестинин, Монголия, Кыргызстан, тандоо, дүйнө чемпионаты, футбол
Тема:
Кыргызстан менен Монголиянын футбол боюнча беттеши (10)
Тема боюнча
Монголия менен оюнда кыргыз футболчулары фаворит. Букмекерлер божомолу
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды

Россияда Айтматов атындагы эл аралык көк бөрү мелдеши башталды

67
Турнирге Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.

БИШКЕК, 13-июн. — Sputnik. Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды. Бул тууралуу Көк бөрү улуттук федерациясынын маалымат кызматы билдирди.

  • На Благовещенском поле города Сергиев Посад (Московская область, Россия) стартовал международный турнир по кок-бору на Кубок Чынгыза Айтматова
    Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды
    © Фото / Федерация кок-бору Кыргызстана
  • На Благовещенском поле города Сергиев Посад (Московская область, Россия) стартовал международный турнир по кок-бору на Кубок Чынгыза Айтматова
    Турнир Москва облусунун Сергиев Пасад шаарындагы Благовещенский талаасында болуп жатат. Ага Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.
    © Фото / Федерация кок-бору Кыргызстана
1 / 2
© Фото / Федерация кок-бору Кыргызстана
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш башталды

Турнир Москва облусунун Сергиев Пасад шаарындагы Благовещенский талаасында болуп жатат. Ага Россиянын Подольск, Иркутск жана Москва облустарынын, ал эми Кыргызстандан "Атуул" командалары катышууда.

Белгилей кетсек, спорттук иш-чара Россия жана Евразия элдеринин "Русский мир" дене тарбия фестивалынын алкагында өткөрүлөт. Аны Спортту жана тынчтык маданиятын өнүктүрүүгө көмөктөшүү боюнча региондор аралык коомдук фонду, Россиянын Элдер ассамблеясы жана Кыргызстандын Көк бөрү улуттук федерациясы уюштурууда.

Мелдеш Кыргызстандын Көк бөрү федерациясынын эрежеси менен өтөрү айтылды.

Жеңүүчүлөр Чыңгыз Айтматов атындагы кубок жана уюштуруу комитетинин белектери менен сыйланат. Ал эми катышуучуларга эстелик белек берилет.

67
Белгилер:
Көк бөрү, фестиваль, Россия
Тема боюнча
Кадыркулов: "Русский мир" фестивалына 12 улакчы барат

Атаандашын жонуна көтөрүп. Япониялык дзюдочу кыздын кубанткан видеосу

146
Чемпион болгон спортчу кыз финалда жаракат алган атаандашына ичи ачышканын билдирип, ага жакшылык кылууну чечкен.

Венгриянын Будапешт шааарында өтүп жаткан дзюдо боюнча дүйнө чемпионатында кыздар күрөшүнөн япониялык Сара Асахинанын атаандашына көрсөткөн бийик адамгерчилиги көрүүчүлөрдү кубантты. Ал таймашта бутунан жаракат алып аксап калган атаандашы Вакаба Томитаны далысына көтөрүп, татамиден (килем) чыкканга жардам бергенин Эл аралык дзюдо федерациясынын расмий сайты жазды.

Боорукер спортчу оппонентине ичи ачышканын билдирген.

"Эң оор беттеш финалда болду. Мен чарчап, жеңилип да калышым мүмкүн болчу. Ал жаракат алып калды. Ичим ачышты, ошондуктан ага колдон келген жардамымды берип, татамиден чыкканга көмөктөштүм", — деген ал.

Сүйкүмдүү окуянын видеосун Кыргызстандын улуттук дзюдо федерациясы өзүнүн Facebook баракчасына жарыялады. 

Анда дзюдо балбандары бийик адамгерчилиги менен дайыма коомчулукту таң калтырып келгени белгиленет.

Мелдештин жыйынтыгы аялдар күрөшүнөн +78 килограмм салмак категориясында төмөнкүчө болду:

  • Сара Асахина (Япония)
  • Вакаба Томита (Япония)
  • Мария Суэлен Альтеман (Бразилия) жана Беатрис Суза (Бразилия).
146
Белгилер:
Япония, Будапешт, дүйнө чемпионаты, дзюдо
Тема боюнча
Адамгерчилиги бийик экен! UWW Айсулуунун аракетин жылдын жагымдуу учуру деп атады
Акактап келе жаткан атаандашына суу сунган Көчкөнбаевдин ич жылыткан видеосу
Ала-Тоо аянты. Архив

Дүйшөмбүгө карата аба ырайы

0
14-июнга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 13-июн. — Sputnik. Дүйшөмбүдө күндүз дыйканчылык аймактарда күн ачык болот. Тоолуу райондордо өткүн өтүп, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүйдө +25...+30, Талас облусунда +24...+29, Ош, Жалал-Абад жана Баткенде +28...+33, Ысык-Көл аймагында +18...+23, Нарын жергесинде +17...+22 градус жылуу болот.

Күндүн табы борбор калаада +27...+29, Ош шаарында +30...+32 градуска чейин көтөрүлсө, Чолпон-Ата шаарында +18...+20 градусту көрсөтүп турат.

0
Белгилер:
Кыргызстан, аба ырайы
Тема боюнча
Июндун аягында кыргызстандыктар жылдыз жааган түнгө күбө болот