Кыргызстан курама командасынын футболчулары

КФС: айрым футболчуларыбыз кийинки беттешке чыкпай калышы мүмкүн болуп жатат

229
(жаңыланган 17:02 08.06.2021)
Кыргызстандын футболдук союзу маселенин чоо-жайын аныктоо үчүн тийиштүү тараптарга кат менен кайрылган. Бирок азыркыга чейин бир да тараптан жооп келе элек.

БИШКЕК, 8-июн. — Sputnik. Япония Кыргызстандын айрым футболчуларына келерки оюнга да уруксат бербей калышы мүмкүн. Мындай маалыматты Кыргызстан футбол союзунун маалымат кызматы билдирди.

Анда айтылгандай, футболчулар Валерий Кичин, Бекжан Сагынбаев, Авазбек Откеев, дарбазачылар Валерий Кашуба, Кутман Кадырбеков жана Эржан Токотаевдин оюнга катышар-катышпасы чечиле элек.

Аталган футболчулар менен машыктыруучулар штабы коронавирус илдетине шектелип, беттештен четтетилген. Бирок команданын бардык мүчөлөрүнүн илдетке карата тапшырган тести таза чыккан.

"Оюндарды кабыл алып жаткан тарап бул иш боюнча түшүндүрмө бере элек", — деп айтылат КФСтин билдирүүсүндө.

Кыргызстандын футболдук союзу маселенин чоо-жайын аныктоо үчүн жогорку футболдук уюмдарга, уюштуруу комитетине жана Кыргызстандын Япониядагы элчилигине кат менен кайрылды. КФС белгилегендей, азыркыга чейин бир да тараптан тиешелүү жооп келе элек.

Улуттук курама команданын алдыда 11-июнда Мьянма жана 15-июнда Япония менен беттештери калды.

Эске салсак, 7-июнда Кыргызстан курама командасы дүйнө чемпионатына тандоо турунун алкагында Монголия менен беттешип, 1:0 эсебинде жеңилди. Улуттук команданын үч дарбазачысы жана эки футболчусу коронавируска шектелип оюнга киргизилген эмес. Дарбазага катардагы оюнчу Айзар Акматов турган.

КФСтен билдиргендей, уюштуруу комитети аты аталган оюнчулардын четтетилгени тууралуу беттештин башталарына эки саат калганда айткан.

229
Белгилер:
Япония, коронавирус, беттешүү, Монголия, Кыргызстан, футбол
Тема боюнча
Монголия менен оюнда кыргыз футболчулары фаворит. Букмекерлер божомолу
Валентина Шевченко кыргыз футболчуларына ийгилик каалады. Видео
Кыргызстандык дзюдочу Владимир Золоев. Архив

Дзюдочу Владимир Золоев Олимпиада оюндарына жолдомо утту

40
(жаңыланган 16:06 23.06.2021)
Спортчу 2018-жылдан тарта 12 турнирге катышып, жалпы 2 380 упай топтоп, натыйжада жолдомо алуу мүмкүнчүлүгү жаралган.

БИШКЕК, 23-июн. — Sputnik. Кыргызстандык дзюдочу Владимир Золоев Токиодо өтө турчу XXXII жайкы Олимпиада оюндарына лицензия жеңип алды. Бул тууралуу Жаштар иши, дене тарбия жана спорт агенттиги кабарлады.

Ага ылайык, спортчу 2018-жылдан тарта 12 турнирге катышып, жалпы 2 380 упай топтоп, натыйжада жолдомо алуу мүмкүнчүлүгү жаралган.

Белгилей кетсек, Владимир Золоев Азия жана Океаниянын учурдагы чемпиону. Килемде 81 килограмм салмактагылар арасында күч сынашат.

Токио Олимпиадасы

Мелдеш 2021-жылдын 23-июлунан 8-августуна чейин өтөрү пландалган. Япониянын борборунда жай айында өтүүчү оюндар чет элдик көрөрмансыз өтөт. Ага 200дөн ашуун мамлекеттин спортчулары катышары күтүлүп жатат.

Кыргызстандан маанилүү оюнга учурда 16 спортчу жолдомо утту. Тагыраагы, балбандар Атабек Азисбеков, Айсулуу Тыныбекова, Жоламан Шаршенбеков, Акжол Махмудов, Үзүр Жузупбеков, Айпери Медет кызы, Мээрим Жуманазарова, Эрназар Акматалиев, жөө күлүктөр Мария Коробицкая, Дарья Маслова жана Юлия Андреева, суучул Денис Петрашов ок атуу боюнча Каныкей Кубанычбекова, оор атлетчи Бакдөөлөт Расулбеков, дзюдочу Владимир Золоев, фехтование боюнча Роман Петров алды. Ошондой эле Параолимпиададан алгачкы лицензияны ядро ыргытуу спортунун чебери Арстанбек Базаркулов багындырган.

40
Белгилер:
жолдомо, спорт, дзюдо, Олимпиадалык оюндар, Владимир Золоев, Кыргызстан
Тема:
2021-жылы Токиодо өтө турган Олимпиада оюндары
Тема боюнча
Кыргызстандык оор атлетчи Бакдөөлөт Расулбеков Олимпиадага лицензия алды. Сүрөт
Ок атуу спорту боюнча Каныкей Кубанычбекова Олимпиадага жолдомо алды

Согончогу менен гол киргизген футболчу. Бразилияда тартылган видео

112
(жаңыланган 10:32 23.06.2021)
Бразилиядагы футбол боюнча чемпионатта "Фламенго" жана "Брагантино" командаларынын ортосундагы мелдештин бешинчи турунда футболчу топту дарбазага согончогу менен киргизди.

Өзгөчө топту оюндун 12-мүнөтүндө "Брагантино" командасынын коргоочусу Адерлан де Лима Силва киргизген. Айып талаадан берилген топту дарбазанын тушунан согончогу менен тээп гол жараткан.

Оюн "Брагантино" командасынын пайдасына 3:2 эсеби менен аяктаган. Акыркы голду аталган команданын футболчулары соңку мүнөттөрдө киргизишкен.

30 жаштагы Адерлан де Лима Силва команданын оң жактагы коргоочусу. Ал 2021-жылы клуб менен эркин агент катары келишим түзгөн. Ага чейин "Брагантино" командасында макулдашуунун негизинде маал-маалы менен ойночу.

112
Белгилер:
видео, гол, чемпионат, Бразилия
Тема боюнча
Башын мыкчып... Гаитинин дарбазачысы өзүнө гол киргизип алган видео
Мектеп бүтүрүүчүнүн аттестаты. Архив

Эртең мектептерде аттестат бериле баштайт. Бүтүрүү кечеси болобу?

0
(жаңыланган 22:50 23.06.2021)
Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлдөө зарыл.

БИШКЕК, 23-июн. — Sputnik. Эртеңден тарта мектептерде бүтүрүүчүлөргө орто билими боюнча аттестат бериле баштайт. Бул тууралуу Билим берүү жана илим министрлигинен билдиришти.

Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлгө алышы шарт.

Мектеп жетекчилиги аттестат тапшыруу учурунда бүтүрүүчүлөрдүн өмүрү жана ден соолугу үчүн жооптуу. Коштошуу кечесин ресторан жана кафелерде өткөрүү үчүн акча чогултууга жол берилбеши керек.

0
Белгилер:
аттестат, бүтүрүүчү, мектеп, Кыргызстан
Тема боюнча
Усеналиев: "Алтын тамга" 11 жылдан бери өтүп келет
ЖРТнын жыйынтыгы менен алтын сертификат алгандар. Тизме