Өзбекстанда өткөн самбо боюнча мелдеште Ички иштер министрлигинин Шумкар атайын багыттагы полкунун кызматкерлери үч медалга татыды

Милициянын "Шумкары" Өзбекстандагы чемпионаттардан үч медаль алып келди. Сүрөт

91
(жаңыланган 16:35 10.06.2021)
Ташкентте спорттун эки түрү боюнча ар башка чемпионат өттү. Байгелүү орундарды камсыз кылгандарга "Шумкардын" командири Аскат Султаналиев акчалай сыйлык тапшырды.

БИШКЕК, 10-июн. — Sputnik. Өзбекстанда өткөн самбо боюнча мелдеште Ички иштер министрлигинин "Шумкар" атайын багыттагы полкунун кызматкерлери үч медалга татыды. Бул тууралуу аталган полктун маалымат кызматы кабарлады.

  • Бойцы специального полка МВД Шумкар завоевали три медали на соревнованиях по самбо среди сотрудников правоохранительных органов в Ташкенте
    Өзбекстанда өткөн самбо боюнча мелдеште Ички иштер министрлигинин "Шумкар" атайын багыттагы полкунун кызматкерлери үч медалга татыды
    © Фото / пресс-служба МВД
  • Бойцы специального полка МВД Шумкар завоевали три медали на соревнованиях по самбо среди сотрудников правоохранительных органов в Ташкенте
    Ташкент шаарында 3-10-июнь күндөрү самбо боюнча Азия чемпионаты жана кармашып урушуу (рукопашный бой) боюнча дүйнө чемпионаты болгон
    © Фото / пресс-служба МВД
  • Бойцы специального полка МВД Шумкар завоевали три медали на соревнованиях по самбо среди сотрудников правоохранительных органов в Ташкенте
    Байгелүү орундарды камсыз кылган кызматкерлерге "Шумкардын" командири, милициянын полковниги Аскат Султаналиев акчалай сыйлык тапшырып, ийгилик каалаган.
    © Фото / пресс-служба МВД
1 / 3
© Фото / пресс-служба МВД
Өзбекстанда өткөн самбо боюнча мелдеште Ички иштер министрлигинин "Шумкар" атайын багыттагы полкунун кызматкерлери үч медалга татыды

Ташкент шаарында 3-10-июнь күндөрү самбо боюнча Азия чемпионаты жана кармашып урушуу (рукопашный бой) боюнча дүйнө чемпионаты болгон.

Самбо беттешинде милициянын старшинасы Нурисбек Бекбердиев 88 килограмм салмактагылар арасында күмүш медаль, ал эми улук сержант Бекболсун Керимбеков 98 килограмм категорияда коло байге алган.

Кармашып урушуу боюнча турнирде полктун Бишкек шаары боюнча атайын операциялар отрядынын командиринин орун басары, милициянын майору Алмаз Жолбунов 90 килограмм салмактагылар ичинде үчүнчү орунга ээ болгон.

Байгелүү орундарды камсыз кылган кызматкерлерге "Шумкардын" командири, милициянын полковниги Аскат Султаналиев акчалай сыйлык тапшырып, ийгилик каалаган.

91
Белгилер:
байге, кызматкер, чемпионат, ИИМ, Өзбекстан
Тема боюнча
Келе жаткан жекшембиде Масалиев көчөсүнүн бир бөлүгү жабылат. Карта
Кыргызстандык ММА мушкери Сатыбалдиев бразилиялык спортчу менен беттешет

Нокаутка кеткен Макгрегор. Мушкердин Порье менен экинчи ирет беттешкен видеосу

94
(жаңыланган 12:56 24.06.2021)
UFC уюмунун YouTube каналына ирландиялык мушкер Конор Макгрегордун америкалык Дастин Порье менен болгон экинчи беттеши жарыяланды.

Мелдеш ушул жылдын 24-январында UFC 257 турниринин алкагында өткөн. Порье Макгрегорду экинчи раундда нокаутка кетирген. Бул ирландиялык спортчунун карьерасындагы биринчи нокаут.

Эске салсак, мушкерлер алгачкы жолу 2014-жылы күч сынашкан. Анда Порье техникалык нокаут менен утулуп калган. 11-июль күнү экөө үчүнчү ирет бири-бирине каршы рингге чыгат.

94
Белгилер:
видео, беттешүү, Дастин Порье, Конор Макгрегор, UFC
Тема боюнча
Жети секундда сулата чапты. UFC 263 мелдешинин урунттуу учурларынын видеосу
Баш көтөртпөй... Абдыкааров OPEN FC Гран-при мелдешинин финалына чыккан видео
Франциянын футболчусу Килиан Мбаппе Португалия менен Франциянын беттешинде

Евро-2020: плей-офф оюнунун убакыт-сааты

103
(жаңыланган 13:24 24.06.2021)
Sputnik Кыргызстан расписание Бишкек убактысы менен түзүлгөнүн эскертет. Оюндар 26-июнда башталат.

БИШКЕК, 24-июн. — Sputnik. Футбол боюнча Европа чемпионатынын плей-офф оюнунун бардык катышуучулары аныкталды.

Жакында эле тайпалык этаптын акыркы оюну болуп, кийинки стадияга тайпада биринчи, экинчи орунду алган 16 команда өттү. Мындан сырткары, үчүнчү орунду алган төрт мыкты курама команда да плей-офф оюнунда мелдешет.

Мелдештин убакыт-сааты (Бишкек убактысы менен):

  • 26-июнь 22:00, Уэльс — Дания ("Амстердам-Арена", Амстердам);
  • 27-июнь 01:00, Италия — Австрия ("Уэмбли", Лондон);
  • 22:00, Нидерланддар — Чехия ("Пушкаш Арена", Будапешт);
  • 28-июнь 01:00, Бельгия — Португалия ("Олимпико де Севилья", Севилья);
  • 22:00, Хорватия — Испания ("Паркен", Копенгаген);
  • 29-июнь 01:00, Франция — Швейцария (Улуттук стадион, Бухарест);
  • 22:00, Англия — Германия ("Уэмбли", Лондон);
  • 30-июнь 01:00, Швеция — Украина ("Хэмпден Парк", Глазго).

Чейрек финал 2-3-июлда, ал эми жарым финал 6-7-июлда өтөт. Европа биринчилигинин башкы оюну Лондон шаарында 11-июлга пландалган.

Дагы бир жолу расписание Бишкек убактысы боюнча түзүлгөнүн эскертебиз.

103
Белгилер:
Расписание, оюн, футбол, Евро-2020
Тема боюнча
Согончогу менен гол киргизген футболчу. Бразилияда тартылган видео
Роналдуну тааныбай документин текшерген күзөтчү. Будапешттин стадионундагы видео
Өсүмдүк майы. Архив

Россия 365 тонна суу майды Кыргызстанга гумжардам катары берди

0
(жаңыланган 15:54 24.06.2021)
Россия БУУнун Кыргызстандагы Дүйнөлүк соода программасынын ири донору болуп саналат. Акыркы 10 жылда дээрлик 1 миллион кыргызстандыкка колдоо көрсөтүлгөн.

БИШКЕК, 24-июн. — Sputnik. Бишкек менен Ошко Россия гумжардам катары берген 365 тонна суу май жеткирилди. Азыктын бул түрү 27 миң аз камсыз үй-бүлөгө берилет.

Россия Кыргызстанга Дүйнөлүк соода программасынын алкагында байма-бай колдоо көрсөтүп келет. Мисалы, жазында витаминдүү ун жеткирилсе, эми суу май берилди. Гумжардамды тапшыруу иш-чарасына РФнын Кыргызстандагы элчилиги менен БУУнун Дүйнөлүк соода программасынын өкүлдөрү жана КРдин Саламаттык сактоо министрлигинин кызматкерлери катышты.

"365 тонна суу майдын 60 тоннасы Бишкектеги кампага киргизилсе, калганы Ошко жөнөтүлдү", — деди Россиянын Кыргызстандагы элчилигинин тышкы саясат тобунун жетекчиси Артем Романов.

 Бишкекке Казакстан гумжардам катары жөнөткөн 4500 тонна ун жеткирилди
© Фото / пресс-служба посольства РК в Кыргызстане
Саламаттык сактоо министрлигинин алдындагы Соцкамсыздоо департаментинин директору Актан Балбаков өкмөттүн атынан Россияга ыраазычылык билдирди.

БУУнун Дүйнөлүк соода программасынын маалыматына караганда, аз камсыз үй-бүлөлөр ар кандай долбоорлорго катышуу менен (каналдарды оңдоо жана калыбына келтирүү, бак тигүү ж.б.) ун жана суу май ала алышат.

Россия БУУнун Кыргызстандагы Дүйнөлүк соода программасынын ири донору болуп саналат. Акыркы 10 жылда дээрлик 1 миллион кыргызстандыкка колдоо көрсөтүлгөн. Жардам мектеп окуучуларына, фермерлер, айылдык аялдар жана аз камсыз үй-бүлөлөргө берилген.

0
Белгилер:
Ош, Бишкек, май, суу, ун, программа, БУУ, Россия, Кыргызстан
Тема боюнча
Бишкекке "Спутник V" вакцинасынын 80 миң дозасы алып келинди