Дарбазачы Павел Матяш. Архивдик сүрөт

Футбол: улуттук командага жардам берүү үчүн дарбазачы Матяш Японияга учуп кетти

93
(жаңыланган 12:25 11.06.2021)
Кыргызстан курама командасы бүгүнкү беттеште да дарбазачысы жок ойнойт. Дарбазаны футболчу коргойт. Ал эми Матяш Япония менен болуучу беттешке катышып калышы мүмкүн.

БИШКЕК, 11-июн. — Sputnik. Футбол боюнча Кыргызстандын улуттук командасына жардам берүү үчүн дарбазачы Павел Матяш Японияга жөнөтүлдү. Бул тууралуу Кыргызстан футболдук союзунун өкүлү Нурдин Букуев маалымат жыйында билдирди.

Анын айтымында, COVID жуктургандар менен байланышта болгон деп шектелген кыргызстандык футболчулар Японияда өтүп жаткан оюндарда такыр ойнобой калышы толук мүмкүн.

"Япониянын футболдук ассоциациясы, Эл аралык футбол федерациясы, Азия футбол конфедерациясы жана башка тиешелүү уюмдар көйгөйдү чечүү үчүн зарыл делген бардык аракеттерди жасап жатышат. Бирок Япония өкмөтүнүн эрежесине каршы эч кандай чара көрө албай жатабыз. Биздин кеңейтилген тизмеде дарбазачы Павел Матяш бар эле, аны жибердик. Бул боюнча машыктыруучулар штабына жана оюндарды уюштуруп жаткан тарапка да маалымдалды. Ал бүгүн беттештин экинчи бөлүгүнө жетишип калмак, бирок үч күндүк карантинге алынышы керек. Башкача айтканда, 15-июнда Япония менен боло турган беттешке кирип калат деп үмүттөнүп жатабыз", — деген Букуев.

Ал кошумчалагандай, дал ушул үч күндүк карантинден соң Авазбек Откеевдин вируска чалдыкканы аныкталган. Уюштуруучулар эрежеге ылайык, учакта ага үч дарбазачы жана бир канча футболчу жанаша отурганын аныкташкан. Деген менен футболчулардын баарынын коронавируска карата тапшырган тесттери таза чыккан.

Кыргызстан курама командасынын футболчулары
© Фото / пресс-служба Кыргызского футбольного союза
Букуевдин айтымында, Япониянын эрежеси боюнча улуттук курама команданын бардык мүчөлөрү бир каттам менен келиши керек болчу. Команда чет элдик клубдарда ойноп жаткан оюнчулардын келишин күтүп, беттеш боло турган күнгө аз калганда барган.

Кыргызстан курама командасы бүгүн Мьянма менен беттешет. Оюн Бишкек убактысы боюнча саат 13:00дө башталат. Кечээ башкы машыктыруучу Александр Крестинин улуттук команда бул ирет да голкипери жок ойноорун, дарбазаны катардагы футболчу коргой турганын билдирди.

Эске салсак, улуттук команда 7-июнда 2022-жылдагы дүйнө чемпионатына тандоо турунун алкагында Монголия менен беттешип, 1:0 эсебинде утулган. Тандоо этабынын калган оюндары ушул күндөрү борборлоштурулган форматта Япониянын Осака шаарында өтүп жатат.

Кыргызстандын үч дарбазачысы тең COVID илдетине шектелип Монголия менен беттешке киргизилген эмес. Дарбазага коргоочу Айзар Акматов турган. КФС белгилегендей, кыргызстандык айрым футболчулар оюндан четтетилгени беттешке эки саат калганда эскертилген.

Маалым болгондой, коргоочулар Валерий Кичин, Бекжан Сагынбаев, Авазбек Откеев жана дарбазачылар Валерий Кашуба, Кутман Кадырбеков жана Эржан Токотаев бүгүн, 11-июнда, Мьянма менен беттеште да оюнга чыгышпайт. Откеев COVID жуктурган деп шектелгендиктен "кызыл" зонага, ал эми калгандар "сары" зонага алынган. Мындан сырткары, коргоочулар Тамерлан Козубаев менен Кайрат Жыргалбек уулу ашыкча эскертүү алганы үчүн оюнга катыша албай калды.

КФСтин жетекчилиги жогорку футболдук уюмдарга, уюштуруу комитетине, Кыргызстандын Япониядагы элчилигине кырдаалды жөнгө салуу боюнча кайрылуу кат жолдогон. Футболдук союз азыркыга чейин алардан эч кандай жооп боло электигин кошумчалады.

93
Белгилер:
коронавирус, Япония, команда, Кыргызстан, тандоо, дүйнө чемпионаты, футбол
Тема боюнча
Жол болбоду. Кыргызстандыктар моңгол футболчуларына жеңилди
Кыргызстан менен Монголиянын футбол боюнча беттеши. Тексттик трансляция
Гаитинин курама командасынын дарбазачысы Жосуэ Дюверге оюн учурунда

Башын мыкчып... Гаитинин дарбазачысы өзүнө гол киргизип алган видео

184
(жаңыланган 16:29 17.06.2021)
Голкипердин оңтойсуз аракетинен атаандаш команда упай алып кетти. Гаити менен Канада 2022-жылы өтө турчу дүйнө чемпионатынын алкагында беттешкен.

БИШКЕК, 17-июн. — Sputnik. Гаитинин курама командасынын дарбазачысы Жосуэ Дюверге өзүнө гол киргизип алганын Eurosport жазды.

Тайпанын коргоочусу дарбазачыга топту тээп берген. Ал топту токтотом деп бутунун ортосунан өткөрүп жиберген, анан кайра аны сыртка чыгарам деп тоголонуп бараткан топко буту жетпей калган.

​Гаити Канада менен 2022-жылы өтө турчу дүйнө чемпионатынын алкагында беттешкен. Жыйынтыгында Канада 3:0 эсеби менен утту.

184
Белгилер:
видео, гол, дарбазачы, футбол, Канада, Гаити
Тема боюнча
45 метрден тебилген гол менен дарбазачы кошо кирип... Евро–2020нын видеосу
Фжылдызы Криштиану Роналду

Роналдуну тааныбай документин текшерген күзөтчү. Будапешттин стадионундагы видео

201
Стадиондун кызматкери атактуу португалиялык спортчуну документин алып көргөнөн кийин гана кое берген.

БИШКЕК, 17-июн. — Sputnik. Будапешттеги стадиондо футбол жылдызы Криштиану Роналдуну тааныбай койгон күзөтчүнүн видеосу социалдык тармактарда тарап жатат.

Роликти ESPN каналы да жарыялаган. Окуя Евро-2021де Португалия менен Венгриянын беттеши алдында болгону айтылды.

​Кийим которгон жайга бараткан Португалия курама командасынын чабуулчусун стюарддардын бири токтотуп, документтерин сураган.

Видеодон күзөтчү футболчунун документтерин карап, баары дал келгенине ынангандан кийин гана кое бергени көрүнүп турат.

Роликтин алдындагы комментарийлерде атактуу футболчу тагынып жүргөн бет кабынан улам да таанылбай калганын айткандар болууда.

201
Белгилер:
стадион, бет кап, футбол, Евро-2020, күзөтчү, Криштиану Роналду
Тема боюнча
Голу эсептелбей калган Роналду капитандык лентасын ыргытып салды. Видео
Түнкүсүн Бишкектин борборунун көрүнүшү. Архив

Бишкектин жарымы жарыксыз калды. Энергетика министринин түшүндүрмөсү 

0
(жаңыланган 22:56 17.06.2021)
Жарык Москва, Сокулук, Панфилов, Жайыл райондорунда жана Бишкек шаары менен Токмоктун айрым бөлүктөрүндө өчкөн.

БИШКЕК, 17-июн. — Sputnik. Кыргызстанда жарык Казакстандын энергосистемасында авариялык кырдаал жаралгандыктан өчтү. Бул тууралуу "Улуттук электр түйүнү" ишканасынын маалымат кызматынын жетекчиси Элзада Саргашкаева билдирди.  

Буга чейин ордо калаанын тургундары соцтармакка жарык өчкөнүн жазышкан. Ал тургай электр жарыгы Жогорку Кеңештин имаратында да жок болгон. Анын себебин энергетика жана өнөр жай министри Доскул Баймурзаев өлкө боюнча жыштыкты жөнгө салуу жабдуусу иштеп кеткени менен түшүндүргөн.  

"Коңшу мамлекетте авария болуп, Токтогул ГЭСи былтыркыдай кырдаалды  жөнгө салды", — деди ал.  

Ишкананын маалымат кызматы саат 19:28те "Л-514 Фрунзенская-Шу" линиясында авария болгонун билдирди.  

"Борбор Азиянын бириктирилген энергосистемасы Казакстандын түндүгүндөгү бирдиктүү энергосистемадан өзүнчө бөлүнүп чыккан. Өлкө боюнча автоматтык түрдө жыштыкты жөнгө салуу жабдуусу иштеп кеткен. Саат 20:26лар чамасында "Фрунзенская-Шу" линиясы транзитке кошулуп, саат 20:55те жарык берилди", — деди Саргашкаева. 

Электр кубаты Чүйдүн Москва, Сокулук, Панфилов, Жайыл райондорунда жана Бишкек шаары менен Токмоктун айрым бөлүктөрүндө өчкөн.

0
Белгилер:
себеп, жарык өчүрүү, Казакстан, Кыргызстан
Тема боюнча
Эч кандай энергетикалык кризис жок, өчүрүү да болбойт. Министрлик үн катты
Өчүрүп чык! Электр кубаты үчүн аз акча төлөөнүн 10 жолу