Бишкектеги түнкү марафондун катышуучулары. Архив

Бишкекте өтө турган түнкү марафондун программасы жарыяланды

113
Быйыл Toyboss Night Run 2021 жарышы 19-июнь күнү болот. Бул жолу ага эки миңдей катышуучу келери күтүлүүдө. Жарыш Чокон Валиханов көчөсү менен Чүй проспектинин бир бөлүгүндө өтөт.

БИШКЕК, 16-июн. — Sputnik. Бишкекте 19-июнь күнү өтүүчү Toyboss Night Run 2021 түнкү марафону бардык санитардык эрежелерди сактоо менен өткөрүлөт. Бул тууралуу уюштуруу тобунан кабарлашты.

Карта ночного забега Toyboss Night Run 2021
© Фото / пресс-служба ОО "Nomad Sport"
Бишкекте 19-июнь күнү өтүүчү Toyboss Night Run 2021 түнкү марафону бардык санитардык эрежелерди сактоо менен өткөрүлөт

Маалыматка караганда, катышуучулардын ар бири бет кап тагынып, социалдык аралыкты сакташы керек.

"Ошондой эле катышуучулар старттан маал-маалы менен кетирилет. Кийин ар биринин жыйынтыгы My laps чип-системасы аркылуу индивидуалдуу түрдө эсептелет", — деп айтылат билдирүүдө.

Эске салсак, акыркы күндөрү өлкө аймагында коронавируска байланыштуу эпидемиологиялык абал курчуп турат. Күн сайын вирус жугузгандардын саны 500дүн тегерегинде болууда.

Мындан тышкары, уюштуруучулар марафондун программасын жарыялады:

  • 19:00 — катышуучулар чогула баштайт;
  • 20:00 — иш-чаранын ачылышы;
  • 20:25 — катышуучулар үчүн брифинг;
  • 20:45 — денени жибитүү;
  • 21:00 — старттын башталышы;
  • 22:30 — сыйлык тапшыруу аземинин башталышы;
  • 00:00 —иш-чаранын жабылышы.

Быйыл Toyboss Night Run 2021 жарышы 19-июнь күнү болот. Аны Nomad Sport коомдук бирикмеси уюштурууда. Баш калаада жарыш үчүнчү ирет өткөнү жатат. Бул жолу ага эки миңдей катышуучу келери күтүлүүдө. Жарыш Чокон Валиханов көчөсү менен Чүй проспектинин бир бөлүгүндө өтөт.

113
Белгилер:
Бишкек, марафон, программа
Тема боюнча
Бишкекте түнкү марафон өтүп, түшкөн каражаттын бир бөлүгү балдар үйүнө берилет
Жыйынтык кайра каралган. ИИМ генералы Киязов ШКУ марафонунан алтын алды. Сүрөт
Бүгүн борбор калаанын Ала-Тоо аянтында Олимпиаданын байгелүү орундарына ат салышып жаткан балбандардын күрөшү түз эфирде көрсөтүлөт

Айсулуу менен Акжолдун күрөшү "Ала-Тоо" аянтында чоң экрандан көрсөтүлөт

227
(жаңыланган 12:37 03.08.2021)
Бүгүн Акжол Махмудов алтын медаль талашса, Мээрим Жуманазарова коло байге үчүн күрөшөт. Ал эми Айсулуу Тыныбекова жарым финалда кармашат.

БИШКЕК, 3-авг. — Sputnik. Бүгүн борбор калаанын "Ала-Тоо" аянтында Олимпиаданын байгелүү орундарына ат салышып жаткан балбандардын күрөшү түз эфирде көрсөтүлөт. Бул туурасында Жаштар иши, дене тарбия жана спорт агенттигинин директорунун орун басары Союзбек Надырбеков билдирди.

Анын айтымында, кыргызстандык балбандар саат 15:15те килемге чыгып баштайт. Бул учурда аянтка фан-зона уюштуруп, чоң экрандан көрсөтүү чечими кабыл алынган.

"Келгиле, спортчуларыбызды биргеликте колдойлу", — деп жазган Надырбеков.

Ошондой эле "Азия Молл" соода борборунда дагы фан-зона уюштурулары белгилүү болду.

Белгилей кетсек, бүгүн грек-рим күрөшү боюнча Акжол Махмудов финалдык беттеште алтын медаль талашат.

Кыз-келиндер күрөшүнөн Мээрим Жуманазарова коло байге үчүн күрөшөт. Ал эми Айсулуу Тыныбекова жарым финалда кармашат.

Мындан сырткары, Махмудовдун финалдык беттеши анын кичи мекени Араван районундагы "Белек" кинотеатрында дагы чоң экрандан көрсөтүлөт. Муну президенттин Ош облусундагы өкүлүнүн маалымат катчысы Эрмек Муратбек уулу маалымдады.

227
Белгилер:
'Ала-Тоо' аянты, күрөш, түз эфир, Союзбек Надырбеков
Тема:
2021-жылы Токиодо өтө турган Олимпиада оюндары
Тема боюнча
Акжол алтын үчүн ким менен күрөшөт? Венгриялык Тамаш Лёринцтин таржымалы
Украинский борец Ирина Коляденко (в синем)

Айсулуу жарым финалда кармаша турган Ирина Коляденконун таржымалы

186
(жаңыланган 11:31 03.08.2021)
Тыныбекованын жарым финалдагы атаандашы Ирина Коляденко 2021-жылдагы Европа чемпиону. Дүйнө жана Европа мелдештеринин байге ээси.

БИШКЕК, 3-авг. — Sputnik. Кыргызстандык спортчу Айсулуу Тыныбекова Олимпиада-2020 мелдешиндеги жарым финалда украиналык Ирина Коляденко менен кез келет.

Айсулуунун атаандашы Ирина Коляденко 23 жашта. Учурдагы Европа чемпиону. Мындан сырткары, ал 2019-жылдагы дүйнө биринчилигинде жана 2020-жылдагы Европа чемпионатында байгелүү орундарды ээлеген.

62 килограмм салмакта ат салышкан украиналык спортчу Олимпиада-2020 мелдешинде Нигерия (баштапкы этап) жана Кытай (чейрек финал) өлкөлөрүнүн спортчуларын уткан. 

Айсулуу Тыныбекова учурда 29 жашта. 2019-жылы өткөн дүйнө биринчилигинде чемпион болгон. 2020-жылдагы дүйнө кубогу мелдешинде да алтын медаль тагынган. Рио-2016 Олимпиадасына катышып, бешинчи орунга жеткен. Кыргызстандык балбан кыз Азиянын төрт жолку  чемпиону.

Азыркы тапта Бириккен күрөш дүйнөсү (UWW) уюмунун рейтингинде 62 килограмм салмактагы балбан кыздардын арасында биринчи орунда турат.

Айсулуу чейрек финалда румыниялык, баштапкы этапта латвиялык спортчуларды жеңди.

Жарым финалык таймаштар Бишкек убактысы боюнча саат 15:00дө болот.

186
Белгилер:
Айсулуу Тыныбекова, Олимпиада-2020, жарым финал, таржымал
Тема:
2021-жылы Токиодо өтө турган Олимпиада оюндары
Тема боюнча
Айсулуу Тыныбекова Токиодо алгачкы беттешин 8:0 менен ишенимдүү утту. Видео
Таза жеңиш! Айсулуу Тыныбекова Олимпиада оюндарынын жарым финалына чыкты. Видео
Москва метросунда полиция кызматкерлери. Архив

Россияда кыргызстандыктар массалык түрдө текшерилип жатабы? Расмий жооп

12
(жаңыланган 13:53 03.08.2021)
Буга чейин Россиянын Москва шаарында 180дей мигрант мушташкан. Бул боюнча жалпысынан 102 адам кармалса, анын 71и кыргызстандыктар болгон.

БИШКЕК, 3-авг. – Sputnik. Кыргызстандын Россиядагы элчилиги социалдык тармактардагы "кыргызстандыктарды РФте массалык түрдө текшерип жатышат" деген билдирүүлөр боюнча түшүндүрмө берди.

"Учурда Россиянын компетенттүү органдары "Кузьминки" метросунда болгон окуяга катыштыгы болушу мүмкүн делген чет элдиктерди издөөсүн улантууда. Россиянын укук коргоо органдарынын бул аракеттери өлкө аймагында тартипти орнотуу жана коопсуздукту камсыздоого багытталган", — дешти элчиликтен.

Ошондой эле дипломатиялык өкүлчүлүк 15-июндагы Россия президентинин коронавирус инфекциясынын жайылып кетишин алдын алуу боюнча жарлыгына ылайык, чет элдиктерди же жарандыгы жок адамдарды текшерүү иштери дагы болуп жатканын кошумчалады. Маалыматка караганда, бул текшерүүлөрдүн жыйынтыгында жаранды өлкөдөн чыгарып салуу жолу каралган эмес.

Буга чейин Россиядагы телеканалдардын бири Москвада 180дей мигранттын мушташын көрсөткөн. Анда 11-июлда Химкиде тажик мигранттары эки кыргызстандыкты бычактаганы айтылган. Мындан улам тирешүү башталып, шаардагы "Кузьминки" метростанциясында массалык мушташ чыккан. Урушта жалпысынан 102 адам кармалса, анын 71и кыргызстандык болгон.

12
Белгилер:
Кыргызстан, Россия, жаран, текшерүү, элчилик
Тема боюнча
Кыргызстандык абитуриенттер россиялык ЖОЖго түйшүксүз өтө алат
Кыргызстандыктар Москва — Казань жолун салып иштемекчи