Даярданган мушкер. Архивдик сүрөт

Москвадагы ММА боюнча мелдеште массалык мушташ чыкты. Видео

348
(жаңыланган 10:01 29.06.2021)
Мелдештин уюштуруучулары жаңжалды токтотуп, мушташкандардын баарын сыртка чыгарды. Октагондо Кыргызстандын желегин жамынган мушкер да турганын көрүүгө болот.

БИШКЕК, 29-июн. — Sputnik. Москвада жекшемби күнү өткөн ММА боюнча мелдеште чыр чыгып, октагондо массалык мушташ болду. Бул тууралуу R-Sport маалымат булагы жазды.

Окуянын видеосу Twitter тармагына чыкты. Анда чырдашкандардын арасында өзбек тилинде сүйлөгөндөр бар. Октагондо Кыргызстандын желегин жамынган мушкер да турат.

Мелдешти R3 Fighting Championship уюму өткөргөн. Анын жүрүшүндө адегенде мушкерлерди коштогон тарапташтардын ортосунда кайым айтышуу болуп, ал массалык мушташка айланган. Бир катар көрүүчүлөр да тордун тосмосунан ашып өтүп жаңжалга катышкан.

Уюштуруучулар мушташкандарды ажыратып, чырды токтоткон.

348
Белгилер:
Москва, ММА, мелдеш, мушташ
Тема боюнча
Мушкер атаандашына кол салып, мушташ чыгарып жиберди. Видео
"Ура!" дейсиң деп... Дагестандагы мелдеште массалык мушташ чыкты. Видео
Кыргызстандык спортчусу Алтынбек Мамашов. Архив

Спортчу Мамашов АСА мелдешинде UFC уюмунун экс-мушкери менен беттешет

29
Кыргызстандык атлет аталган лигадагы акыркы үч беттешинин экөөсүн утуп, бирөөндө жеңилген. Ал эми атаандашы акыркы үч кармашынын баарында утулган.

БИШКЕК, 24-сен. — Sputnik. Absolute Championship Akhmat (ACA) мушкерлер лигасынын кыргызстандык спортчусу Алтынбек Мамашов кезектеги беттешинде UFC уюмунун экс-мушкери, бразилиялык Элиас Сильверио менен таймашат. Бул тууралуу аталган уюм Instagram баракчасына жарыялады. 

Посмотреть эту публикацию в Instagram

Публикация от ACA MMA (@aca_mma)

Беттеш 4-октябрда Чеченстандын борбору Грозный шаарында өтөт.

"Кыргызстандык мушкер беттештеринин дээрлик 100 пайызын мөөнөтүнөн мурда жеңип келет. Ал турсун АСА124 мелдешинде бонус алууга да жетишти. Чеченстанда өтүүчү юбилейлик мелдеште ал бразилиялык Элиас Сильверио менен беттешип, түштүк африкалык Марк Хульмдун ордуна чыгат", — деп айтылат билдирүүдө.

Кыргызстандык мушкер ММА спортунда 16 беттешке чыгып, 14 учурунда атаандашын уткан. Бир жолу жеңилип, дагы бир кармашта тең чыккан. Мамашовдун атаандашын эстен тандырган соккусу Absolute Championship Akhmat лигасынын 2021-жылдын жарым жылдагы мыкты нокауту деп табылган.

Кыргыз мушкери аталган уюмда акыркы үч беттешинин экөөсүн утуп, бирөөндө жеңилген.

Ал эми анын атаандашы Сильверио 2013-2015-жылдары Ultimate Fighting Championship (UFC) уюмунда беттештерди өткөргөн. Ал ММА спортунда жалпысынан 24 кармаш өткөрүп, 16 учурунда атаандашын уткан. Жети ирет жеңилген. Бразилиялык атлет АСА уюмундагы акыркы үч беттешинин баарында жеңилүү ызасын тарткан.

 

29
Белгилер:
Алтынбек Мамашов, ММА, беттешүү
Тема боюнча
UFC мушкери Антонина Шевченконун ким менен беттешери анык болду
Бүткүл дүйнөлүк жаш мекендештер оюндарынын жеңүүчүлөрүн сыйлоо аземи. Архив

Мекендештер оюндарында кыргызстандыктар алдыңкы орундарды ээлешет

44
(жаңыланган 14:38 23.09.2021)
"Росскызматташтык" уюмунун башчысынын кеңешчиси аталган мекеме жаштар менен кандай иштерди алып барганын белгиледи. Ал Кыргызстандан барган катышуучулардын спорттук ийгиликтери тууралуу айтып берди.

БИШКЕК, 23-сен. — Sputnik. "Росскызматташтык" уюмунун башчысынын кеңешчиси Дмитрий Федотов "Бүткүл дүйнөлүк жаш мекендештер оюндары" мелдешинде Кыргызстандын спортчуларынын ийгиликтери тууралуу айтып берди.

Советник главы Россотрудничества Дмитрий Федотов на региональной молодежной конференции российских соотечественников из стран ближнего зарубежья в Бишкеке
© Sputnik / Табылды Кадырбеков
"Росскызматташтык" уюмунун башчысынын кеңешчиси Дмитрий Федотов

Ал жакынкы чет өлкөлөрдөгү россиялык мекендештердин аймактык жаштар конференциясында сөз сүйлөдү.

Федотов белгилегендей, жаштар менен иштөөгө өзгөчө көңүл бурулуп келет, тогуз жаштан баштап бардык курактагы топтор камтылган.

"Бизде кичинекей балдар үчүн "Бүткүл дүйнөлүк жаш мекендештер оюндары" сыяктуу чоң программа бар. Ал мелдешке ар кайсы өлкөлөрдүн балдары күчүн сыноо үчүн келишет. Кечээ "Русский дом" мекемесине кирип, Кыргызстан дээрлик дайыма биринчи орунду алып келгенин көрдүм", — деген ал.

Ырасында анын "дайыма" деген сөзүн көпчүлүк учурда деп оңдошкон.

44
Белгилер:
мелдеш, орун, спорт, Кыргызстан, Россия
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды
Май куйуучу жай. Архив

Россиядан келген бензин азайышы мүмкүн. Адистердин жоромолу

0
Россиянын Энергетика министрлиги өлкөнүн ичинде күйүүчү майдын баасы көтөрүлүп кетпеши үчүн экспортко болгон тыюуну азырынча албай турат.

БИШКЕК, 24-сен. — Sputnik. Россиянын мунайды кайра иштетүүчү заводдорунун экспортунун көлөмү жай мезгилине караганда дагы төмөндөшү мүмкүн. Бул тууралуу "Прайм" порталы жазган.

Агенттиктин маалыматына таянсак, Россиянын бензин боюнча экспорту сентябрда 167 миң тоннага чейин түшүшү мүмкүн. Январь-май айларында Россиядан сыртка болжол менен айына 421 миң тонна чыгып турса, июль-августта кыскарып, орто эсеп менен 208 миң тоннанын тегерегинде болгон. 

Өкмөттүн ички рынокко чыгарчу мунай заттарынын көлөмүн арттыруу сунуштарынан улам компаниялар жаздан тарта бензиндин экспортун кыскартып келе жатат. Министрлер кабинети бензиндин экспортун жаз айларынан бери катуу талкуулай баштаган. Анда мунай заттарын биржа аркылуу сатуу ченемдерин көбөйтүү жана күйүүчү майдын баасын мунайчылар менен сүйлөшүп, бир калыпта кармап туруу айтылган.

0
Белгилер:
Россия, Күйүүчү май, экспорт, экономика
Тема боюнча
Россияда бензиндин баасы бир жылдан бери биринчи ирет төмөндөдү
ЕАЭБ менен коңшу өлкөлөрдө бензин канча турат. Таблица