Англиялык футболчу Гарри Кейн Лондондогу Уэмбли стадионунда экинчи голун белгилеп жатат

Евро-2020: чейрек финалда ойноочулар аныкталды. Беттештердин расписаниеси

190
(жаңыланган 09:50 30.06.2021)
Европа чемпионатынын 8/1 финалдык баскычы Украина — Швеция беттеши менен жыйынтыкталды. Украина кошумча бөлүктө гол киргизип, 2:1 эсеби менен атаандашын утуп алды.

БИШКЕК, 30-июн. — Sputnik. 30-июнга караган түнү Украина курама командасынын Швецияны жеңип, футбол боюнча Европа чемпионатынын чейрек финалдык баскычындагы бардык жуптар аныкталды.

Европа чемпионатынын 8/1 финалык баскычы Украина — Швеция беттеши менен жыйынтыкталды. Украина кошумча бөлүктө гол киргизип, 2:1 эсеби менен утуп алды.

Эми чейрек финалда төмөнкү курама командалар ойношот:

  • Швейцария — Испания
  • Бельгия — Италия
  • Чехия — Дания
  • Украина — Англия

Беттештердин расписаниеси:

  • Швейцария — Испания 2-июлда Санкт-Петербург шаарында (Россия) ойнойт. Беттеш Бишкек убактысы боюнча 22:00дө башталат.
  • Бельгия — Италия беттеши 2-июлда Германиянын Мюнхен шаарында 01:00дө башталат.
  • Чехия — Дания жубу 3-июлда Баку шаарында (Азербайжан) "Олимпийский" стадионунда ойнойт. Беттеш 22:00гө белгиленген.
  • Украина — Англия командалары 3-июлда Римдеги "Олимпико" оюн талаасында таймашка чыгышат. Беттеш түнкү саат 01:00дө башталат.

Эске салсак, Евро-2020 мелдеши былтыркы жылдын жай айында өтмөк. Коронавирус пандемиясына байланыштуу мелдеш 2021-жылга калтырылган. Оюндар 11-июнда Европанын бир катар шаарларында башталган. Мелдештин жарым финалдык оюндары 6-7-июлда Лондондо өтөт. Ал эми финалдык беттеш да 11-июлда Англиянын борборуна белгиленген.

Буга чейинки Евро-2016 мелдешин Португалия курамасы жеңген.

190
Белгилер:
футбол, Евро-2020, чейрек, финал
Тема боюнча
Футбол: дүйнө чемпиону Франция Швейцарияга утулуп калды. Видео
Согончогу менен гол киргизген футболчу. Бразилияда тартылган видео
Айаал Лазарев америкалык Гэйбл Стивенсон менен беттеште

Айаал Лазарев Олимпиаданын коло байгеси үчүн таймашат

35
(жаңыланган 17:34 05.08.2021)
Кыргызстандык балбан баштапкы этапта АКШлык Гэйбл Стивенсон менен кармашып, америкалыкка таза техникалык артыкчылык менен утулган.

БИШКЕК, 5-авг. — Sputnik. Кыргызстандык эркин күрөш боюнча балбан Айаал Лазарев Олимпиада оюндарынын коло байгеси үчүн таймашат.

Кыргызстандык балбан баштапкы этапта уткан америкалык Гэйбл Стивенсонго жеңилген.

АКШлык спортчу финалга чыгып, Лазарев көңүл жубатуучу таймашка чыгууга укук алды.

Эң оор салмакта (125 килограмм) ат салышып жаткан Айаал Лазарев эми Рио-де-Жанейро Олимпиадасынын чемпиону, түркиялык Таха Акгүл менен кармашат. Эгер аны утса, коло байге үчүн монголиялык Лхагвагерель Мунхтур менен коло байге талашат.

Көңүл жубатуучу кармаштар эртең, 6-августта, саат 08:00дө, ал эми коло байге үчүн таймаштар саат 17:00дө болот

35
Белгилер:
Айаал Лазарев, Олимпиада-2020, эркин күрөш
Тема:
2021-жылы Токиодо өтө турган Олимпиада оюндары
Тема боюнча
Олимпиада: эркин күрөш балбаны Эрназар Акматалиев индиялык спортчу менен кармашат
Австралиялык спортчу кыз Токио Олимпиадасынан 7 медаль утуп алды. Сүрөт
Бишкектеги киберспорттук мелдештин катышуучулары. Архив

Бишкекте киберспорттук мелдеш өтөт. Жеңүүчүлөр дүйнө чемпионатына катышат

75
(жаңыланган 15:26 05.08.2021)
Кыргызстандыктарга өз өлкөсүн эл аралык аренада даңазалоого жана квалификациялык мелдеште байгелүү орундарды алууга мүмкүнчүлүк түзүлдү.

БИШКЕК, 5-авг. — Sputnik. Бишкекте киберспорттун төрт түрүнөн IESF World Championship 2021 дүйнөлүк мелдешке тандап алуу боюнча турнир өтөт. Бул тууралуу өлкөнүн Компьютердик спорт федерациясы билдирди.

Тандоо турунун жалпы байге фонду 82 миң сом. Кыргызстандыктар үчүн ачык болгон мелдеш аталган оюндун CSGO (14-август), DOTA 2 (15-август), Tekken 7 жана PES 2020 (22-август) түрлөрүнөн болот.

Спорттук федерация өзүнүн расмий сайтына командалардын катталуусу үчүн шилтемелерди жана байге фонду, демөөрчүлөр, мелдеш өтүүчү жайдын дареги тууралуу маалыматтарды чыгарды. Мелдештин шарттары тууралуу төмөнкү шилтемеден кенен маалымат алууга болот.

Оюндун ар бир түрү боюнча жеңүүчүсү өз өлкөсүнүн атынан дүйнө чемпионатына катышат.

Эл аралык киберспорт федерациясы жыл сайын IESF World Championship мелдешин өткөрүп келет. Ал эми улуттук федерациялар тандоо оюндарын уюштуруп, мыктыларды тандап, курама команда түзүшөт. Быйыл дүйнөлүк биринчилик Израилде өтөт. Ага 106 өлкөнүн киберспортчулары катышары күтүлүүдө.

75
Белгилер:
Кыргызстан, киберспорт, мелдеш, Компьютердик спорт федерациясы
Тема боюнча
Турусбеков: өлкөдө компьютердик жана мобилдик оюн индустриясы өнүгүүдө
Фотография Счастливый фермер Рафида Ясара из Бангладеша признана лучшим снимком на международном конкурсе фотожурналистики имени Андрея Стенина

Стенин атындагы сынакта онлайн добуш берүү боюнча жеңүүчү аныкталды

0
(жаңыланган 18:21 05.08.2021)
Сынактын максаты — жаш фотографтарды колдоо, бүгүнкү күндөгү фотожурналистиканын көйгөйлөрүнө коомчулуктун көңүлүн буруу.

БИШКЕК, 5-авг. — Sputnik. Андрей Стенин атындагы эл аралык фотожурналистика сынагынын баштапкы жыйынтыгы чыгып, интернет-колдонуучулардын сүймөнчүгүнө бангладештик Рафид Ясар ээ болду. Ал сынакка "Бактылуу фермер" аттуу эмгегин жөнөткөн.

Сүрөттө түстүү капустанын түшүмүн жыйнап, ага кубанып турган фермер көрсөтүлгөн. Бул кадрга интернет-колдонуучулардын дээрлик 25 пайызы "мыкты" деп добуш берген. Сүрөтчү элдин ишеними ага күч берип, өзү кыялданып жүргөн режиссерлук кесипке жетем деп ишенүүдө.

"Элдик добуш берүү гран-при эмес экенин түшүнөм. Бирок ар бир добуш - мен үчүн сыймык. Бул сынакта менчелик жеңишке жеткиси келген адам барбы, билбейм. Эң күчтүүсү жеңсин", — деди ал. 

Сентябрь айынын аягында Стенин атындагы сынактын жыйынтыгы чыгып, гран-при тапшыруу аземи онлайн-форматта өтөт. Уюштуруучулар жылдын соңуна чейин жеңүүчүлөрдүн эмгектерин дүйнөлүк турнеге алып чыгууну пландоодо.

Сынак тууралуу

"Россия сегодня" эл аралык маалымат агенттиги негиздеп, Россиянын ЮНЕСКО иштери боюнча комиссиясынын колдоосу менен өтүп келген Андрей Стенин атындагы эл аралык фотожурналистика сынагынын максаты — жаш фотографтарды колдоо, бүгүнкү күндөгү фотожурналистиканын көйгөйлөрүнө коомчулуктун көңүлүн буруу. Бул таланттуу, сезимтал, алдыга умтулган жаш сүрөтчүлөр үчүн мыкты аянтча.

Быйыл башкы маалыматтык өнөктөш Вести.Ru порталы, "Россия-Культура" жана "Москва 24" телеканалдары болду.

Ошондой эле Sputnik маалымат агенттиги жана радиосу, Askanews маалымат агенттиги, Independent Media медиахолдинги, ANA маалымат агенттиги, RT телеканалы жана порталы, Shanghai United Media Group (SUMG), China Daily гезитинин интернет-порталы, The Paper интернет-порталы, Al Mayadeen медиатүйүнү, https://www.almayadeen.net/ Prensa Latina,  https://www.prensa-latina.cu/ DBW интернет-порталы https://www.dbw.cn/ жана Telam маалымат агенттиги https://www.telam.com.ar/ өнөктөш болду.

 

 

0