Азиялык паралимпиадалык комитетинин эл аралык уюмдун президенти Маджид Абдулла Рашед аль-Усайми жана министрлер кабинетинин төрагасы Улукбек Марипов менен жолугушууда

Азиялык паралимпиада комитети Кыргызстан менен кызматташууга кызыкдар

96
(жаңыланган 18:50 05.07.2021)
Министрлер кабинетинин төрагасы Улукбек Марипов Азиялык паралимпиадалык комитетинин президенти Маджид Абдулла Рашед аль-Усайми менен жолугуп, кызматташуу жолдорун талкуулады.

БИШКЕК, 5-июл. — Sputnik. Азиялык паралимпиадалык комитет Кыргызстандагы паралимпиадалык кыймылды колдоого жана өнүктүрүүгө багытталган спорттук долбоорду ишке ашырууга кызыкдар. Мындай пикирди аталган эл аралык уюмдун президенти Маджид Абдулла Рашед аль-Усайми министрлер кабинетинин төрагасы Улукбек Марипов менен жолугушууда айтканын өкмөт билдирди.

Рашеддин айтымында, долбоорлордун бири катары Борбор Азия өлкөлөрүнүн параатлет машыктыруучулары үчүн орус тилиндеги окутуу программаларын иштеп чыгуу болушу ыктымал.

Марипов менен Рашед аль-Усайми Кыргызстан менен Азия Паралимпиадалык комитетинин кызматташуусунун жана өз ара аракеттенүүсүнүн ар тараптуу мүмкүнчүлүктөрүн талкуулады.

Министрлер кабинетинин башчысы белгилегендей, республикада 77 спорт федерациясы иштейт. Анын катарында Паралимпиадалык комитет жана параспорттук федерациялар бар.

Мариповдун айтымында, кабыл алынган "Спорт Кыргызстан" программасынын алкагында балдар жана өспүрүмдөр үчүн спорт мектептеринде келечектүү паралимпиадалык жана сурдоолимпиадалык спорттун түрлөрү боюнча топторду ачуу каралган. 2019-жылы спорт мектептеринде мындай жети жана коомдук башталыштагы алты топ ачылган.

Соңунда Марипов эки тараптуу жана өз ара пайдалуу кызматташтыкты тереңдетүүгө кызыкдарлыгын билдирди.

96
Белгилер:
Улукбек Марипов, иш сапар, жолугушуу, паралимпиада
Тема боюнча
Азиялык Паралимпиада комитетинин президенти Мажид Рашед Кыргызстанга келет
Келинчегимди жигитинен тартып алгам... Паралимпиадага барчу Арстанбектин маеги

Бусурманкулдун нокауту жана ага Хабибдин берген кеңеши. Видео

0
Хабиб Нурмагомедовдун Eagle Fighting Championship (EFC) лигасынын турниринде кыргызстандык Бусурманкул Абдибаит уулу россиялык атаандашы Руслан Яманбаевди техникалык нокаут менен утуп, чемпиондук курун тартып алды.

Абдибаит уулунун жеңишинен кийин Хабиб Нурмагомедов ага кеп-кеңешин берди.

“Жашоодо анын мындай ирмеми эч качан кайталанбаса керек. Анткени биринчи бел курду утуп жатканда аябай кубанасың. Ошого эмоционалдуу болуп турат, колдоп коелу. Дана Уайт (UFC президенти) бул беттешти көрөт. Мен турнир тууралуу айткам. Чемпиондук курду бир-эки жолу коргогондон кийин UFC уюмунда күч сынашууга мүмкүнчүлүк болот. Бел курду тагынгандан кийин көп спортчунун бутасына айланасын, ошон үчүн көп эмгектенүү керек. Бүгүн эс алып, эртең кайра машыгууну улантуу керек. Баарыңарды куттуктайм, чынын айтсам мен ага (Бусурманкулга) күйөрмандык кылдым, атаандашы таарынбасын”, — деди ал.

Бусурманкул 14 беттешти утуп, үч ирет жеңилген. Ал учурда 28 жашта.

0
Белгилер:
Хабиб Нурмагомедов, EFC, Бусурманкул Абдибаит уулу, жеңиш
Тема боюнча
Сүйүнчү! Бусурманкул Абдибаит уулу Хабибдин лигасынын чемпиону болду. Сүрөт  
Көлгө келген Хабиб: эртең Олимпиадада алтын алышыңарга тилектешмин
Алексей Федосеев Хабибдин турниринде атаандашын муунтуу ыкмасы менен жеңди. Сүрөт

Кубанарымды же кайгырарымды билбей турам. Акжол менен Мээримдин видео маеги 

80
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

80
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин