Олимпиада отун берүү аземи. Архивдик сүрөт

Токио Олимпиадасынын ачылыш аземине VIP-коноктор гана киргизилиши мүмкүн

96
(жаңыланган 12:08 06.07.2021)
Оюндарды өткөрүү боюнча уюштуруу маселелери 8-июлдагы сүйлөшүүдө талкууланат. Ага Токионун губернатору жана Эл аралык Олимпиада комитетинин президенти Томас Бах катышат.

БИШКЕК, 6-июл. — Sputnik. Япония өкмөтү Олимпиада оюндарынын ачылыш аземине бийик даражалуу өкүлдөрдү, чет мамлекеттен келген конокторду, ошондой эле мелдештин демөөрчүлөрүн жана дипломаттарды гана киргизүү маселесин талкуулап жатат. Бул тууралуу Asahi Shimbun Digital басылмасына таянып "Известия" жазды.

VIP-коноктордун саны мурда айтылган 10 миңден кыйла аз болору айтылууда.

Мындан сырткары, коронавирустун жайылуусун болтурбоо үчүн иш-чара 21:00дөн кийин көрүүчүлөрсүз өтөт. Калган убактарда оюн жайларына күйөрмандар жарым-жартылай киргизилет.

Олимпиаданы өткөрүү боюнча уюштуруу маселелери 8-июлдагы сүйлөшүүдө талкууланат. Ага Токионун губернатору жана Эл аралык Олимпиада комитетинин президенти Томас Бах катышат.

Япониянын премьер-министри Есихидэ Суга оюндар таптакыр көрүүчүсүз өтүшү мүмкүн экенин билдирген. Басылманын белгилешинче, премьер стадиондордо аз сандагы көрүүчүлөр болушун каалаган, бирок башкаруучу партиянын мүчөлөрү көрүүчүлөрдүн кирүүсүнө толук тыюу салуу керек деп чыгышууда.

21-июнда Олимпиада оюндарынын уюштуруучулары жергиликтүү 10 миң көрүүчүгө жана спорттук оюн жайларынын 50 пайызы толгудай лимит бекиткен. Деген менен эпидемиологиялык абалга байланыштуу киргизилген өзгөчө кырдаал режиминен улам көрүүчүлөр стадионго киргизилбей калышы мүмкүн.

Олимпиада жана Паралимпиада оюндары өткөн жылы Токиодо өтмөк. COVID-19 пандемиясынан улам мелдеш 2021-жылга калтырылган. Эми мелдеш 23-июлдан 8-августка чейин чет элдик көрүүчүлөрсүз өтөт. Мелдештин аталышы Токио-2020 бойдон сакталууда.

96
Белгилер:
конок, Токио, олимпиада
Тема:
2021-жылы Токиодо өтө турган Олимпиада оюндары (112)
Тема боюнча
Балбан кыздар Айсулуу менен Айпери Эстонияда Олимпиадага даярданууда
Дзюдочу Владимир Золоев Олимпиада оюндарына жолдомо утту
Ок атуу спорту боюнча Каныкей Кубанычбекова Олимпиадага жолдомо алды
Өзбекстандык жаш тхэквондочу Улугбек Рашитов

Олимпиада: Өзбекстанга биринчи алтын медалды 19 жаштагы спортчу тартуулады. Видео

915
(жаңыланган 13:31 26.07.2021)
68 килограммдык салмактагы жаш спортчу Өзбекстанга биринчи алтын медалды тартуулады. Азырынча ал тхэквондо боюнча Өзбекстандын бирден-бир чемпиону.

БИШКЕК, 26-июл. — Sputnik. Өзбекстандык жаш тхэквондочу Улугбек Рашитов Токиодо өтүп жаткан Олимпиадада британиялык Брэдли Синденди 34:29 эсебинде жеңип, алтын медаль тагынды. Бул туурасында Sputnik Өзбекстан жазды.

Кыргызстандын атынан алгачкылардан болуп мылтык менен ок атуу мелдешине катышкан Каныкей Кубанычбекова
© Фото / Государственное агентство по делам молодежи, физической культуры и спорта при ПКР
68 килограммдык салмактагы жаш спортчу ошентип Өзбекстанга биринчи алтын медалды тартуулады. Азырынча ал тхэквондо боюнча Өзбекстандын бирден-бир чемпиону. Рашитовго чейин эч ким мындай ийгилик жараткан эмес.

Күмүш Брэдли Синденге кетсе, коло медалды түркиялык Хакан Речбер жана кытайылык Чжао Шуай алган.

915
Белгилер:
алтын, Өзбекстан, Токио, Олимпиадалык оюндар
Тема:
2021-жылы Токиодо өтө турган Олимпиада оюндары (112)
Тема боюнча
Олимпиада: Өзбекстанга биринчи алтын медалды 19 жаштагы спортчу тартуулады. Видео
Кыргызстан Олимпиададан алгачкы алтын медалын утат. Букмекерлердин божомолу
Кыргызстандык оор атлетчи Бекдөөлөт Расулбеков. Архив

Оор атлетчи Бекдөөлөт Расулбеков Токиого жөнөп кетти. Сүрөт 

127
(жаңыланган 11:55 26.07.2021)
Расулбеков Бишкек убактысы боюнча 31-июль күнү саат 16:50дө беттешке чыгат. Ал күч сынашчу А тайпасында 10 оор атлетчи бар экени айтылды. 

БИШКЕК, 26-июл. — Sputnik. Кыргызстандык оор атлетчи Бекдөөлөт Расулбеков Олимпиада оюндарына катышуу үчүн Токио шаарына жөнөп кетти. Бул тууралуу Жаштар иши, дене тарбия жана спорт агенттиги кабарлады.  

Спортчуну башкы машыктыруучусу Камбар Токтоналиев менен улук машыктыруучусу Өмүржан Молдодосов коштоп кеткен.  

Команданы аэропортко чейин Спорттун олимпиадалык түрлөрү боюнча дирекциясынын кызматкерлери узатып барышкан.  

Белгилей кетсек, Бекдөөлөт Расулбеков Бишкек убактысы боюнча 31-июль күнү саат 16:50дө беттешке чыгат. Жалпы 96 килограмм салмактык даражада 15 спортчу катышса, спортчунун А тайпасында 10 оор атлетчи бар.

127
Белгилер:
мелдеш, оор атлетика, Бакдөөлөт Расулбеков, олимпиада, Токио
Тема:
2021-жылы Токиодо өтө турган Олимпиада оюндары (112)
Тема боюнча
Олимпиада: кыргызстандык Петров фехтованиеде экинчи турда утулуп калды. Видео  
КР спортчулары Олимпиаданын ачылышына бет капсыз чыкканы боюнча комитет үн катты  
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду