Италиянын Евро-2020 жеңген ирмеми

Голго да, автоголго да бай Евро-2020. Чемпионаттагы кызыктуу 10 факт

111
(жаңыланган 13:12 12.07.2021)
Футбол боюнча 2020-жылдагы Европа чемпионаты аяктады. Анын финалында Италия менен Англия курама командалары беттешип, италиялыктар чемпион болду. Мелдеш айрым өзгөчөлүктөр, рекорддор менен коштолду.

Sputnik Кыргызстан жарыштагы кызыктуу фактыларды, статистикалык көрсөткүчтөрдү сунуш этет.

Евро-2020 мелдеши – тарыхтагы 16-чемпионат

Быйыл өткөн футбол боюнча Евро-2020 мелдеши чемпионаттын тарыхында 16ынчы болуп саналат. Эң алгачкы мелдеш 1960-жылы Францияда болгон. Анда СССР (Советтер Союзу) курама командасы финалдык беттеште Югославияны утуп чемпион аталган эле.

Италия экинчи жолку Европа чемпиону

Италия курама командасы Евро-2020 мелдешин утуп, тарыхта экинчи ирет континенттеги мелдештин жеңүүчүсү болду. Дүйшөмбүгө караган түнү өткөн мелдештин финалында Италия Англияны пенальтилер сериясынан утту. Команда буга чейин 1968-жылы өткөн мелдеште жеңүүчү болгон. Финалда алтын байге үчүн Югославия курама командасы менен таймашып, 2:0 эсебинде уткан. Ал чемпионат Италияда өткөн.

Европа мелдеши 11 шаарда өттү

Европа биринчилиги тарыхта алгачкы ирет континенттеги 11 шаарда: Лондон, Мюнхен, Рим, Баку, Санкт-Петербург, Бухарест, Амстердам, Севилья, Будапешт, Глазго жана Копенгаген калааларында өттү. Жарым финалдык беттештер жана мелдештин жеңүүчүсүн аныктаган финал Лондондо болду.

Евро-2020 – тарыхта эң көп гол катталган мелдеш

Бул мелдеш Европа чемпионаттарынын тарыхында эң көп гол киргизилген турнир болуп калды. 24 команда катышып, толук бир айга созулган жарышта бардыгы болуп 142 гол катталды. Алгачкысын түрк коргоочусу Мерих Демирал өз дарбазасына киргизип баштаса, финалда италиялык Леонардо Бонуччи киргизген гол менен эсеп 142ге жетти.

Буга чейин 108 голго жеткен рекорд Евро-2016 мелдешинде катталган (мында пенальтилер сериясындагы голдор эсепке киргизилбейт).

Турнирдин ичиндеги беттештерде эң көп гол 8/1 финалда Испания — Хорватия беттешинде киргизилди. Мында испаниялыктар экстра-таймда 5:3 эсебинде утуп алды. Жалпысынан бир матчта күйөрмандар сегиз гол көрдү.

Автоголго бай чемпионат

Евро-2020 мелдеши автоголго (өз дарбазасына гол киргизүү) бай турнир болду. Мелдеште автогол менен эсеп ачылды. Евро-2020нын ачылышындагы Италия — Түркия беттешинде түркиялык коргоочу Мерих Демирал өз дарбазасына гол киргизип алды. Мындай жагдай чемпионаттын тарыхында биринчи жолу катталды.

Жалпысынан мелдеште 11 автогол болуп, тарыхта жаңы рекорд жаралды. Европа чемпионатынын 60 жылдык тарыхында буга чейин бардык мелдештерде жалпысынан тогуз автогол болгон.

Евро-2020да Демирал баштаган жолду Даниянын коргоочусу Симон Кьер жарым финалда Англияга каршы беттеште өз дарбазасына топ киргизип жыйынтыктады. Бул 11-автогол болду. Мелдеште Войцех Щенсны (Польша, дарбазачы), Матс Хуммельс (Германия), Лукаш Градецки (Финляндия), Рубен Диаш жана Рафаэл Геррейру (экөө тең Португалия), Юрай Куцка жана Мартин Дубравка (экөө тең Словакия), Педри (Испания) жана Денис Закария (Швейцария) автоголдордун авторлору болушкан.

Дарбазачы Доннарумма Евро-2020 мелдешинин эң мыкты оюнчусу

Европа-2020 чемпионатынын эң мыкты оюнчусу деп Италия курама командасынын дарбазачысы Жанлуиджи Доннарумма табылды. Ал команданын мелдештеги оюндарына баштан-аяк катышып, эки беттештеги пенальтилер сериясында топ тосту.

Доннарумма мындай наамга даниялык Петер Шмейхелден кийин татыган экинчи дарбазачы болду.

Криштиану Роналду мыкты бомбардир

Португалиянын чабуулчусу Криштиану Роналду Евро-2020 мелдешинде беш гол киргизип, эң мыкты бомбардир болду. Ал тайпалык этапта Венгрия жана Германия командаларынын дарбазаларына экиден жана Францияга бир топ киргизген.

Эскерте кетсек, турнирде Чехиянын чабуулчусу Патрик Шик да беш гол киргизген. Роналдунун командалашына голго пас чыгарып берген артыкчылыгы эске алынып, мыкты деп табылды.

Мелдештин аксакал футболчусу 39 жашты таяган

Нидерланд курама командасынын дарбазачысы Мартен Стекеленбург Евро-2020 турниринин жашы эң улуу оюнчусу болуп калды. Мелдештеги акыркы оюнуна чыкканда толук 38 жашта болгон. Андан кийин шотландиялык дарбазачы Крэйг Гордон 38 жаш 173 күн, Португалиянын коргоочусу Пепе 38 жаш 116 күн, Түндүк Македониянын чабуулчусу Горан Пандев 37 жаш 330 күн болгон. Аксакал оюнчулардын бештигине россиялык коргоочу Юрий Жирков кирген. Ал оюнга чыккан күнү жашы 37 жаш 306 күнгө толгон.

Педри эң жаш оюнчу

Испания курама командасынын чабуулчусу Педри Гонсалес Лопес Евро-2020 мелдешинде эң жаш оюнчу болду. 18 жаштагы футболчу Европа мелдешинде алты беттеште ойноду.

Жоржиньо курама команда менен да, клуб менен да Европада жеңүүчү болду

Италия курамасынын жана лондондук "Челси" (Англия) футбол клубунун жарым коргоочусу Жоржиньо Фрелло бир эле жылда Европа чемпионатын жана УЕФАнын Чемпиондор лигасы мелдешин уткан оюнчу болду.

Ал лондондук клуб менен Чемпиондор лигасында англиялык "Манчестер Ситини" утуп, Европадагы клубдар арасында эң абройлуу делген мелдеште жеңүүчү болгон.

29 жаштагы футболчу быйылкы сезондо "Челсиде" 43 оюнга чыкса, Италия курама командасы менен жети беттеште ойноду.

111
Белгилер:
факты, статистика, Евро-2020, футбол
Тема боюнча
Чет өлкөлүк клубдарда ойногон Айчүрөк: сиңдимди ээрчип футболчу болуп калдым
Өзбекстандык жаш тхэквондочу Улугбек Рашитов

Олимпиада: Өзбекстанга биринчи алтын медалды 19 жаштагы спортчу тартуулады. Видео

895
(жаңыланган 13:31 26.07.2021)
68 килограммдык салмактагы жаш спортчу Өзбекстанга биринчи алтын медалды тартуулады. Азырынча ал тхэквондо боюнча Өзбекстандын бирден-бир чемпиону.

БИШКЕК, 26-июл. — Sputnik. Өзбекстандык жаш тхэквондочу Улугбек Рашитов Токиодо өтүп жаткан Олимпиадада британиялык Брэдли Синденди 34:29 эсебинде жеңип, алтын медаль тагынды. Бул туурасында Sputnik Өзбекстан жазды.

Кыргызстандын атынан алгачкылардан болуп мылтык менен ок атуу мелдешине катышкан Каныкей Кубанычбекова
© Фото / Государственное агентство по делам молодежи, физической культуры и спорта при ПКР
68 килограммдык салмактагы жаш спортчу ошентип Өзбекстанга биринчи алтын медалды тартуулады. Азырынча ал тхэквондо боюнча Өзбекстандын бирден-бир чемпиону. Рашитовго чейин эч ким мындай ийгилик жараткан эмес.

Күмүш Брэдли Синденге кетсе, коло медалды түркиялык Хакан Речбер жана кытайылык Чжао Шуай алган.

895
Белгилер:
алтын, Өзбекстан, Токио, Олимпиадалык оюндар
Тема:
2021-жылы Токиодо өтө турган Олимпиада оюндары
Тема боюнча
Олимпиада: Өзбекстанга биринчи алтын медалды 19 жаштагы спортчу тартуулады. Видео
Кыргызстан Олимпиададан алгачкы алтын медалын утат. Букмекерлердин божомолу
Кыргызстандык оор атлетчи Бекдөөлөт Расулбеков. Архив

Оор атлетчи Бекдөөлөт Расулбеков Токиого жөнөп кетти. Сүрөт 

124
(жаңыланган 11:55 26.07.2021)
Расулбеков Бишкек убактысы боюнча 31-июль күнү саат 16:50дө беттешке чыгат. Ал күч сынашчу А тайпасында 10 оор атлетчи бар экени айтылды. 

БИШКЕК, 26-июл. — Sputnik. Кыргызстандык оор атлетчи Бекдөөлөт Расулбеков Олимпиада оюндарына катышуу үчүн Токио шаарына жөнөп кетти. Бул тууралуу Жаштар иши, дене тарбия жана спорт агенттиги кабарлады.  

Спортчуну башкы машыктыруучусу Камбар Токтоналиев менен улук машыктыруучусу Өмүржан Молдодосов коштоп кеткен.  

Команданы аэропортко чейин Спорттун олимпиадалык түрлөрү боюнча дирекциясынын кызматкерлери узатып барышкан.  

Белгилей кетсек, Бекдөөлөт Расулбеков Бишкек убактысы боюнча 31-июль күнү саат 16:50дө беттешке чыгат. Жалпы 96 килограмм салмактык даражада 15 спортчу катышса, спортчунун А тайпасында 10 оор атлетчи бар.

124
Белгилер:
мелдеш, оор атлетика, Бакдөөлөт Расулбеков, олимпиада, Токио
Тема:
2021-жылы Токиодо өтө турган Олимпиада оюндары
Тема боюнча
Олимпиада: кыргызстандык Петров фехтованиеде экинчи турда утулуп калды. Видео  
КР спортчулары Олимпиаданын ачылышына бет капсыз чыкканы боюнча комитет үн катты  
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду