Эверест чокусун багындырган кыргызстандык Эдуард Кубатов Улуттук олимпиада комитетинин Алтын ордени менен сыйланды.

Эдуард Кубатов Улуттук олимпиада комитетинин алтын орденин алды. Сүрөт

112
(жаңыланган 17:05 12.07.2021)
Альпинист жолугушууда бийиктикке чыгуу өтө оор болгонун, жеңишин кыргыз элине жана эгемендүүлүктүн 30 жылдыгына арнаганын белгилеген.

БИШКЕК, 12-июл. — Sputnik. Эверест чокусун багындырган кыргызстандык Эдуард Кубатов Улуттук олимпиада комитетинин Алтын ордени менен сыйланды. Бул тууралуу УОКтун Аткаруу комитетинин мүчөсү, КРдин Спорт журналисттер федерациясынын башкы катчысы Кабыл Макешов билдирди.

Дүйнөдөгү эң бийик чокуга чыккан Кубатовго сыйлыкты Улуттук олимпиада комитетинин вице-президенти Анвар Оморканов тапшырып, бир катар жетекчилер катышкан.

  • Кыргызстанец Эдуард Кубатов, который поднялся на Эверест, награжден Золотым орденом Национального олимпийского комитета.
    Эверест чокусун багындырган кыргызстандык Эдуард Кубатов Улуттук олимпиада комитетинин Алтын ордени менен сыйланды.
    © Фото / Национальный олимпийский комитет
  • Кыргызстанец Эдуард Кубатов, который поднялся на Эверест, награжден Золотым орденом Национального олимпийского комитета.
    Дүйнөдөгү эң бийик чокуга чыккан Кубатовго сыйлыкты Улуттук олимпиада комитетинин вице-президенти Анвар Оморканов тапшырып, бир катар жетекчилер катышкан.
    © Фото / Национальный олимпийский комитет
1 / 2
© Фото / Национальный олимпийский комитет
Эверест чокусун багындырган кыргызстандык Эдуард Кубатов Улуттук олимпиада комитетинин Алтын ордени менен сыйланды.

Спортчу жолугушууда бийиктикке чыгуу өтө оор болгонун, жеңишин кыргыз элине жана эгемендүүлүктүн 30 жылдыгына арнаганын белгилеген.

Кыргызстандык Кубатов 23-май күнү "Эверест 1" экспедициясынын курамында Эверестти багындырган.

Бийиктикке чыгуу 12-апрелде Непалда башталган. Команданын курамына Израиль, Кыргызстан, Малайзия, Россия жана Өзбекстандан барган альпинисттер кирген.

Кубатов Жердин эң бийик чокусун багындырган экинчи кыргызстандык болуп калды. Биринчи болуп ага 1997-жылы Дмитрий Греков чыккан.

Деңиз деңгээлинен 8 848 метр бийиктикте жайгашкан Тибет менен Непалдын чегиндеги бул чокуну багындырам деп жыл сайын дүйнөнүн ар бурчунан жүздөгөн альпинист келет.

Эдуард Кубатов дагы эки чокуну — Денали (Түндүк Америка) жана Винсон Массифке (Антарктида) чыгып, "Дүйнөнүн жети чокусун" багындырууну пландап жатат.

112
Белгилер:
Орден, сыйлык, чыгуу, чоку, Эдуард Кубатов, Эверест, Улуттук олимпиада комитети
Тема боюнча
Бишкектен Ошко чуркачу жөө күлүк Осмонбеков: азап тартып деп жактырбагандар бар
Өзбекстандык жаш тхэквондочу Улугбек Рашитов

Олимпиада: Өзбекстанга биринчи алтын медалды 19 жаштагы спортчу тартуулады. Видео

903
(жаңыланган 13:31 26.07.2021)
68 килограммдык салмактагы жаш спортчу Өзбекстанга биринчи алтын медалды тартуулады. Азырынча ал тхэквондо боюнча Өзбекстандын бирден-бир чемпиону.

БИШКЕК, 26-июл. — Sputnik. Өзбекстандык жаш тхэквондочу Улугбек Рашитов Токиодо өтүп жаткан Олимпиадада британиялык Брэдли Синденди 34:29 эсебинде жеңип, алтын медаль тагынды. Бул туурасында Sputnik Өзбекстан жазды.

Кыргызстандын атынан алгачкылардан болуп мылтык менен ок атуу мелдешине катышкан Каныкей Кубанычбекова
© Фото / Государственное агентство по делам молодежи, физической культуры и спорта при ПКР
68 килограммдык салмактагы жаш спортчу ошентип Өзбекстанга биринчи алтын медалды тартуулады. Азырынча ал тхэквондо боюнча Өзбекстандын бирден-бир чемпиону. Рашитовго чейин эч ким мындай ийгилик жараткан эмес.

Күмүш Брэдли Синденге кетсе, коло медалды түркиялык Хакан Речбер жана кытайылык Чжао Шуай алган.

903
Белгилер:
алтын, Өзбекстан, Токио, Олимпиадалык оюндар
Тема:
2021-жылы Токиодо өтө турган Олимпиада оюндары
Тема боюнча
Олимпиада: Өзбекстанга биринчи алтын медалды 19 жаштагы спортчу тартуулады. Видео
Кыргызстан Олимпиададан алгачкы алтын медалын утат. Букмекерлердин божомолу
Кыргызстандык оор атлетчи Бекдөөлөт Расулбеков. Архив

Оор атлетчи Бекдөөлөт Расулбеков Токиого жөнөп кетти. Сүрөт 

125
(жаңыланган 11:55 26.07.2021)
Расулбеков Бишкек убактысы боюнча 31-июль күнү саат 16:50дө беттешке чыгат. Ал күч сынашчу А тайпасында 10 оор атлетчи бар экени айтылды. 

БИШКЕК, 26-июл. — Sputnik. Кыргызстандык оор атлетчи Бекдөөлөт Расулбеков Олимпиада оюндарына катышуу үчүн Токио шаарына жөнөп кетти. Бул тууралуу Жаштар иши, дене тарбия жана спорт агенттиги кабарлады.  

Спортчуну башкы машыктыруучусу Камбар Токтоналиев менен улук машыктыруучусу Өмүржан Молдодосов коштоп кеткен.  

Команданы аэропортко чейин Спорттун олимпиадалык түрлөрү боюнча дирекциясынын кызматкерлери узатып барышкан.  

Белгилей кетсек, Бекдөөлөт Расулбеков Бишкек убактысы боюнча 31-июль күнү саат 16:50дө беттешке чыгат. Жалпы 96 килограмм салмактык даражада 15 спортчу катышса, спортчунун А тайпасында 10 оор атлетчи бар.

125
Белгилер:
мелдеш, оор атлетика, Бакдөөлөт Расулбеков, олимпиада, Токио
Тема:
2021-жылы Токиодо өтө турган Олимпиада оюндары
Тема боюнча
Олимпиада: кыргызстандык Петров фехтованиеде экинчи турда утулуп калды. Видео  
КР спортчулары Олимпиаданын ачылышына бет капсыз чыкканы боюнча комитет үн катты  
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду