Министрлер кабинетинин төрагасы Улукбек Марипов Олимпиадага катыша турган спортчулар менен жолугушууда

КР командасы Олимпиаданын ачылышына кандай кийим менен чыгат. Сүрөт

904
(жаңыланган 15:51 13.07.2021)
Токио Олимпиадасына бара турган команда менен министрлер кабинетинин төрагасы Улукбек Марипов жолукту.

БИШКЕК, 13-июл. — Sputnik. Министрлер кабинетинин төрагасы Улукбек Марипов менен болгон жолугушууга Олимпиадага катыша турган спортчулар параддык кийим кийип барды. Маалыматты салтанатка катышкан Улуттук олимпиада комитетинин башкы катчысы Саламат Эргешов Sputnik Кыргызстанга тастыктады.

  • Глава кабинета министров Кыргызской Республики Улукбек Марипов в государственной резиденции Ала-Арча принял команду Олимпийской сборной Кыргызской Республики.
    Министрлер кабинетинин төргасы Улукбек Марипов менен болгон жолугушууга Олимпиадага катыша турган спортчулар параддык кийим кийип барды.
    © Фото / Пресс-служба правительства / Алишер Алиев
  • Глава кабинета министров Кыргызской Республики Улукбек Марипов в государственной резиденции Ала-Арча принял команду Олимпийской сборной Кыргызской Республики.
    Кийимдер "Дилбар" мода үйү тарабынан тигилген.
    © Фото / Пресс-служба правительства / Алишер Алиев
  • Глава кабинета министров Кыргызской Республики Улукбек Марипов в государственной резиденции Ала-Арча принял команду Олимпийской сборной Кыргызской Республики.
    Алар буга чейинки эки Олимпиадага барган спортчулардын расмий формасын тигип бергени маалым.
    © Фото / Пресс-служба правительства / Алишер Алиев
  • Глава кабинета министров Кыргызской Республики Улукбек Марипов в государственной резиденции Ала-Арча принял команду Олимпийской сборной Кыргызской Республики.
    Быйыл Токиодо өтүүчү жайкы Олимпиада оюндарына Кыргызстандан 18 спортчу, ал эми Паралимпиадага бир атлет лицензия алышкан.
    © Фото / Пресс-служба правительства / Алишер Алиев
1 / 4
© Фото / Пресс-служба правительства / Алишер Алиев
Министрлер кабинетинин төргасы Улукбек Марипов менен болгон жолугушууга Олимпиадага катыша турган спортчулар параддык кийим кийип барды.

Анын айтымында, кийимдер "Дилбар" мода үйү тарабынан тигилген. Алар буга чейинки эки Олимпиадага барган спортчулардын расмий формасын тигип бергени маалым.

"Форма кыргыз улуттук жана япониялык элементтер менен айкалыштырылып жасалган. Бир кишиге даярдалган кийимдин наркы 95 миң сом болду. Мунун баары Улуттук олимпиадалык комитеттин эсебинен жасалды", — деген ал.

Быйыл Токиодо өтүүчү жайкы Олимпиада оюндарына Кыргызстандан 18 спортчу, ал эми Паралимпиадага бир атлет лицензия алышкан. 

Парадная форма с обувью для олимпийской сборной Кыргызстана
© Фото / пресс-служба НОК КР
Кыргызстандык спортчулардын параддык формасы

Тагыраагы, балбандар: Атабек Азисбеков, Айсулуу Тыныбекова, Жоламан Шаршенбеков, Акжол Махмудов, Үзүр Жузупбеков, Айпери Медет кызы, Мээрим Жуманазарова, Эрназар Акматалиев, Айаал Лазарев, жөө күлүктөр: Мария Коробицкая, Дарья Маслова жана Юлия Андреева, суучул Денис Петрашов ок атуу спорту боюнча Каныкей Кубанычбекова, оор атлетчи Бакдөөлөт Расулбеков, дзюдочу Владимир Золоев, фехтование боюнча Роман Петров алды. Ошондой эле Паралимпиададан алгачкы лицензияны ядро ыргытуу спортунун чебери Арстанбек Базаркулов багындырган. 

Парадная форма для мужской олимпийской сборной Кыргызстана
© Фото / пресс-служба НОК КР
Кыргызстандык спортчулардын параддык формасы

Олимпиадалык командага грек-рим күрөшүнүн чебери Атабек Азисбеков капитан болуп дайындалган.

904
Белгилер:
паспорт, олимпиада, спортчу, Атабек Азисбеков, Улукбек Марипов, Саламат Эргешов, туу
Тема:
2021-жылы Токиодо өтө турган Олимпиада оюндары (151)
Тема боюнча
Эдуард Кубатов Улуттук олимпиада комитетинин алтын орденин алды. Сүрөт
Кыргызстандын өспүрүм балбандары Венгриядагы дүйнө чемпионатына барат. Тизме
Венгриялык балбан Тамаш Лёринц

Акжол алтын үчүн ким менен күрөшөт? Венгриялык Тамаш Лёринцтин таржымалы

647
(жаңыланган 21:20 02.08.2021)
Кыргызстандык балбандын атаандашы дүйнө чемпионатын утуп, Олимпиаданын күмүш медалын тагынган. Дүйнөлүк рейтингде алдыңкы сапта турат.

БИШКЕК, 2-авг. — Sputnik. Грек-рим күрөшү боюнча 77 килограмм салмакта Олимпиадага катышып жаткан кыргызстандык балбан Акжол Махмудов финалда венгриялык Тамаш Лёринц менен кез келет.

Тамаш Лёринц 35 жашта. Бириккен күрөш дүйнөсү (United World Wrestling) уюмунун рейтингинде 77 килограмм салмак даражасында экинчи сапта турат.

Олимпиада оюндарынын байге ээси. 2012-жылы Лондондо өткөн Олимп оюндарында 66 килограмм салмакта финалга чыгып, күмүш медаль тагынган.

2019-жылы Казакстандын Нур-Султан шаарында өткөн дүйнө чемпионатын утуп Олимпиадага жолдомо алган. 2014, 2017 жана 2018-жылдары өткөн дүйнө чемпионаттарында байгелүү орундарга жетишкен. Төрт жолку Европа биринчилигинин жеңүүчүсү болуп саналат.

Лёринц жарым финалда ирандык, чейрек финалда япониялык, ал эми баштапкы этапта марокколук балбандарды уткан.

Акжол Махмудов 22 жашта, эл аралык класстагы спорт чебери. Азия чемпиону жана Азия оюндарынын күмүш медалынын ээси. Апрель айында Алматыда өткөн турнирде Токио Олимпиадасына жолдомо уткан.

Акжол Олимпиада-2020 мелдешинин финалына чейин Армения, Азербайжан жана Тунис өлкөлөрүнүн балбандарын жеңген.

Балбандар грек-рим күрөшү боюнча 77 килограмм салмакта Олимпиаданын алтын байгеси үчүн таймашат. Финалдык беттеш эртең, 3-августта, болот.

647
Белгилер:
Акжол Махмудов, таржымал, Олимпиада-2020
Тема:
2021-жылы Токиодо өтө турган Олимпиада оюндары (151)
Тема боюнча
Атаандашын ай-буйга келтирбей жыккан Акжол. Жарым финалдагы жүрөк толкуткан видео
Былтыр 14:0 менен жеңилген. Айсулуунун алгачкы каршылашынын таржымалы
Кыргызстандык грек-рим күрөшүнүн балбаны Акжол Махмудов жарым финалда армениялык Карапет Чалянды менен мелдеште

Таланттуу эмес, эмгекчилмин! 22 жаштагы Акжол Махмудов тууралуу 11 факт

268
(жаңыланган 19:48 02.08.2021)
Токио Олимпиадасында грек-рим күрөшү боюнча кыргызстандык балбан Акжол Махмудов финалга чыкты. 3-август күнү спортчу алтын медаль үчүн күрөшөт.

Акжолдун финалга өтүшүнө кыргызстандыктар маңдайы жарыла сүйүнүп, эмоциясын социалдык тармак аркылуу бөлүшүп бүтө албай жатат. Sputnik Кыргызстан агенттиги балбан тууралуу кызыктуу фактыларды топтоду.

22 жашта. Акжол Махмудов 1999-жылы 15-апрелде Ош облусунун Араван районунда туулган. Ал Кыргыз мамлекеттик юридикалык академиясынын адвокатура жана юстиция факультетин аяктаган.

Таянаар тоосу — үй-бүлөсү. Атасы Мухаммед (өз аты Махамаджан — ред.) беш баланы эрезеге жеткирген. Буга чейин атасы базарда соода-сатык менен алектенерин айтып берген. Акжолдун эки агасы, Бексултан менен Сыймык дагы грек-рим күрөшү менен машыгат. Бексултан аттуу агасы дүйнө чемпионатында коло медаль алган. Зульфия жана Бегимай аттуу карындаштары бар. Балбан апасы тууралуу кеп кылганды жактыра бербейт. Буга чейинки маегинде "апам кичүү карындашым төрөлгөндөн бери жок. Бул тууралуу кеп кылгым келбейт" деп айткан.

Бир нече жолу мектеп которгон. Үй-бүлөсү жашоо-шартка байланыштуу Ош менен Бишкектин ортосунда жүргөндүктөн беш ирет мектеп которгон. Балбан окуучу кезинде бейбаш болбогонун айтат. "Сабакты начар окусам да мугалимдердин айткандарын так аткарганга аракет кылчумун" деп эскергени бар.

Спортко атасынын аракети менен келген. Акжолдун спортко болгон жөндөмдүүлүгүн байкаган атасы аны 1-классында эле күрөшкө берген. Спортто машыктыруучулары көп. Алгач айылдаш агасы Айбектин, ал армияга кеткенде Акбаралы деген жигиттин, борборго келгенде Жеңиш Сатыбалдиевдин колунда тарбияланган. Ал ортодо шартка байланыштуу кайрадан Ошко келет. Кыргыз күрөшү боюнча залда устаты жок бир жылдай машыккан. 8-классты бүткөндө Шералы Сыдыков атындагы спорт мектебине өтүп, ошондон бери Мейрамбек Ахметовдун колунда тарбияланып келет. Акжолду бийиктикке жеткирип, спорттогу ашууларга жетелеген дал ушул — Ахметов.

Ийгилик артынан ийгилик. Балбандын тер агызган машыгуулары майнабын бербей койгон жок. Эң ириде ал кадеттер арасында эки жолку, жаштар арасында жана чоңдор арасында Азиянын чемпиону аталды. Кадеттер арасында дүйнө чемпиондугун жана жаштар арасында күмүш медалды багындырды. Грек-рим күрөшү боюнча Кыргызстандын бир нече жолку чемпиону, эл аралык мелдештердин жеңүүчүсү аталып, "Эл аралык класстагы спорт чебери" наамын алган.

Көтөрүп чапкан ыкмаларынын сыры. Балбан коомчулукка аз убакытта чоң ийгиликке жетишип, кармаш учурунда суктанткан ыкмаларды көрсөтүү менен таанылды десек болот. Айрымдар балбанды таланттуу деп эсептешет. Деген менен Акжол мындай пикирге кошулбайт. "Машыгууда эл бир ыкманы жасаса, мен ар кандай ыкмаларды ойлоп табам. Күтүлбөгөн чабуулдарды үйрөнүүгө басым жасайм. Маселен, көтөрүп чапкан ыкмаларга көнүш үчүн күнүнө 400-500 жолудан жасайм. Мен таланттуу эмес, эмгекчилмин" деп айтканы бар.

Акула каймана атын кантип алган? Махмудов мурда россиялык балбан Аслан Зубаировдун спорттогу жолуна абдан кызыкчу. Анын да каймана аты "Акула" эле. Акжол кумирин туурап интернет тармагына Акула деп каттала баштаган. Эми аны баары дал ушул каймана аты менен тааныйт. Балбан ар дайым кармаштарына акуланын сүрөтү бар спорттук кийимдерди кийип чыгат.

Эки батирди белекке алган. Махмудов 27-февралдан 4-мартка чейин Бишкекте өткөн Азия чемпионатында алтын медаль утуп алгандан кийин өзү-туулуп өскөн Ош облусундагы жердештери тарабынан Бишкектен эки бөлмөлүү, Оштон бир бөлмөлүү батир жана акчалай сыйлыктарга ээ болгон. Ошондой эле агалары ага автоунаа да белек кылышкан. Балбан буга чейин үй-бүлөсү менен батирди ижарага алып жашап келген.

Бутуна операция жасаткан. 2018-жылы балбан Германиядан тизесине операция жасаткан. Бутун ал футбол ойноп жатып кокустатып алган. 11 айлык тыныгуудан кийин спортко кайрадан кайтып, турнирлерге катыша баштаган.

Бильярдчы балбан. Спортулардын да хоббиси болот. Бири ырдаганды, экинчиси бийлегенди жактырат. Акжол дээрлик чыгармачылыкка жок. Бирок бильярдды катырат. Жумасына үч жолудан бильярд клубуна барганды адатка айланткан. Ошондой эле тенниске да кызыгарын айткан.

Бирде жигит төө минет... Токиодогу Олимпиадада финалга чыккандан кийин социалдык тармакта Акжол Махмудовдун алгачкы видеосу пайда болгон. 

Анда спортчу: "Кыргыз элим, ушул жеңишим сиздерге арналат. Бирде жигит төө минет, бирде жигит жөө жүрөт. Төө мингенде жигитти, тегерете эл жүрөт. Жөө жүргөндө жигитти, жөн жүрбөйт го мобу деп, жөөлөп түртүп эл күлөт. Өз максатында жетпей утулуп калган жигиттерди сындабагыла. Бул – спорт", – деди.

268
Белгилер:
Акжол Махмудов, спорт, Олимпиада-2020, балбан, факты
Тема боюнча
Токиодо шоу уюштурууда! Бириккен күрөш дүйнөсү Акжолду алкады. Видео, сүрөт
Баары алдыда! 22 жаштагы Айпери Медет кызы коло медалын ала албай калды

Аябай бактылуу болуп турам! Акаевдин сурактан чыккандан кийинки маеги видеодо

0
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

0
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!