https://sputnik.kg/20210713/olimpiada-forma-bashka-olkonun-sportchulary-1053208269.html

Кошуна өлкөлөр олимпиадачыларына кандай форма тигип берди. Сүрөттөр

Кошуна өлкөлөр олимпиадачыларына кандай форма тигип берди. Сүрөттөр

Sputnik Кыргызстан

Көпчүлүк өлкөлөр спортчуларынын кийимин желегине түспөлдөштүрүп тиктирген. Салтанаттуу жүрүштө кийген параддык формасын да спорттук стилге ыктап даярдаган... 13.07.2021, Sputnik Кыргызстан

2021-07-13T18:55+0600

2021-07-13T18:55+0600

2021-12-14T14:27+0600

жаңылыктар

коом

дүйнөдө

азия

россия

спорт

олимпиада

форма

кийим

спортчу

https://sputnik.kg/img/07e5/07/0d/1053207969_0:395:1905:1473_1920x0_80_0_0_5fc0ae65797841267fac077c1af616f8.jpg

Кыргызстандык спортчулардын Олимпиадага кийип бара турчу параддык кийими талкуу жаратты. Социалдык тармактын колдонуучулары ал 2016-жылкы формадан айырмаланбай калганын белгилеп "спортук иш-чарага кайра-кайра эле чапан кийип бара береби" деп сындап жатышат. Аны менен катар эркектердин кийимине сакура гүлүнүн чапталышы нааразычылык жаратууда. Ошондой эле Кыргызстандын желеги түшүрүлбөй калганы да талкууга себепчи болду.Мындан улам Sputnik Кыргызстан кошуна жана жакынкы мамлекеттердин спортчулары Токио Олимпиадасында кандай форма кийип чыгарын көрсөтүүнү чечти. Эскерте кетсек, улуттук команданын азырынча параддык кийими гана тартууланды.КыргызстанУлуттук олимпиада комитетинин билдиришинче, форма кыргыз улуттук жана япониялык элементтер менен айкалыштырылып жасалган. Башына ак калпак кийишет. Бир спортчуга даярдалган кийимдин наркы 95 миң сом болду. Аны "Дилбар" мода үйү тиккен, алар буга чейинки эки Олимпиадага барган спортчулардын расмий формасын тигип бергени айтылат.КазакстанОлимпиада кийимдердин дизайнын, материалын жана элементтерин спортчулар өздөрү тандап, натыйжада 35 спортчудан турган комиссия чечим кабыл алган. Расмий формасын казакстандык дизайнерлер, спорттук кийимдерин испаниялык Joma компаниясы даярдаган. Анда көк, көгүлтүр жана ак түскө басым жасалган. Ал спорттук-кэжуал стилинде тигилип, бардык шартта кийүүгө ыңгайлуу жана бырышпай турганы белгиленет. Спорттук да, параддык да кийиминде желектин сүрөтү камтылган.ӨзбекстанКоңшу өлкөдө формалардын дизайнын иштеп чыгуу конкурсуна 100 адам катышып, анын ичинен мыктысын тандап алышкан. Салтанаттуу жүрүшкө эркектер костюм шым, кыз-келиндер костюм, юбка кийип чыгат. Ошондой эле Өзбекстандын баалуу маданий мурастарын символдоштурган элементтер бар. Спорттук да, параддык да кийимине желектин сүрөтү түшүрүлгөн.ТажикстанТажикстандын олимпиадалык делегациясынын формаларынын комплектине сыйлоо аземине кийүүчү, спорттук футболка, баш кийим, бут кийим, саат, рюкзак жана башкалар камтылган. Спорттук кийимдер улуттук мотивде жасалгаланып, Тажикстандын желегинин түсү колдонулган. Форманын дизайнын компетенттүү дизайнерлер, окумуштуулар жана чет өлкөлүк адистер эки жылда иштеп чыкканы белгиленет.РоссияСпорттук кийимдери Россия желегинин түсүнөн алып тигилген. Бирок өлкөнүн аты жазылып, анын жанына сөзсүз түрдө нейтралдуу өлкө катары барганын көрсөткөн логотип коюлушу керек деген талап коюлган. Себеби Россиянын желегин көтөрүп чыгууга тыюу салынган.Беларусь2020-жылдын башында Улуттук олимпиада комитети бир катар спортчуларды чакырып, сунушталган кийимдердин үлгүсүнө баа берүүнү өтүнгөн. Беларусь буга чейин формаларды чет өлкөдөн тиктирчү, быйыл алгачкы ирет ата мекендик дизайнерлерге тапшырган. Мында ачык жашыл жана кара көк түскө басым жасалган. Формасында Беларустун жаратылышы — талаа, дарыя, токойлор чагылдырылган. Муну иштеп чыгууга эки жылдык убакыт талап кылынганы айтылды.МолдоваЭкипировкалары күнүмдүк, спорттук мелдешке кийүүчү жана параддык болуп үчкө бөлүнөт. Күнүмдүк кийимдеринин асты кара, үстү ак түстө, улуттук элементтер камтылып тигилген. Расмий формасы классикалык кара костюм, ийинине Молдованын желеги коюлган. Ал эми спорттук формасынын шымы кара, үстүңкү бөлүгү көгүлтүр түстө.ГрузияПараддык кийимди грузиялык дизайнер тиккен, ал эми спорттук формаларды япониялык компанияга буюртма беришкен. Форма Грузиянын желегине түспөлдөштүрүлүп, ак жана кызыл түс колдонулган. Ага Олимпиаданын логотиби, грузиндердин улуттук символдору чапталган. Ошондой эле спортчулар байыркы кабалахи баш кийимин кийип чыгары айтылат.УкраинаУкраиналык спортчуларды PEAK деп аталган чет элдик компания кийиндирген. Заманга бап келген формаларды иштеп чыгып жатканда спортчулардын өздөрүн катыштырып жана Улуттук олимпиада комитетинин атлеттер комиссиясын кошо чакырышкан. "Олимпиадага барчулардын кийими азыркы дизайнердик модага дал келет. Токионун климаты эске алынып жеңил, жука кездемеден тигилген. Коллекцияга колдонулган түстөр улуттук сары-жашыл өңгө ылайык келип, жарашып турат. Бул үмүт жана ишенимди билдирет", — деп айтылган Украинанын Улуттук олимпиада комитетинин сайтында.

2021

Жаңылыктар

kg_KG

жаңылыктар, коом, дүйнөдө, азия, россия, спорт, олимпиада, форма, кийим, спортчу, сын, өлкө, 2021-жылы токиодо өтө турган олимпиада оюндары