Япониялык теннисчи Наоми Осака. Архив

Forbes Токио Олимпиадасына катышкан акчалуу спортчуларды атады. Тизме

136
Тизмедеги көп киреше тапкан спортчулардын бешөө АКШлык баскетболчулар болду. Арасында теннисчилер жана гольф чеберлери да бар.

БИШКЕК, 20-июл. — Sputnik. Forbes журналы Токио Олимпиадасына катышкан спортчулардын эң көп айлык алгандарынын тизмесин түздү. Бул тууралуу Р-Спорт жазды.

Анда Улуттук баскетбол лигасындагы (NBA) "Бруклин Нетс" клубунун жана АКШ курама командасынын чабуулчусу Кевин Дюрэнт көч баштап, биринчи орунга чыкты. Эки жолку Олимпиада чемпиону, демөөрчүлүк келишимдерин кошкондо өткөн 12 айда 75 миллион доллар тапкан.

Япониялык теннисчи Наоми Осака 60 миллион доллар кирешеси менен экинчи сапка жайгашты. Ал эми өткөн жылы 40,5 миллион доллар тапкан АКШлык дагы бир баскетболчу Дэмиан Лиллард алдыңкы үчтүктү толуктады.

Рейтингде андан ары:

4. Новак Жокович (теннис, Сербия) – 34,5 миллион доллар;

5. Рори Макилрой (гольф, Түндүк Ирландия) – 32 миллион;

6. Девин Букер (баскетбол, АКШ) – 30,5 миллион;

7. Кэй Нисикори (теннис, Япония) – 30,7 миллион;

8. Крис Миддлтон (баскетбол, АКШ) – 27 миллион;

9. Жру Холидей (баскетбол, АКШ) – 23 миллион доллар.

Токиодогу Олимп оюндары 23-июлда башталып 8-августта жыйынтыкталат.

136
Белгилер:
рейтинг, Forbes, киреше, спортчу, олимпиада, Токио
Тема:
2021-жылы Токиодо өтө турган Олимпиада оюндары (107)
Тема боюнча
ММА тарыхындагы эң бай спортчулардын рейтинги жарыяланды
Олимпиада: спортчу төшөк мамилесине жол бербейт делген керебетти сынап көрдү
Кыргызстандын атынан алгачкылардан болуп мылтык менен ок атуу мелдешине катышкан Каныкей Кубанычбекова

Жыйынтык көрсөтө албай калдым. Каныкей Кубанычбекованын Токиодон кайрылуусу. Видео

99
(жаңыланган 20:30 24.07.2021)
Кубанычбекова 10 метр аралыктан пневматикалык мылтык менен ок атуу боюнча жарышка чыгып, финалдык этапка өтпөй калды.

БИШКЕК, 24-июл. — Sputnik. Олимпиада-2020 оюндарында Кыргызстандын атынан алгачкылардан болуп мылтык менен ок атуу мелдешине катышкан Каныкей Кубанычбекова Токиодон мекендештерине кайрылды. Спортчу кыздын кайрылуусун Жаштар иши, дене тарбия жана спорт агенттиги Instagram баракчасына чыгарды. 

Посмотреть эту публикацию в Instagram

Публикация от sport.gov.kg (@sport.gov.kg)

Өз сөзүндө бул кадам Олимп оюндары кийинки ийгиликтерине жол ачат деген ишенимин билдирди.

"Бүгүн алгачкы ирет Олимпиадалык мелдешке катыштым. Жакшы деңгээлде өттү. Мен тилекке каршы, буга чейин көрсөтүп келген жогорку жыйынтыгымды Олимпиада мелдешинде кайталай албай калдым. Ири жетишкендиктерди камсыздоого даярданган болчумун, эмнегедир жыйынтык көрсөтө албадым. Алгачкы Олимпиадамдан чоң тажрыйба алдым. Мен үчүн алдыдагы мелдештерге жаңы мотивация болду", — деген ал.

Мерген кыз ошондой эле Кыргызстандын элине кайрылып, ар тараптуу колдоолорду сезип турганын айтып, ыраазычылык билдириди.

Кубанычбекова 10 метр аралыктан пневматикалык мылтык менен ок атуу боюнча жарышка чыгып, финалдык этапка өтпөй калган.

99
Белгилер:
олимпиада, Токио, ок атуу, Каныкей Кубанычбекова
Тема боюнча
Кыргызстандык суучул Петрашов Олимпиадада 27-орунду ээледи
Кыргызстандык суучул Денис Петрашов. Архивдик сүрөт

Кыргызстандык суучул Петрашов Олимпиадада 27-орунду ээледи

65
(жаңыланган 19:24 24.07.2021)
Кыргызстандык атлет үчүн Олимпиада мелдеши аяктаган жок. 27-июлда ал брасс ыкмасында 200 метр аралыкка сүзүүдө жарышка чыгат.

БИШКЕК, 24-июл. — Sputnik. Кыргызстандык суучул Денис Петрашов Токиодогу Олимпиада-2020 оюндарында 100 метрлик аралыкка брасс ыкмасында сүзүү жарышында жеке рекордун жаңыртты. Бирок бул ага мелдештин жарым финалына чыгуусуна жардам бере алган жок.

Спорттун бул түрүнөн бүгүн жалпысынан 49 суучул ат салышкан. Петрашов төртүнчү жарышта таймашка түшүп, 100 метрге брасс ыкмасында 1 мүнөт 0,23 секундада келди.

Бул көрсөткүч менен кыргызстандык спортчу 27 орунду ээледи. Кыргызстандык атлет үчүн Олимпиада мелдеши аяктаган жок. 27-июлда ал брасс ыкмасында 200 метр аралыкка сүзүүдө жарышка чыгат. 

65
Белгилер:
Олимпиадалык оюндар, Токио, суучул, Денис Петрашов
Тема боюнча
Токио: биринчи медалдар ойнотулду. Кыргызстандык Кубанычбекова орунга илинген жок
Президент Садыр Жапаров менен УКМКнын жетекчиси Камчыбек Ташиев. Архивдик сүрөт

Жапаров менен Ташиевдин жаратылыштагы сүрөтү: бири сүйлөп, экинчиси берилип угуп...

0
(жаңыланган 21:20 24.07.2021)
Эки саясатчынын достук мамилеси жөнүндө коомчулукта айтылып, бул туурасында алар өздөрү да бекемдеп келет.

БИШКЕК, 24-июл. — Sputnik. Интернет айдыңында президент Садыр Жапаров менен УКМКнын жетекчиси Камчыбек Ташиевдин жаратылыш койнунда отуруп, бири кеп салып, экинчиси өтө көңүл коюп угуп жаткан сүрөт тарады.

Аны президенттин коомдук башталыштагы жардамчысы Адинай Марипова өзүнүн Facebook тармагындагы баракчасына койду. 

Эки саясатчынын достук мамилеси жөнүндө коомчулукта айтылып, бул туурасында алар өздөрү да бекемдеп келет. Жапаровдун айтымында, алар 15 жыл мурда таанышып, бирге иштешкен. Жогорку Кеңештин эки жолку чакырылышына депутат болушкан.

Кумтөр маселеси боюнча митингди чогуу уюштурушкан, андан соң бийликти күч менен басып алуу аракети боюнча ишке шектелишкен. Жапаровго бийликтин жогорку тепкичине чыгууга Ташиев көмөктөшкөнү эч кимге жашыруун эмес. Саясатчы Өмүрбек Текебаевдин аны "дос-секретарь" деп атаганы бар. Эске салсак, мурда өлкөдө идеологияга жооп берчү – мамлекеттик катчы (госсекретарь) кызматы болгон. Ташиев Жапаров абактан чыгарылган күндөн тарта жанында коштоп жүргөндүктөн, ЖК төрагасы Текебаев ага ушундай ылакап ысым ыйгарган.

0
Белгилер:
Камчыбек Ташиев, Садыр Жапаров, Кыргызстан
Тема боюнча
Жапаров Мирзиёевди туулган күнү менен куттуктап, Кыргызстанга чакырды