Япониянын Токио шаарында боло турчу Олимпиада оюндарына Кыргызстандан алгачкы үч спортчу машыктыруучусу менен учуп кетти

Токиого Кыргызстандан алгачкы үч спортчу учуп кетти. Сүрөт

167
(жаңыланган 15:07 20.07.2021)
Олимпиада оюндары үч күндөн кийин старт алат. Жадыбал боюнча мелдеши эрте башталчулар Токиого учуп барып жайгашууда.

БИШКЕК, 20-июл. — Sputnik. Япониянын Токио шаарында боло турчу Олимпиада оюндарына Кыргызстандан алгачкы үч спортчу машыктыруучусу менен учуп кетти. Бул тууралуу Жаштар иши, дене тарбия жана спорт агенттиги кабарлады.

Курама командадан биринчилерден болуп фехтование боюнча Роман Петров, ок атуу боюнча Каныкей Кубанычбекова жана суучул Денис Петрашов машыктыруучулары менен жөнөп кеткен. 

Первыми из сборной Кыргызстана улетели член сборной команды по фехтованию Роман Петров, и по пулевой стрельбе Каныкей Кубанычбекова и их тренера Александр Черных, Виктор Суровцев.
© пресс-служба ГАМФКиС
Япониянын Токио шаарында боло турчу Олимпиада оюндарына Кыргызстандан алгачкы үч спортчу машыктыруучусу менен учуп кетти

Петрашов Түркияда машыгып жаткандыктан Токиого ошол жерден учуп барган. Жадыбал боюнча бул спортчулардын мелдеши эрте башталат.

Эске салсак, жайкы Олимпиаданын старт аларына үч гана күн калды. 23-июлда башталып, 8-августта жыйынтыкталат. Кыргызстандык спортчулар 16 жолдомо алган.

167
Белгилер:
Кыргызстан, Токио, олимпиада, Денис Петрашов, спорт
Тема:
2021-жылы Токиодо өтө турган Олимпиада оюндары (202)
Тема боюнча
Олимпиада: кыргыз балбандарынан биринчи болуп Жоламан күрөшөт
Forbes Токио Олимпиадасына катышкан акчалуу спортчуларды атады. Тизме

Устат Изабеков Токиодо намыска жараган кыздарын канатына калкалап... Фотофакт

18
(жаңыланган 19:17 05.08.2021)
XXXII жайкы Олимпиададан күмүш медаль уткан Айсулуу Тыныбекова мелдештен кийин Токио шаарында түшкөн сүрөтүн Facebook баракчасына чыгарды.
XXXII жайкы Олимпиададан күмүш медаль уткан Айсулуу Тыныбекова, коло медаль алган Мээрим Жуманазарова жана алардын машыктыруучсу Нурбек Изабеков
© Фото / Нурпери Садырбекова

Анын ичинен коло медаль алган Мээрим Жуманазарова жана машыктыруучу Нурбек Изабеков үчөөнүн сүрөтү көпчүлүктү суктандырууда. Жаңы тарыхты жазган балбандар устатын ортого алып, ал эми Изабеков кыздарын канатына калкалап түшкөн.

Тыныбекова кечээ Токио Олимпиадасында кыз-келиндер күрөшү боюнча финалдык беттеште бир упайлык айырма менен жеңилип экинчи орунду ээлеген. Ал эми Жуманазарова Кыргызстандын куржунун коло медаль менен толтурду. Муну менен алар эгемен тарыхта кыз-келиндер арасында Олимпиададан медаль алган алгачкы спортчу болуп калышты.

Токио шаарындагы XXXII жайкы Олимпиада 23-июлда башталган. Олимп оюндары 8-августта аяктайт.

18
Белгилер:
Айсулуу Тыныбекова, Нурбек Изабеков, Мээрим Жуманазарова
Тема:
2021-жылы Токиодо өтө турган Олимпиада оюндары (202)
Тема боюнча
Олимпиада: эркин күрөш балбаны Эрназар Акматалиев индиялык спортчу менен кармашат
Олимпиада: Кыргызстан медаль боюнча Борбор Азияда алдыңкы сапка чыкты
Айаал Лазарев Олимпиаданын коло байгеси үчүн таймашат
Кыргызстандык балбан кыздар Олимпиададан эки медаль менен кайтты. Сүрөт
Спортчу Айсулуу Тыныбекова

Кыргызстандык балбан кыздар Олимпиададан эки медаль менен кайтты. Сүрөт

79
(жаңыланган 18:33 05.08.2021)
Тыныбекова кыргызстандыктарга ыраазычылыгын билдирип, машыктыруучулары жана спортчу кыздар менен Токиодо түшкөн сүрөттөрүн жарыялаган.

БИШКЕК, 5-авг. — Sputnik. Күрөш боюнча Кыргызстандын кыз-келиндер курама командасынын Олимпиада-2020 мелдешиндеги сапары карыды. Бул тууралуу спортчу Айсулуу Тыныбекова Facebook баракчасы аркылуу билдирди.

"Күрөш боюнча Кыргызстандын кыз-келиндер курама командасынын Олимпиада оюндарындагы мелдештери аягына чыкты. Бардыгыңыздарга колдооңуздар жана сүйүүңүздөр үчүн ыраазычылык билдиребиз", — деп жазган спортчу.

Кыргызстандык балбан машыктыруучулары жана спортчу кыздар менен Токиодо түшкөн сүрөттөрүн да жарыялаган.

Эске салсак, Олимпиада оюндарында грек-рим күрөшүнүн балбаны Акжол Махмудов менен балбан кыз Айсулуу Тыныбекова күмүш медаль тагынса, Мээрим Жуманазарова коло байге жеңген.

79
Белгилер:
Айсулуу Тыныбекова, күрөш, балбан, олимпиада, сүрөт
Тема:
2021-жылы Токиодо өтө турган Олимпиада оюндары (202)
Тема боюнча
Олимпиададан утмайын турмушка чыкпайм деген. Айсулуу тууралуу 10 факт
Кылкылдап, аянтка батпай. Айсулуунун мелдешин көрүүгө чогулган элдин сүрөтү
Саясатчы Равшан Жээнбеков. Архив

Равшан Жээнбековду үй камагынан Бишкектеги тергөө абагына киргизишти. Себеби

0
Жээнбеков былтыркы жылдын октябрь айынан бери үй камагында отурган. Ал эми буга чейин Кой-Таш окуясы боюнча фигурант болгондуктан бир жылга чукул абакта калтырылган.

БИШКЕК, 5-авг. — Sputnik. Саясатчы Равшан Жээнбеков Бишкектеги №1 тергөө абагына киргизилди. Бул туурасында Биринчи май райондук сотунан кабарлашты.

Эми ал 5-октябрга чейин аталган жайда кармалат.

"Айыптоочу тарап ал үй камагынын тартибин бузду деп кине такты. Бирок ал саат 22:00дөн кийин эшикке чыкса да тартип коргоо органдарынан жашырынбай жана сотторго басым кылган эмес. Эреже сакталган", — деди жактоочу.

Жээнбеков анын баш коргоо чарасы өзгөртүлөрүн кечээ социалдык тармактагы баракчасына жазып, абакта чач тарач жок болгондуктан, чачын тегиздетип алып барарын айткан.

Саясатчы соттун жогорудагы чечиминен кийин журналисттерге саясий куугунтуктоого кабылганын билдирген.

Белгилей кетсек, Жээнбеков 2019-жылы декабрда кармалып, Кылмыш-жаза кодексинин 244 ("Барымтага алуу") жана 264-беренелери ("Массалык башаламандык уюштуруу") боюнча айып тагылган. Сот иштери уланып, 2020-жылы октябрда үй камагына чыгарылган.

0
Белгилер:
Равшан Жээнбеков, тергөө абагы, сот, үй камагы
Тема боюнча
УКМК "Кыргыз көмүр" ишканасынын директорун кармады
Экс-депутат Узакбаев Кумтөр иши боюнча күнөөлүү деп табылды. Камакта калабы?