Ок атуу боюнча чебери Каныкей Кубанычбекова. Архив

Олимпиаданын ачылышында Кыргызстандын туусун Кубанычбекова көтөрүп өтмөй болду

372
(жаңыланган 18:39 21.07.2021)
Спорт агенттигинин билдиришинче, чечим атлеттер Токиого ар кандай убакытта учуп жаткандыктан кабыл алынды. Тууну көтөрчү Атабек Азисбеков башкалардан кечирээк барат.

БИШКЕК, 21-июл. — Sputnik. Токио Олимпиадасынын ачылыш салтанатында өлкөнүн туусун курама команданын капитаны Атабек Азисбеков эмес, ок атуу боюнча чебер Каныкей Кубанычбекова көтөрүп өтөт. Бул тууралуу маалыматты Жаштар иши, дене тарбия жана спорт агенттиги билдирди.

Буга чейин парадда тууну Кыргызстандан Олимпиадага алгачкы жолу лицензия алган спортчу, грек-рим күрөшүнүн балбаны Атабек Азисбеков көтөрүп өтө турганы маалым болгон.

"Атлеттер Токиодогу оюнга ар кайсы убакта учуп жатышат. Биринчи үч спортчу — фехтование боюнча Роман Петров, ок атуу боюнча Каныкей Кубанычбекова жана суучул Денис Петрашов барган. Ошондуктан тууну Каныкей Кубанычбекова алып чыкмай болду", — деп билдирди агенттик.

Эске салсак, жайкы Олимпиада оюндары 23-июлда башталып, 8-августта жыйынтыкталат. Кыргызстандык спортчулар 16 жолдомо алган.

372
Белгилер:
спорт, Каныкей Кубанычбекова, олимпиада, Токио, Кыргызстан
Тема:
2021-жылы Токиодо өтө турган Олимпиада оюндары (107)
Тема боюнча
Токио-2020 Олимпиадасы софтбол мелдеши менен башталды
Олимпиаданы COVID-19дан улам токтотушабы? Уюштуруучулардын жообу

Күрмөсүн куюнга чечтирип жиберген футболчу. Боливияда тартылган видео

5
Боливияда футболдук беттеш башталар алдында күтүүсүздөн оюн талаасынын чаңын сапырган куюн башталып, оюнчулардын биринин күрмөсүн чечип кеткен.

Окуянын видеосун The Guardian өзүнүн YouTube-каналына жарыялады.

Окуя Ахокалла шаарында өтүп жаткан футболдук оюн учурунда болгон.

Кадрдан көрүнүп тургандай, командалар беттеш алдындагы саламдашуу маалында куюн күтүүсүздөн келген. Оюнчулар туш-тарапка качкан. Ага карабастан шамал спортчулардын биринин күрмөсүн жулуп кеткен.

Окуядан улам беттеш бир аз убакытка үзгүлтүккө учураган.

5
Белгилер:
видео, куюн, беттешүү, футбол, Боливия
Тема боюнча
Кинодогудай кооптуу! Стамбулдагы адам өмүрүн алган куюндун видеосу
Асманга кеткен жол сымал. Кытайдагы таңгалдырган куюндун видеосу
Машыктыруучусу Валерий Карпин. Архивдик сүрөт

Валерий Карпин Россиянын футбол курама командасына машыктыруучу болду

102
Карпин москвалык "Спартак", испаниялык "Мальорка" жана Армавирдин "Торпедосун" таптаган. Учурда "Ростовду" машыктырып жүргөн.

БИШКЕК, 24-июл. — Sputnik. Валерий Карпин Россиянын футбол боюнча курмама командасынын машыктыруучусу болуп дайындалды. Бул туурасында россиялык футболдук клубдун сайтында маалымдалды.

Бул учурда Карпин "Ростов" командасын машыктырып келет. Устаттык боюнча келишим 2021-жылдын 31-декабрына чейин түзүлгөн. Жакынкы күндөн тарта 52 жаштагы машыктыруучу курама команда менен аталган клубдагы ишин эриш-аркак алып бармакчы.

"Ростов" 2017-жылдан бери Карпиндин колунда. Ал москвалык "Спартак", испаниялык "Мальорка" жана Армавирдин "Торпедосун" таптаган.

"Курама командага чакыруу спортчу сыяктуу эле машыктыруучу үчүн чоң сыймык жана анын ишине берилген жогорку баа. Албетте, бул мен үчүн устаттык карьерамда өтө кызыктуу жана жоопкерчиликтүү этап. Азыр команда менен биргеликте Катарда 1922-жылы боло турган дүйнө чемпионатына спортчуларды тандоо милдети турат. Аны ийгиликтүү чечүү үчүн болгон күчүбүздү жумшайбыз", — деген Карпин.

Карпин — постсоветтик мезгилден кийин Россиянын футбол боюнча курама командасынын биринчи голун киргизген оюнчу. Улуттук команданын тарыхындагы мыкты футболчулардын бири.

Карпинге чейин Россиянын футбол боюнча курама командасын Станислав Черчесов машыктырган. Алгач, команда Россияда өткөн 2018-жылдагы дүйнө чемпионатында чейрек финалга чейин жеткен. Бул курама команданын мундиалдардагы оюндарынын мыкты көрсөткүчү болгон. Ал эми жакында эле аяктаган Евро-2020да Черчесовдун тарбиялануучулары ийгилик жарата алган эмес.

102
Белгилер:
футбол, машыктыруучу, Станислав Черчесов, курама команда, Россия
Тема боюнча
Казакстандык футболчу кыз "чаян сокку" ыкмасында өзгөчө гол киргизди. Видео
Жаналиев: 100 футболчунун портрети стринг-арт стилинде тартылат