Кыргызстандын бокс боюнча курама командасы. Архивдик сүрөт

Кыргызстанда кесипкөй бокс боюнча федерация түзүлдү

68
(жаңыланган 18:33 22.07.2021)
Казакстан, Өзбекстан, Россия, Украина, Азербайжан, Корея, Япония жана башка өлкөлөр жаңы ачылган уюм менен кызматташууга даяр экенин билдиришкен.

БИШКЕК, 22-июл. — Sputnik. Бишкекте Кыргызстандагы Кесипкөй бокс федерациясы ачылды. Бул тууралуу уюмдун маалымат кызматы кабарлады.

Аны профессионалдык бокс боюнча дүйнөнүн жети жолку чемпиону Орзубек Назаров, Кыргыз ССРинин эмгек сиңирген машыктыруучусу Клим Те жана коомдук ишмер Эркин Асрандиев биргеликте демилгелешкен.

Федерациянын максаты республикада профессионалдык боксту өнүктүрүү, аны эл аралык деңгээлге чыгаруу, кыргызстандык спортчулардын укуктарын жана кызыкчылыктарын коргоо болуп саналат.

"Биздин өлкө советтик мезгилден бери эле мыкты бокс мектеби менен даңкталып келген. Азыркы күндө да чет өлкөлүк мушкерлерге татыктуу атаандаша ала турган таланттуу балдар көп. Аларга уюштуруучулук, укуктук, финансылык жана материалдык колдоо керек. Мамлекеттин мүмкүнчүлүктөрү азырынча чектелүү. Ошондуктан шыктуу балдар профессионалдык карьера жасап, өз таланттары жана маңдай-тери менен каражат табышы мүмкүн", — деди Назаров.

Клим Те болсо ата мекендик спортчулардын кыйынчылыктарын белгиледи.

"Биздин айрым мушкерлер чет өлкөлөрдүн атынан чыгып жатышат, көбүнчө алардын кызыкчылыктары корголбойт, ден соолугун караган нормалар жок. Биздин федерация боксчуларга укуктук жана консультациялык колдоо көрсөтүү, алардын кызыкчылыктарын коргоо, Кыргызстанда кесипкөй боксту уюшкандыкта, системалуу түрдө түзүү үчүн ачылды. Мында бокстун WBA, WBC, WBO, IBF эл аралык ассоциациялары менен байланыш түзүүгө жана спортчуларыбызга көбүрөөк мүмкүнчүлүктөрдү ачууга шарттар түзүлөт", — деген ал.

Өз кезегинде Асрандиев уюштуруучулар эмгекчил жана таланттуу спортчулар машыгып, жогорку деңгээлге чыгышына кызыкдар экенин белгиледи. Жаңы ачылган уюм менен Казакстан, Өзбекстан, Россия, Украина, Азербайжан, Корея, Япония жана башка өлкөлөр кызматташууга даяр экенин билдиришкен.

68
Белгилер:
Орзубек Назаров, ачылыш, федерация, бокс, Кыргызстан
Тема боюнча
Бокс: Мукаш Ырсалиев Олимпиадага жолдомо берчү Европа мелдешин тейлейт
Токио Олимпиадасы: дзюдочу Золоев россиялык балбан менен таймашат
Мушкерлер мелдеш учурунда. Архив

Кыргызстандык эки балбан кадеттер арасында дүйнө чемпиону болушту 

245
(жаңыланган 00:14 26.07.2021)
Будапештте өткөн дүйнө чемпионатында алтын алган спортчулардан сырткары дагы бир балбан коло медалга татыды. 

БИШКЕК, 26-июл. — Sputnik. Кыргызстандык спортчулар Раззак Бейшекеев менен Нуристан Сүйөркулов грек-рим күрөшү боюнча кадеттер арасындагы дүйнө чемпионатынын жеңүүчүлөрү болушту. Бул тууралуу Күрөш боюнча дүйнө бирикмесинин расмий сайтына жарыяланды. 

Күрөш боюнча дүйнө биринчилиги Будапештте өтүп жатат (Венгрия). 

Сүйөркулов 51 килограмм салмак категориясында алтын алды. Ал Венгриянын, Россиянын жана Грузиянын балбандарын жеңип финалга чыккан. Ал эми чечүүчү беттеште украиналык Юрий Товтту 3:1 эсеби менен утту. 

Раззак Бейшекеев болсо 60 килограмм салмак категориясы боюнча алтын медаль тагынды. Ал финалга чыгыш үчүн Казакстандын, Германиянын жана Индиянын балбандарын жеңди. Ал эми алтын үчүн ирандык атлет менен кармашып, 4:1 эсеби менен утуп алды. 

Нурболот Бердикулов 45 килограммга чейинки балбандар арасында коло медалга татыды.

245
Белгилер:
күрөш, балбан, спорт, Кыргызстан
Тема боюнча
Олимпиада: кыргызстандык Петров фехтованиеде экинчи турда утулуп калды. Видео  

Лас-Вегаста өткөн UFC турниринин эң кызыктуу учурлары. Видео

365
Кечээ Лас-Вегаста UFC on ESPN 27 шоусу өтүп, негизги беттешке уюмдун жеңил салмактагы мурдагы чемпиону Ти Жей Диллашоу менен Кори Сэндхаген чыкты.

UFC уюму YouTube каналына аталган турнирдин кызыктуу учурларын жарыялады. 

Диллашоу менен Сэндхагендин кармашы беш раундга созулуп, натыйжада экс-чемпион калыстардын чечими менен жеңүүчү деп табылды. 

Андан башка маанилүү беттеште Раулиан Паива Кайлер Филлипсти утуп алды. Ал эми Даррен Элкинс Даррик Миннерди экинчи раундда техникалык нокаут менен жеңди.  

Кыз-келиндер арасындагы беттеште Мэйси Барбер Миранда Мэверикти калыстардын чечими менен утту.

365
Белгилер:
Лас-Вегас, видео, жеңүүчү, раунд, беттешүү, мушкер, UFC
Тема боюнча
ММА: Ысык-Көлдө 1000ге чукул мушкер катышкан дүйнө чемпионаты өтөт
Ысык-Көлдүн жээгинде пенчак-силат боюнча эл аралык мелдеш өттү. Сүрөттөр
Кыргыз мушкери муштум менен урушкан Hardcore FC мелдешинде чейрек финалга чыкты
Архивное фото водителя, который держит бутылку водки в руках

Ичип алып рулга отургандар көбөйдү. Чүйдөгү рейддин көңүл чөгөргөн жыйынтыгы

0
Акыркы убакта Чүй жана Ысык-Көл облустарында адам өмүрүн алган ири жол кырсыктары катталды. Президент рейддик чараларды күчөтүүнү тапшырса, ИИМ башчысы кызматкерлер үч смен менен иштерин айткан.

БИШКЕК, 26-июл. — Sputnik. Чүй облусунда узаган жумада ичип алган айдоочулар андан мурдагы аптага караганда көп аныкталды. Бул тууралуу облустук ЖКККБ билдирди.

Эске сала кетсек, акыркы убакта Чүй жана Ысык-Көл облустарында адам өмүрүн алган ири жол кырсыктар  катталган. Президент Садыр Жапаров жума күнү, 23-июлда, ИИМге мас айдоочуларды аныктоо боюнча рейддик чараларды күчөтүүнү тапшырган. Ошол эле күнү Ички иштер министри Улан Ниязбеков берди Жол кыймылы коопсуздугун камсыздоо башкы башкармалыгынын кызматкерлери үч смен менен иштөөсүн тапшырган.

Редакция узаган жума жана андан мурдагы аптадагы маалыматтарды салыштырып, мыйзам бузуунун эки түрү көбөйгөнүн аныктады. Кеп бир гана Чүй облусу тууралуу сөз болуп жатат.

Мыйзам бузуулардын жалпы саны — 2 258 (эки жума мурда — 1 733), анын ичинен:

  • 32 айдоочу мас болуп рулга отурган (андан мурдагы жумада — 23);
  • 814 айдоочу ылдамдыкты ашыра айдаган (андан мурдагы аптада — 793).
0
Белгилер:
мас, айдоочу, рейд, жол кырсык, ЖКККББ, Чүй облусу