Оор атлетчи Бекдөөлөт Расулбеков

Бекдөөлөт Расулбеков Олимпиадада 6-орунду ээледи. Видео

1744
(жаңыланган 20:05 31.07.2021)
Кыргызстандык спортчу түртүп көтөрүүдө 200, андан соң 208 килограммды көтөрдү. Үчүнчү аракетинде 216 килограммды көтөрө албай калды.

БИШКЕК, 31-июл. — Sputnik. Кыргызстандын курама командасынын мүчөсү, оор атлетчи Бекдөөлөт Расулбеков Токио Олимпиадасында 6-орунду ээледи.

Ал бүгүн оор атлетика боюнча турнирге 96 килограмм салмак категориясында чыккан.

Кыргызстандык спортчу булкуп көтөрүүнүн натыйжасында сегизинчи орунду алды. Бекдөөлөт биринчи аракетинде 162 килограмм штанганы көтөрүп, экинчисинде 166 килограммды көтөрө албай калды, бирок үчүнчү аракетинде жакшы натыйжа көрсөттү.

Ал эми түртүп көтөрүүдө 200 килограмм менен ийгиликтүү баштады. Экинчи аракетинде 208 килограммды да көтөрүп койду. Тилекке каршы, үчүнчүсүндө 216 килограммдык штангага жасалган аракет оңунан чыкпай калды. 

Бардык аракеттерди кошуп эсептөөнүн (374 кг.) жыйынтыгында кыргызстандык спортчу алтынчы орунга жетишти.

Алдын ала берилген маалымат боюнча, бул категорияда Катардан келген оор атлетчи Фарес Ибрахим Эльбах Олимпиада чемпиону болду.

1744
Белгилер:
Бекдөөлөт Расулбеков, олимпиада, оор атлетика
Тема:
2021-жылы Токиодо өтө турган Олимпиада оюндары (248)
Тема боюнча
Чекчейип, кемшейип, чочуп... Токио Олимпиадасындагы атлеттердин эмоциясы
Тилинен жаңылган машыктыруучу Олимпиададан куулду. Видео

Шевченконун көз ирмемдеги муштуму жана UFC 266дагы кызыктуу учурлар. Видео

195
(жаңыланган 14:44 27.09.2021)
UFC Russia уюмунун YouTube каналы Лас-Вегаста болгон UFC 266 турниринин кызыктуу учурларын кесип, чогултуп, видеосун жарыялады.

Бул беттештердин эң эсте каларлыгы жана кызыктуусу жеңил салмактагы спортчу, кыргызстандык Валентина Шевченко менен америкалык Лорен Мерфиники болду. Шевченко октагондо башынан аягына чейин лидерликти дээрлик берген эмес. 4-раундда катуу чабуулга өтүп, Мерфини жерге жыгып катар-катар ургулагандан кийин калыс беттешти токтоткон.

Кыргызстандык мушкер кыздын беттешиндеги кызыктуу учурларды редакция чогулткан видеотоптомдон көрүүгө болот.

195
Белгилер:
Лас-Вегас, Валентина Шевченко, UFC, сокку, октагон, видео
Тема боюнча
Силерди жакшы көрөм! Шевченконун Кыргызстанга салам жолдогон видеосу
Спортчу Мамашов АСА мелдешинде UFC уюмунун экс-мушкери менен беттешет
"Нокауттардын ханышасы". Шевченко UFC уюмун кантип багындырган. Видео
Кыргызстандык UFC чемпиону Валентина Шевченко

Валентина Шевченконун Мерфини утканы үчүн алган гонорары айтылды

458
(жаңыланган 15:38 27.09.2021)
UFC 266 мелдешинин экинчи башкы беттешинде кыргызстандык спортчу кыз америкалык Лорен Мерфини утуп, алтынчы ирет чемпиондук курун коргоп калды.

БИШКЕК, 27-сен. — Sputnik. Кыргызстандык UFC чемпиону Валентина Шевченко америкалык Лорен Мерфини утканы үчүн ири суммадагы гонорар алды.

SportsDaily спорттук жаңылыктар басылмасы мушкерлердин тапкан кирешесин санаган.

Кечээ Шевченко кезектеги атаандашы Мерфини утуп, алтынчы ирет чемпиондук курун коргоп калды. Ал америкалык спортчуну беттештин төртүнчү раундунда техникалык нокаут менен уткан.

Эсептөөлөргө караганда, Валентина бул беттештен 392 миң доллар тапкан. Анын 350 миңин мелдешке катышканы үчүн алса, дагы 42 миң доллар беттеш алдындагы бир жума үчүн кошумча төлөм катары (спортчуларга жума бою медиа жана турнир окуяларына убакыт бөлгөнү үчүн берилүүчү сыйлык) берилген.

Лорен Мерфинин гонорары 132 миң долларды түздү. Таймашка чыкканына 100 миң, ал эми 32 миңди жарнама үчүн алды.

Лас-Вегаста өткөн мелдеште эң көп гонорарды, 566 миң долларды Ник Диаз иштеп тапты. Беттешке чыкканы үчүн Диазга 500 миң төлөндү. 50 миң мыкты кармаш үчүн, ал эми медиа иштерине катышкандыгына 16 миң доллар берилген.

Ал 2004-жылы беттешкен атаандашы Робби Лоулер менен кез келген. Диаз дал ошол беттештен кийин ийгиликтүү мушкер катары тааныла баштаган.

Бул ирет ийгилик Лоулер тарапка ооду. Кармаштын үчүнчү бөлүгүндө кубаттуу соккудан соң Ник жерге кулап, беттеш токтотулган. Калыстар техникалык нокаут деп эсептеген.

458
Тема боюнча
Садыр Жапаров чемпиондук наамын коргогон Валентина Шевченкону куттуктады
Кыргыз желегин желбиретип... Шевченко кантип жеңгенин көрсөткөн видеолор
Президент Садыр Жапаров. Архив

Жапаров экономикадагы өзгөчө кырдаал тууралуу мыйзам долбоорду ЖКга кайтарды

0
(жаңыланган 19:30 27.09.2021)
Мыйзам долбоору экономика жана финансы министри Акылбек Жапаров тарабынан демилгеленген. Бизнес коомчулугу документ эч кандай коомдук талкуусуз эле кабыл алынып жатканына нааразычылык билдирген.

БИШКЕК, 27-сен. — Sputnik. Өлкө башчы Садыр Жапаров "Экономиканын өзгөчө кырдаал чөйрөсүндө айрым мыйзам актыларына өзгөртүүлөрдү киргизүү жөнүндө" мыйзамды каршы пикири менен Жогорку Кеңешке кайра кайтарды. Бул тууралуу президенттин маалымат кызматы билдирди.

Мындай чечимдин кабыл алынышына эмне себеп болгону азырынча айтыла элек.

Экономикага чукул кырдаал киргизүү боюнча мыйзам долбоорун экономика жана финансы министри Акылбек Жапаров демилгелеген. Анын айтымында, бул сунуш пандемиянын Кыргызстандын экономикасына тийгизген терс таасиринен улам берилген. Министр өзгөчө кырдаал режими министрлер кабинетине салык ставкаларын жана салыктык администрациялоону өзгөртүүгө, ошондой эле зарыл болгон учурда бюджетти парламенттин уруксатысыз бөлүштүрүүгө мүмкүндүк берерин түшүндүргөн. Каникулга кетер алдында депутаттар долбоорду үч окууда жактырган.

Ишкерлер мыйзам долбоорунун демилгечилери бизнес коомчулугунун макулдугусуз эле президентке кол койдурууга аракет кылып жатканын белгилешти. Кээ бир эксперттердин пикиринде, эгер экономикага чукул кырдаал киргизилсе, мамлекеттик органдар бизнес объектилерин жабууга, ошондой эле бир миллион сом айып салууга мүмкүнчүлүк алышат. Бизнес коомчулугу президентти бул мыйзам долбооруна кол койбоого чакырат.

0
Белгилер:
экономика, мыйзам долбоору, президент, каршылык, пикир