Кыргызстандык балбан кыз Айсулуу Тыныбекова латвиялык Анастасия Григорьева менен күрөшүсү. Архив

Былтыр 14:0 менен жеңилген. Айсулуунун алгачкы каршылашынын таржымалы

1233
(жаңыланган 14:32 02.08.2021)
Бул балбан кыздардын биринчи беттеши эмес. Буга чейин алар 2020-жылы өткөн дүйнө кубогу мелдешинин финалында кармашып, Тыныбекова 14:0 эсебинде уткан.

БИШКЕК, 2-авг. — Sputnik. Кыргызстандык балбан кыз Айсулуу Тыныбекова Олимпиада-2020 мелдешиндеги алгачкы беттешинде латвиялык Анастасия Григорьева менен күрөшмөй болду. Бүгүн, 2-августта, кыз-келиндер күрөшүнөн 62 килограмм салмактагы балбандар таразага түшүп, чүчү кулак кармашты.

Анастасия Григорьева 31 жашта. Ал төрт ирет (2010, 2013, 2014 жана 2016-жылдары) Европа чемпиону болгон. 2019-жылы дүйнө чемпионатында коло байге уткан. 2012-жылы Лондон Олимпиадасына катышып тогузунчу орунду ээлеген.

Ал 2019-жылдын апрель айында өткөн Европа биринчилигинде 68 килограмм салмакта күрөшүп, коло медаль уткан. Ушул эле жылы июнь айында өткөн Европа оюндары мелдешинде алтын тагынган.

Айсулуу Тыныбекова 29 жашта. 2019-жылда өткөн дүйнө биринчилигинде чемпион болгон. 2020-жылдагы дүйнө кубогу мелдешинде жеңүүчү болуп, алтын медаль тагынган. Рио-2016 Олимпиадасына катышып, бешинчи орунга жеткен. Кыргызстандык балбан кыз төрт жолку Азия чемпиону болуп саналат.

Азыркы тапта Бириккен күрөш дүйнөсү (UWW) уюмунун рейтингинде 62 килограмм салмактагы балбан кыздардын арасында биринчи орунда турат.

Бул спортчулардын биринчи беттеши эмес. Буга чейин алар 2020-жылы өткөн дүйнө кубогу мелдешинин финалында кармашып, кыргыздын балбан кызы 14:0 эсебинде уткан. Беттештин аягында так көтөрүп, беш упайлык ыкмага алып чапкан. 

Посмотреть эту публикацию в Instagram

Публикация от Olympic Wrestling (@unitedworldwrestling)

Таймаштан кийин Тыныбекова атаандашынын көңүлүн жубаткан. Анын бул аракетин Бириккен күрөш дүйнөсү (UWW) уюму 2020-жылдагы эң жагымдуу учур деп атаган эле.

"Тыныбекова килемге эң жогорку даярдыкта келип, дүйнө кубогун утту. Финалда ал латвиялык Анастасия Григорьеваны жеңип алды. Атаандашын көтөрүп чаап уткан соң жеңишти майрамдап чуркап кетип калуунун ордуна, килемге катуу түшкөн атаандашынын ден соолугун сурап, анын көңүлүн жубатты. Бул анын мыкты спортчу эле эмес, бийик адамгерчилигинен кабар берет", — деп сыпаттаган.

Олимпиада-2020 мелдешинде 62 килограмм салмактагы балбан кыздардын күрөшү 3-августта эртең менен башталат.

Оюндардын жүрүшүн КТРК Спорт каналы түз алып көрсөтөт.

1233
Белгилер:
Олимпиада-2020, Айсулуу Тыныбекова, кыз-келиндер күрөшү, Анастасия Григорьева
Тема боюнча
Эртең чыгат! Айсулуу Тыныбекованын алгачкы атаандашы белгилүү болду
Токиодо шоу уюштурууда! Бириккен күрөш дүйнөсү Акжолду алкады. Видео, сүрөт
Мүмкүнчүлүгү чектелген жарандар катышкан марафондо. Архивдик сүрөт

Бишкекте мүмкүнчүлүгү чектелген жарандар катышкан жарым марафон аяктады. Сүрөт

29
(жаңыланган 14:43 19.09.2021)
Иш-чараны "Марафондор дирекциясы" коомдук фонду бир нече министрликтер, Бишкек мэриясы жана демөөрчүлөрдүн көмөгү менен өткөргөн.

БИШКЕК, 19-сен. — Sputnik. Борбор калаада ден соолугу жактан мүмкүнчүлүгү чектелген жарандар катышкан жарым марафон болуп өттү. Бул тууралуу уюштуруучулар кабарлады.

Иш-чараны "Марафондор дирекциясы" бир нече министрликтер, Бишкек мэриясы жана демөөрчүлөрдүн көмөгү менен өткөргөн.

Посмотреть эту публикацию в Instagram

Публикация от МЗиСР КР (@mzsr.kg)

Жарым марафонго ден соолугунан мүмкүнчүлүгү чектелген аялдар, эркектер болуп өзүнчө, атайын коляскада отуруп, коштоочулардын жардамы менен жүргөндөр жана чуркоону каалагандар өзүнчө категория менен катышкан.

Анын жыйынтыгында жеңүүчүлөр аныкталып, аларга сыйлыктар тапшырылган.

Жарым марафонго саламаттыкты сактоо жана социалдык өнүктүрүү министри Алымкадыр Бейшеналиев, Бишкек шаарынын мэри Айбек Жунушалиев, ЕККУнун Бишкектеги программалык кеңсесинин өкүлү катышкан.

Спорттун олимпиадалык эмес түрлөрү дирекциясынын усулчусу Адилет Камчыбеков мурдараак бул иш-чарага ден соолугунан мүмкүнчүлүгү чектелип, коляскада отурган 100 адамдын катышарын айткан.

29
Белгилер:
Кыргызстан, Бишкек, марафон, ден соолугу боюнча мүмкүнчүлүгү чектелген адамдар, адам
Тема боюнча
Абакирова: "Ак илбирсти сактайбыз" жарышынан түшкөн акчага эки "Нива" алынат

Лас-Вегаста өткөн UFC турниринин урунттуу учурлары. Видео

49
Өткөн түнү АКШда дүйнөлүк промоутерлик компаниянын UFC Vegas 37 турнири болуп өттү. Уюм мелдештин эң кызыктуу учурларын бир видеого топтоду.

Кеченин башкы беттешинде америкалык Энтони Смит менен Райан Спэнн кармашты. Беттештин биринчи раундунун төртүнчү мүнөтүндө Смит муунтуу ыкмасы менен жеңишти камсыздаган.

Негизги карддын алкагында дагы беш кармаш өтүп, видео топтомго киргизилген.

49
Белгилер:
UFC, турнир, видео
Тема боюнча
Валентина Шевченконун таймаштарындагы унутулгус ирмемдер. Видео
Түндүк жаркырагы. Архивдик сүрөт

Жердин үстүнөн тартылган керемет жаркырак. Астронавттын жомоктогудай видеосу

0
(жаңыланган 18:23 19.09.2021)
Жердин үстүнөн 400 чакырым бийикте учуп жүргөн астронавттын айтымында, мындай керемет көрүнүшкө Айдын нуру "күнөөлүү".

БИШКЕК, 19-сен. — Sputnik. 43 жаштагы астронавт жана аэрокосмостук инженер Тома Песке уникалдуу сүрөттөр жана видеоролик менен бөлүшкөн. Анда толгон Айдын нуру көгүлтүр, өзгөчө бир түс менен жомоктогудай картина жараткан.

"National Geographic Россия" сайтынын жазганына караганда, адатта жашгылт түстөн кызыл, кара кочкул түскө өткөн уюлдук жаркырак мурда кездешпеген, бирюза өңүн да жарата аларын астронавт тартып алган.

​Автордун айтымында, мындай керемет көрүнүшкө Айдын нуру "күнөөлүү".

"Ай өтө бийикте туруп жана абдан жарык тийип, булуттарга да нурун төгүп, таптакыр бир башкача атмосфера жаратты", — деп жазган суктанганын жашыра албаган Тома Песке.

Аэрокосмостук инженер бир нече мындай кубулушка байкоо салгандыгын, ал эми бул сапарда Айдын нуру өзгөчө көрк бергендигин белгилеген.

Бул кубулуш күндүн электр заряддарынын бөлүкчөлөрү Жердин атмосферасына кирип, кычкылтек менен азоттун бөлүкчөлөрү менен кагышканда пайда болот.

Песке учурда МКСтеги жети космонавттан турган экипаждын бири. Космостук эл аралык станция Жердин үстүндө 400 чакырым бийикте учуп жүрөт.

0
Белгилер:
ай, космос, түндүк жаркырагы
Тема боюнча
Тоо арасындагы бермет! Космонавттын Ысык-Көлгө суктанган видеосу