Хабиба Нурмагомедовдун постери. Архив

Бүгүн Ысык-Көлдө Хабибдин Eagle Fighting Championship уюмунун мелдеши өтөт

89
Бул лиганын 38-турнири болуп саналат. Анда Данияр Бабакулов, Алексей Федосеев сыяктуу кыргызстандык атактуу мушкерлер да октагонго чыгышат.

БИШКЕК, 3-авг. — Sputnik. Бүгүн, 3-августта, Ысык-Көлдүн Чолпон-Ата шаарында UFC уюмунун экс-чемпиону Хабиб Нурмагомедовдун Eagle Fighting Championship (EFC) лигасынын мелдеши өтөт.

Аталган уюм башкы беттеште кез келген кыргызстандык мушкер Бусурманкул Абдибаит уулу менен атаандашы Руслан Яманбаевдин көз караштар таймашын чыгарды. 

Посмотреть эту публикацию в Instagram

Публикация от EAGLE FIGHTING CHAMPIONSHIP (@eaglefcmma)

Промоушендин турнири Кыргызстанда алгачкы ирет өтөт. Бүгүнкүгө белгиленген мелдеш Чолпон-Ата шаарындагы борбордук ат майданда болот.

EFC кезектеги турнирин Кыргызстанда өткөрүүнү пландаганын промоушендин президенти Шамил Завуров март айында Россияда өткөн мелдеште айткан болчу. Буга кыргыз мушкери Бусурманкул Абдибаит уулунун татыктуу беттеш көрсөткөнү себеп болгон.

Бул уюмдун 38-мелдеши болуп саналат. Турнирде Данияр Бабакулов, Алексей Федосеев сыяктуу кыргызстандык атактуу мушкерлер да октагонго чыгышат.

89
Белгилер:
мелдеш, Ысык-Көл, Чолпон-Ата, EFC, Хабиб Нурмагомедов
Тема боюнча
Валентина Шевченко кайрадан World MMA Awards сыйлыгына көрсөтүлдү
Футбол. Архив

Бишкектин "Дордой" футбол клубу Кыргызстандын чемпиону болду

41
"Дордойчулар" чемпионаттын бүтөрүнө дагы бир тур калганда алдыга озуп, чемпиондукту камсыздады. Буга бүгүн "Нефтчи" менен беттештеги жеңиши жетиштүү.

БИШКЕК, 24-окт. — Sputnik. Бишкектин "Дордой" клубу футбол боюнча Кыргызстандын премьер-лигасынын 2021-жылдагы чемпиону болду. Бул тууралуу Кыргызстандын футболдук союзу билдирди.

"Дордойчулар" чемпионаттын бүтөрүнө дагы бир тур калганда алдыга озуп, чемпиондукту камсыздаган.

Башкы машыктыруучу Александр Крестининдин шакирттери бүгүн, 24-октябрда, биринчи турдун кийинкиге калтырылган оюнунда Кочкор-Ата шаарынын "Нефтчи" командасы менен кез келип, 3:1 эсебинде утуп алышты. "Дордой" спорттук комплексинин талаасында болгон беттештеги бул жеңиш бишкектик клубдун мөөнөтүнөн мурда чемпиондукка жетүүсүнө өбөлгө болду.

Муну менен "Дордой" төртүнчү ирет удаасы менен, ал эми тарыхында 13-жолу чемпион болуп жатат.

41
Белгилер:
футбол, 'Дордой' ФК, Кыргызстан, премьер-лига
Тема боюнча
Чүйдүн улакчылары көк бөрү боюнча республикалык мелдеште чемпион болушту
Көк бөрү боюнча мелдеш. Архив

Чүйдүн улакчылары көк бөрү боюнча республикалык мелдеште чемпион болушту

65
(жаңыланган 16:13 24.10.2021)
Турнир облустук форматта өтүп, ага өлкөнүн жети облусу менен Бишкек, Ош шаарларынын командалары катышты. Оюндар Сокулуктагы "Белек" ат майданында өттү.

БИШКЕК, 24-окт. — Sputnik. Чүй облусунун командасы Көк бөрү федерациясынын 25 жылдыгына жана улуттук оюндун эрежелерин иштеп чыккан авторлордун урматына арналган республикалык мелдешти жеңип алышты. Бул тууралуу аталган федерациянын маалымат кызматы билдирди.

Чүйлүктөр финалда Ош облусунун командасы менен кез келип, 8:2 эсебинде утуп кетишти.

Улуттук оюндун эрежелерин иштеп чыккан Болот Шамшиев, Темир Дүйшөкеев, Болот Шер, Мамыркожо Бөкөнбаев жана Жетиген Маадановдун урматына арналган мелдеш 18-октябрда башталган.

Облустук форматтагы турнирге өлкөнүн жети облусу менен Бишкек, Ош шаарларынын командалары катышты. Үчүнчү орунга Талас, төртүнчүгө Ысык-Көл командалары илинди.

Оюндар Сокулуктагы "Белек" ат майданында өттү.

Байгелүү орундарды ээлегендерге акчалай сыйлык берилди. Мындан сырткары, мелдеште өзгөчөлөнгөн улакчылар менен мыкты аргымактарга да белектер ыйгарылды.

65
Белгилер:
Көк бөрү, мелдеш, Чүй облусу, команда, чемпион
Тема боюнча
Көк бөрү: республикалык мелдештин финалына Чүй менен Оштун улакчылары чыкты

Кыргызстанда майды аз ичкен унаалар канчадан сатылууда. Инфографика

0
(жаңыланган 20:39 24.10.2021)
Sputnik Кыргызстан көбүрөөк суроо-талап менен сатылып жаткан майды аз ичүүчү автоунаалардын баасы кандай өзгөргөнүн анализдеп көрдү.
Кыргызстанда эң өтүмдүү  автоунаалардын баасы

Инфографикада чыккан жылы жаңы унаалардын орточо наркы берилген. Мониторинг autobaza.kg, cars.kg, turbo.kg жана mashina.kg ресурстарына чыккан маалыматка карап январь-октябрь айларында жүргүзүлдү.

Эң көп сатылган 10 автоунаага төмөнкүлөр кирди:

  • Daewoo Matiz;
  • Honda Fit;
  • Lada 2107;
  • Toyota IST;
  • Hyundai Getz;
  • Volkswagen Golf;
  • Mazda Demio;
  • Chevrolet Spark;
  • Honda Civic;
  • Toyota Prius.

Дээрлик бардык унаалар 200дөн 1000 долларга чейин кымбаттаган.

Сатуучулар жана эксперттер машинанын баасы улам кымбаттай берет деген пикирде. Экономист Элдар Абакиров буга акчанын кунунун кетиши таасир этерин айтат.

"Элде накталай акча бар, бирок аны менен бай болуп кете албайсың. Болгону акча кунун жоготуп баратат. Ушундан улам баары, анын ичинде машина дагы кымбаттап жатат", — деди эксперт.

Чет өлкөдөн машина ташуучу компаниянын кожоюну Данияр Салякаев баалардын төмөндөшүнө үмүт артпай эле коюу керек деген пикирде.

"Учурда дээрлик баары кымбаттап жатат, ал эми машина суроо-талап менен колдонулат. Мындай кырдаалда эч качан арзандабайт. Бул реалдуулук, жакшы машина алуу үчүн акча чогултуш керек", — деди ал.

"Элчи" социалдык-саясий изилдөөлөр борборунун директору Денис Бердаков мындай жагдайга ири автоконцерндер тушуккан каатчылык түздөн-түз себепкер экенин белгилейт.

"Машина өндүрүүчүлөр кыймылдаткычтар үчүн керектүү тетиктердин тартыштыгына кабылышты. Тагыраагы, башкаруунун электрондук блокторунун, тышкы электр жабдууларынын, жабдыктарды башкаруу панелинин, мультимедиалык системалардын микросхемалары азыр жетишсиз болуп турат. Ушул өңдүү тетиктердин өндүрүш көлөмү пандемиянын, ар кыл мамлекеттердеги ушул багыттагы өндүрүш ишканаларына коюлган чектөө чараларынын айынан азайып кеткен", — деген оюн ортого салды эксперт.

Кыргызстанда автоунаалардын баасы кымбаттап жатканына чет өлкөдөн массалык түрдө транспорт ташылбай калганы да себеп болууда.

0
Белгилер:
Кыргызстан, автоунаа, баа, сатып алуу, кымбат
Тема боюнча
Кыргызстандагы алдыңкы 10 жолтандабас менен кроссовердин баасы кандай өзгөрдү