Eagle Fighting Championship лигасынын мелдеши учурунда

Александр Загорский алып барууда! Чолпон-Атада Хабибдин уюмунун мелдеши башталды

197
(жаңыланган 03:11 04.08.2021)
Азыркы тапта болжолдуу беттештер өтүп жатат. Андан кийин негизги жана башкы кармаштар болот.

БИШКЕК, 3-авг. — Sputnik. Ысык-Көлдүн Чолпон-Ата шаарында UFC уюмунун экс-чемпиону Хабиб Нурмагомедовдун Eagle Fighting Championship (EFC) лигасынын мелдеши старт алды. Бул тууралуу Sputnik агенттигинин кабарчысы жеринен билдирди.

Учурда болжолдуу беттештер болуп жатат. Андан кийин негизги жана башкы кармаштар болот.

Спорттук иш-чараны ринг-анонсер Александр Загорский алып барууда.

Хабиб Нурмагомедовдун Чолпон-Атага келгени маалым болду. Азырынча күйөрмандардын алдына чыга элек. Турнирдин расмий ачылышы саат 19:00гө белгиленген. Ипподром көрүүчүлөргө толо элек.

Промоушендин турнири Кыргызстанда алгачкы ирет өтүүдө.

Турнирдин башкы беттешинде кыргызстандык мушкер Бусурманкул Абдибаит уулу менен россиялык Руслан Яманбаев беттешип, чемпиондук наамын тартып алганга аракет кылат.

Турнирде Данияр Бабакулов, Алексей Федосеев сыяктуу кыргызстандык атактуу мушкерлер да октагонго чыгышат.

197
Белгилер:
Чолпон-Ата, Хабиб Нурмагомедов, турнир, беттешүү, EFC
Тема боюнча
UFC экс-чемпиону Хабиб Нурмагомедов Кыргызстанга келди. Сүрөт
Кыргызстан кубогун жеңип алган Нефтчи футболдук клубунун оюнчулары

Футбол: Кыргызстан кубогунун ээси аныкталды

69
(жаңыланган 19:56 18.09.2021)
Эсеп негизги убакытта да, кошумча берилген мөөнөттө да ачылган жок. Финалдык оюндун жеңүүчүсү пенальти сериясынан соң белгилүү болду.

БИШКЕК, 18-сен. — Sputnik. Кочкор-Атанын "Нефтчи" футболдук клубу Кыргызстан кубогунун ээси аталганын Кыргыз футбол союзу билдирди. 

90 мүнөттүк негизги убакытта "Нефтчи" да, ага атаандаш болгон Бишкектин "Алга" командасы да гол киргизе алган эмес. Кошумча берилген эки таймда да эсеп ачылган жок.

Жеңүүчүнү пенальти сериясы аныктап, "Нефтчи" 4:2 эсеби менен жеңүүчү аталды.

Оюн биринчи жолу Баткен шаарынын борбордук стадионунда өттү.

69
Белгилер:
футбол, кубок, мелдеш, команда
Тема боюнча
Кыргызстандын футбол командасы FIFA рейтингинде алдыңкы жүздүккө илинди
Спорттун олимпиадалык эмес түрлөрү дирекциясынын усулчусу Адилет Камчыбеков

Камчыбеков: Бишкек марафонуна майыптыгы бар 100 адам катышат

11
Спорттун олимпиадалык эмес түрлөрү дирекциясынын усулчусу Адилет Камчыбеков Кыргызстан боюнча 195 миңден ашуун майыптыгы бар адам жашай турганын айтты.

Эртең борбор калаада өтүүчү жарым марафонго коляскада отурган майыптыгы бар 100 адамдын катышары пландалган. Бул тууралуу Адилет Камчыбеков Sputnik Кыргызстан радиосуна маек куруп жатып билдирди.

Камчыбеков: Бишкек марафонуна майыптыгы бар 100 адам катышат

Анын айтымында, өлкөдө 195 миңден ашуун ден соолугунан мүмкүнчүлүгү чектелген жаран бар.

"Булар үч топко бөлүнөт. Биринчиси — үйдөн чыкпаган, ата-энесинен башка эч ким менен сүйлөшпөгөн адамдар, экинчи топтогулар жарым-жартылай коомчулукка аралашкандар, ал эми үчүнчүсү билим алып, дос күтүп, эл менен аралашып жүргөндөр, бирок майыптыгы бар. Биринчи топко киргендердин психологиялык дагы саламаттыгы кооптуу абалга кептелет. Алардын ата-энеси, жакындары да ушундай эле оор абалда болот. Бул жарандарды элге аралаштырып, жарышка катыштыруу биринчи кезекте алардын багуучулары, ата-энеси үчүн чоң дем-күч берет. Андыктан биздин марафонго коляскада отурган, үч жаштан өйдө 100 адамды катыштыруу пландалган. Алар төрт топко бөлүнүп чуркашат. Кыздар, эркектер өзүнчө жана жандоочу менен, ошондой эле өз алдынча чуркагандар бар. Марафон учурунда дарыгерлер, тиешелүү социалдык мекемелердин кызматкерлери көзөмөлдөп турушат", — деди Камчыбеков.

Спортчу марафондун жыйынтыгында ар кандай кызыктыруучу сыйлыктар берилерин кошумчалады.

 

11
Белгилер:
Адилет Камчыбеков, марафон, майыптар, ден соолук
Тема боюнча
Надыров: Бишкек жарым марафонунун онлайн катышуучулары да болот
Тамеки чегип жаткан кыз. Архив

Көрбөй, укпай каласың! Министрлик тамекинин зыянын эскертти

0
Тамекинин ар кандай таасиринен улам сокур болуп калуу кооптуулугу да бар. Көрүүнү калыбына келтирүүгө операция талап кылынат.

БИШКЕК, 19-сен. — Sputnik. Саламаттык сактоо министрлиги тамеки чеккен адамдардын көрүүсү жана угуусу начарлай турганын эскертти.

Маалыматка караганда, тамеки чегүү көздүн көптөгөн ооруларын пайда кылат. Эгер убагында дарылабаса көрүү жөндөмүн биротоло жоготуп алышы мүмкүн.

"Чылым чекпегендерге караганда чеккен адамдарда макулодистрофия илдети көбүрөөк кездешет, убакыттын өтүшү менен бул илдет көрүү жөндөмүнөн таптакыр ажыратып коёт. Аны менен катар көздүн тунук чели бозоруп кетүү тобокелдиги да жогору. Мунун натыйжасында көздүн жарык нурларын өткөрүү жөндөмү бузулат. Катаракта көздүн көрүүсүн начарлатат, аны калыбына келтирүүнүн бирден-бир жолу операция", — деп айтылат маалыматта.

Ошондой эле тамеки чегүүдө көздүн ичиндеги басым жогорулап (глаукома), кесепети көрүүнү начарлатары белгиленген.

Мындан сырткары, кээ бири көп учурда угуу жөндөмүн жоготуп алары да айтылды.

 

0
Белгилер:
тамеки, оору, көз, кооптуулук, эскертүү
Тема боюнча
Вакцина алгандан кийин чылым чегүү антителонун иштелип чыгуусун алсыратат
Уйку безинин рагын алдын алуу үчүн эмне кылуу керек? Адистин кеңеши