Кыргызстандык балбан Акжол Махмудов Венгриялык Тамаш Лоринц менен финалдык беттештен кийин

Мамлекет Акжол, Мээрим жана алардын устаттарына канча акча берет? Тизме

5460
(жаңыланган 11:34 04.08.2021)
Мээрим Жуманазарованын атасы спортчунун биринчи машыктыруучусу болгонуна байланыштуу ага да 500 миң сом чегерилет.

БИШКЕК, 4-авг. — Sputnik. Кечээ, шейшембиде, Токио Олимпиадасына барган спортчулар ийгилик жаратып Кыргызстандын куржунуна эки медаль салып берди.

Алгач грек-рим күрөшүнөн Акжол Махмудов күмүш байге утса, анын артынан эркин күрөштөн Мээрим Жуманазарова коло медалга ээ болду. 2008-жылдан бери Кыргызстан мындай ийгиликке жете элек болчу.

Кыргыз өкмөтү Олимпиададан байге алган спортчуларга жана анын устаттарына ири суммада сый акы берилерин убадалаган.

Мындан улам эки балбандын жеңиши үчүн мамлекет канча акча берип сыйлаарын эсептеп көрдүк.

  • Акжол Махмудов — 7 миллион сом;
  • Башкы машыктыруучу Азат Эркимбаев — 2,1 миллион сом;
  • Улук машыктыруучу Улукбек Карачолоков — 1,75 миллион сом;
  • Жеке машыктыруучу Мейрамбек Ахметов — 1,75 миллион сом;
  • Биринчи машыктыруучу Жеңиш Сатыбалдиев — 700 миң сом;
  • Дарыгер Бактыгүл Алишева — 700 миң сом;
  • Массажист Константин Еремич – 700 миң сом.
  • Мээрим Жуманазарова — 5 миллион сом;
  • Башкы машыктыруучу Нурбек Изабеков — 1,5 миллион сом;
  • Улук машыктыруучу Байгазы Кенжебаев — 1,25 миллион сом;
  • Жеке машыктыруучу Чынарбек Изабеков — 1,25 миллион сом;
  • Биринчи машыктыруучу Рахмадил Жуманазаров (атасы) — 500 миң сом;
  • Дарыгер Бактыгүл Алишева — 500 миң сом;
  • Укалоочу Константин Еремич – 500 миң сом.

Ал эми алтын медаль алган спортчу 10 миллион сом менен сыйланат. Башкы машыктыруучусуна спортчуга берилген сый акынын 30 пайызына, улук жана жеке машыктыруучусуна 25 пайызына барабар суммада төлөнөт. Биринчи машыктыруучусу менен медициналык персоналына 10 пайыз өлчөмүндө сый акы чегерилет.

5460
Белгилер:
сый акы, Кыргызстан, Олимпиада-2020
Тема:
2021-жылы Токиодо өтө турган Олимпиада оюндары (248)
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Олимпиада: эки балбандын жеңишинен кийин Кыргызстан 64-орунга чыкты
Атабек Азисбеков Олимпиадада медалсыз калды
Бүгүн Айсулуу Тыныбекова Олимпиаданын алтын байгеси үчүн таймашат
Кубанарымды же кайгырарымды билбей турам. Акжол менен Мээримдин видеомаеги 
Валентина Шевченко наносит удар Лорен Мерфи во время поединка за титул чемпиона мира по смешанным единоборствам среди женщин в наилегчайшем весе на турнире UFC 266 в Лас-Вегасе. 25 сентября 2021 года

Хабиб же Майкл Жордандай эле. Лорен Мерфи мушкер Валентина Шевченкого баа берди

91
(жаңыланган 10:47 18.10.2021)
Мушкер кыздардын беттеши UFC 266 мелдешинде болгон. Америкалык спортчу төртүнчү раундда нокаут менен жеңилген.

БИШКЕК, 18-окт. — Sputnik. ММА мушкери Лорен Мерфи кыргызстандык Валентина Шевченкого жеңилгени боюнча комментарий берди. UFC 266 мелдешиндеги беттеш тууралуу пикири BJ Penn басылмасына чыккан.

Таймаш 25-сентябрда Лас-Вегаста өткөн. Ал мелдештеги башкы беттештердин бири болгон. Шевченко төртүнчү раундда атаандашын нокаутка кетирип уткан.

"Валентина укмуштуудай мушташты. Деңгээли шумдук. Чынын айтсам, төртүнчү раунд таптакыр эсимде жок", — деген Мерфи.

Анын айтымында, калыс беттешти токтотуп туура чечим кабыл алган. Анткени ал Шевченкого эч кандай каршылык көрсөтө албай калган болчу. Эске салсак, төртүнчү бөлүктө кыргызстандык атлет сокку жаадырган, мындан улам рефери беттешти токтотуп, жеңишти Шевченкого ыйгарган.

"Жеңилүү эч кимге жакпайт. Негизи мен биринчи ирет нокаут менен утулдум. Жыйынтык башкача болот деп күткөм, бирок мыкты тажрыйба болду. Менимче, бул Майкл Жордан менен баскетбол ойногонго барабар. Же Хабиб Нурмагомедов менен мушташкан атлеттер ушундай сезимде калса керек. Шевченконун чынында эле деңгээли жогору", — деген ал.

Мерфини жеңип, кыргызстандык спортчу кыз UFC уюмунун жеңил салмактагы чемпиондук наамын алтынчы ирет удаасы менен коргоп калды.

91
Белгилер:
Лорен Мерфи, Валентина Шевченко, UFC, беттешүү, салыштыруу
Тема боюнча
Бетин катканына карабай ургулап. UFC турниринин эң кызыктуу учурлары видеодо
Валентина Шевченко Кыргызстандын туусун коюп пост жарыялады
UFC чемпиону Валентина Шевченко. Архивдик сүрөт

Валентина Шевченко Холли Берринин тасмасында кимдин ролун ойногон. Сүрөт

348
UFC чемпиону Шевченко Голливуд жылдызы Холли Берри менен тасмада спорттогу каршылаштардан болушат. Тасманын премьерасы 23-октябрда Netflix сервисинде көрсөтүлөт.

БИШКЕК, 17-окт. — Sputnik. UFC уюмунун эң жеңил салмактагы чемпиону, кыргызстандык Валентина Шевченко Instagram баракчасында Bruised ("В синяках", "Көгала болгондо") тасмасын тартуу учурундагы сүрөттөр менен бөлүштү.

Тасманын премьерасы 23-октябрда Netflix сервисинде болмокчу. Анда Шевченко башкы ролдогу Жекинин, тагыраагы, Холли Берринин спорттогу атаандашы болот. Сценарий боюнча, Жекинин карьерасы кичинекей уулу менен мамилесин оңдогондон кийин жанданат.

Шевченко Lady Killer (Киши өлтүргүч аял) каймана аты бар мушкердин ролун аткарат. Жеки маанилүү беттеште аны менен кармашып, мурдагы атак-даңкын кайтаргысы келет.

"Bruised тасмасында Lady Killer ролунда", — деп жазган Валентина.

Кинонун трейлери интернетке 14-октябрда чыккан. Тасма өзү 2019-жылдын декабрында тартылып бүткөн.

348
Белгилер:
UFC, Валентина Шевченко, тасма, роль, мушкер, беттешүү
Тема боюнча
Шевченко катышкан Холли Берринин тасмасынын трейлери чыкты. Видео
Татынакай! Шевченко Холли Берринин тасмасы боюнча маектеги сүрөтүн жарыялады
Аламүдүн району төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты

Аламүдүн: суу сактагычтан эркек кишинин сөөгү табылды. Сүрөт

0
(жаңыланган 00:27 19.10.2021)
Куткаруучулар 40-45 жаштагы эркек кишинин сөөгүн каналдан алып чыгып, аны милиция кызматкерлерине өткөрүп беришкен.

БИШКЕК, 19-окт. — Sputnik. Аламүдүн районунун төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты. Бул туурасында ӨКМдин маалымат кызматынан кабарлашты.

Окуя болгон жерге Аламүдүн райондук ӨКБден төрт куткаруучу барган. Алар 40-45 жаштагы эркек кишинин сөөгүн каналдан алып чыгып, милиция кызматкерлерине өткөрүп беришкен.

0
Белгилер:
Кыргызстан, Аламүдүн району, канал, өлүк, куткаруучу
Тема боюнча
Куткаруучулар суудан башка адамды издеп жатып, белгисиз сөөктү алып чыкты. Сүрөт