Кыргызстандык балбан, Токио олимпиадасынын коло байгесинин ээси Мээрим Жуманазарова. Архив

Чемпиондун балдызы, үйдүн сегизинчиси Мээрим Жуманазарова жөнүндө 8 факт

15045
(жаңыланган 11:14 05.08.2021)
Мээрим Жуманазарова күрөш боюнча 68 килограмм салмак категориясында Олимпиаданын коло медалын утуп алды. Sputnik Кыргызстан балбан кыз тууралуу кызыктуу фактыларды сунуштайт.

Спортчу бул бейгеге жетүү үчүн монголиялык Соронзонболдын Батцэцэг менен беттешип, аны далысына басып, таза жеңишти камсыздаган. Ошентип ал кыз-келиндер күрөшүнөн Олимпиадада медаль алган алгачкы кыргызстандык балбан болуп калды. 

Посмотреть эту публикацию в Instagram

Публикация от Olympic Wrestling (@unitedworldwrestling)

Таласта туулган

Мээрим 1999-жылдын 9-ноябрында Таластагы Бакай-Ата районунун Биринчи май айылында туулган. 

Посмотреть эту публикацию в Instagram

Публикация от zhumanazarova Meerim (@zhumanazarova__m)

Үй-бүлөсү менен спортко жакын

Мээрим спортту сүйгөн үй-бүлөнүн кызы. Атасы Кыргызстандын эмгек сиңирген машыктыруучусу. Андан тышкары, эки сиңдиси жана агасы спорт менен алектенет. Мээрим спортко алгач 12 жашында кадам таштап, атасы Рахмадил Жуманазаровдун колунда машыкчу.

Билими

Атасы Рахмадил Жуманазаровдун айтымында, атайын спорттук мектепте окуй электе, айылда машыгып жүрүп эле, 2014-жылы Бангкок шаарында өткөн Азия чемпионатына барган. Ал жактан коло медаль менен кайткан. Кийин Кыргызстан эл аралык университетинин колледжинде окуган. Андан соң Кыргыз мамлекеттик дене тарбия жана спорт академиясына тапшырып, окуусун быйыл аяктады.

Бронзовая медалистка из Кыргызстана Мээрим Жуманазарова позирует со своей медалью после соревнований по вольной борьбе среди женщин в весовой категории до 68 кг на Олимпийских играх в Токио-2020. 03 августа 2021 года
© AFP 2021 / JACK GUEZ
Мээрим спортту сүйгөн үй-бүлөнүн кызы. Атасы Кыргызстандын эмгек сиңирген машыктыруучусу. Андан тышкары, эки сиңдиси жана агасы спорт менен алектенет.

Көп бир тууган

Мээрим чоң үй-бүлөдө чоңойгон. 13 бир туугандын ортончусу.

Классташы дагы Олимпиадага катышкан

Классташы Айпери Медет кызы дагы бул ирет Олимпиада оюндарына катышып, бешинчи орунду ээледи. Бир класста окуган кыздар бүгүн чогуу машыгып жүрүшөт.

Улукбек Жолдошбековдун балдызы

Мээрим эркин күрөш боюнча дүйнө чемпиону Улукбек Жолдошбековдун балдызы. Ушул жылдын январь айында ал спортчу Жуманазарованын бир тууган эжеси Мунарага баш кошкон.

Посмотреть эту публикацию в Instagram

Публикация от Парикмахер г. Псков (@kseniya_leshchuk)

Эл аралык мелдештерге 15 жашынан бери катышат

Спортчу кыз эл аралык ири мелдештерге 2014-жылдан бери катышып келет. Алгачкы ирет Таиландда өткөн өспүрүмдөр арасындагы Азия чемпионатына катышып, коло медаль утуп алган.

Посмотреть эту публикацию в Instagram

Публикация от zhumanazarova Meerim (@zhumanazarova__m)

Жуманазарованын байгелери:

  • 2014 — Таиландда өткөн өспүрүмдөр арасындагы Азия чемпионатында коло медаль;
  • 2016 — Өспүрүмдөр арасындагы дүйнө чемпионатында коло медаль;
  • 2017 — Жаштар арасындагы Азия чемпионатында алтын медаль, Жаштар арасындагы дүйнө чемпионатында коло медаль;
  • 2018 — Жаштар арасындагы Азия чемпионатында алтын медаль;
  • 2019 — Grand Prix de France эл аралык турниринде алтын, Жаштар арасындагы дүйнө чемпионатында коло медаль;
  • 2020 — Дүйнө кубогунда алтын медаль;
  • 2021 — күрөш боюнча Азия чемпиону.
15045
Белгилер:
Мээрим Жуманазарова, спорт, үй-бүлө, жетишкендик, факты
Тема:
Кыргыздын көркөм өнөрү, белгилүү инсандары жөнүндө фактылар (408)
Тема боюнча
Кубанарымды же кайгырарымды билбей турам. Акжол менен Мээримдин видеомаеги 
Мамлекет Акжол, Мээрим жана алардын устаттарына канча акча берет? Тизме
UWW: Мээрим Олимпиада медалын тагынган алгачкы кыргызстандык балбан кыз
Эл аралык марафон дирекциясынын төрагасы Мелис Надыров

Надыров: Бишкек жарым марафонунун онлайн катышуучулары да болот

23
(жаңыланган 10:59 17.09.2021)
Эл аралык марафон дирекциясынын төрагасы Мелис Надыров 19-сентябрда борбор калаада Бишкек жарым марафону өтөрүн айтты.

Бишкек жарым марафонунда скандинавиялык жөө жүрүш боюнча дагы жарыш өтөт. Ага төгөрөктүн төрт бурчунан онлайн катышса болот. Бул тууралуу Мелис Надыров Sputnik Кыргызстан радиосуна маек куруп жатып билдирди.

Надыров: Бишкек жарым марафонунун онлайн катышуучулары да болот

Анын айтымында, аталган жарым финалга ден соолугунан мүмкүнчүлүгү чектелген адамдар да катышат.

"Бишкек жарым марафону ушул жылдын 19-сентябрында борбор калаада өтөт. Жайыл баатыр көчөсүндө жайгашкан "Газпром" спорттук комплексинен таңкы саат 8:00дө старт алат. Жалпысынан 2000 адамга ылайыкташкан. Катышууну каалагандар билдирүүлөрүн калтырышты. Соңку каттоо 18-сентябрь күнү Каба уулу Кожомкул атындагы спорт ордосунда жүрөт. Бул марафондо скандинавиялык жөө жүрүш боюнча да жарыш каралган. Анткени спорттун бул түрү учурда өлкөдө пропагандалоо этабында турат. 2018-жылдан бери калкка кенен жайылып, машыккандардын 60 пайыздайын улуу муун түзөт. Өздөрүнүн инструкторлору бар. Марафон алкагында дал ушул скандинавиялык жөө жүрүштү онлайн да өткөрүүнү мерчемдеп жатабыз. Ал үчүн катышуучулар өз өлкөсүндө же шаар, айылында туруп, белгилүү бир аралыкка басып, аны видео, сүрөттөр менен тастыктап, бизге жибериши шарт. Андан соң биз "Бишкек жарым марафонунун катышуучусу" деген баштык ыйгарабыз. Учурда Казакстандан катышууну каалагандар кайрылышты", — деди Надыров.

Ал ошондой эле өлкөдө скандинавиялык жөө жүрүш менен көбүнесе орто жаштан өтүп калган аялдар машыгарын кошумчалады.

 

23
Белгилер:
Мелис Надыров, марафон, Бишкек, жөө жүрүш
Тема боюнча
Ташматов: приоритеттүү спорттун түрлөрүн көбөйтүү каралууда
Кыргызстандын футбол боюнча курама командасынын оюнчулары. Архив

Кыргызстандын футбол командасы FIFA рейтингинде алдыңкы жүздүккө илинди

441
(жаңыланган 15:51 16.09.2021)
Өткөн айда 99-орунда турган курама команда 102-катарга түшүп кеткен. Рейтингде жалпысынан 210 команда бар.

БИШКЕК, 16-сен. — Sputnik. Кыргызстандын футбол боюнча курама командасы Эл аралык футбол федерациясынын (FIFA) жаңыланган рейтингинде 98-орунду ээледи.

Өткөн айда 99-орунда турган курама команда 102-катарга түшүп кеткен. Рейтингде жалпысынан футбол боюнча 210 курама команда бар.

Ушул жылдын август айынын ортосунан бери ата мекендик команда Палестина жана Бангладештин курама командалары менен беттешип, экөөнү тең жеңген.

Палестинанын курама командасы 99-орунга илинген. Дүйнөлүк рейтингдин сап башында Бельгия турат. Андан кийин Бразилия, тизменин үчүнчү катарын англиялыктар ээлеген. Франция төртүнчү болсо, бешинчиде Италиянын курама командасы турат.

Азия боюнча рейтингдин сап башында турган Иран жалпы тизмеде 22-орунда. Япония экинчи болсо (26), Австралия үчүнчү (32) катарда. Кореялыктар төртүнчү (36), Катардын (43) командасы бешинчи орунду ээлеген.

Борбор Азия боюнча рейтингдин сап башында Өзбекстандын курама командасы турса (84), андан кийин эле Кыргызстан (98) бара жатат. Тажикстан (118), Казакстан (120), Түркмөнстан (130) кийинки сапта.

Эске алчу жагдай: Казакстандын курама командасы Азия футбол конфедерациясына эмес (AFC), Европа футбол ассоциациясынын биримдигине (UEFA) кирет.

441
Белгилер:
Кыргызстан, футбол, рейтинг, курама команда
Тема боюнча
Каз катар тизилип футбол көргөн аткаминерлер. Фотофакт
Кыргызстандык жаш футболчулар да Бангладеш командасын утуп алды
Россия лидери Владимир Путин

Путин ШКУнун террорчулукка каршы түзүмүн күчтөндүрүүнү сунуштады

0
РФ лидери ШКУ алкагында террорчулукка, сепаратизмге жана экстремизмге каршы күрөшүү, эл аралык маалыматтык коопсуздукту камсыздоо иштери активдүү жүргүзүлүшү керектигин белгиледи.

БИШКЕК, 17-сен. – Sputnik. Россия лидери Владимир Путин ШКУнун террорчулукка каршы аймактык түзүмүнүн кадрдык курамына террорчулукту каржылоо жана кирешени адалдаштыруу боюнча адистерди кошууну сунуштады. Бул тууралуу РИА Новости жазды.

Ушу тапта Тажикстандын борбор калаасы Душанбе шаарында ШКУ мамлекет башчыларынын саммити өтүп жатат. Путин иш-чарага видео байланыш аркылуу катышууда.

"ШКУнун алкагындагы кызматташууга келе турган болсок, акчаны адалдоо, террорчулукту каржылоо, элди жапырт кыргынга салган куралдарды таратууга каршы иштеген адистерди тартуу менен террорчулукка каршы аймактык түзүмдөрдүн иш мүмкүнчүлүктөрүн арттыруу жакшы болот деп эсептейбиз", — деди Путин.

Президент Россия ШКУнун 2022-2024-жылдары террорчулукка, сепаратизмге жана экстремизмге каршы күрөшүү программасын ишке ашырууда активдүү катышарын айтты. Буга ШКУнун 2023-жылга чейин баңгизаттарга каршы иш-чараларынын планын аткарууга, андан сырткары, 2022-2023-жылдары эл аралык маалыматтык коопсуздукту камсыздоодо өз ара иштешүүгө да олуттуу салымын кошорун белгиледи.

0
Белгилер:
ШКУ, Кыргызстан, Россия, Тажикстан, Владимир Путин, коопсуздук, террорчулук
Тема боюнча
Афганистанга жардам, коопсуздук, кызматташуу. Жапаровдун Душанбедеги сөзү
Жапаров ШКУ саммитине катышуу үчүн "Кохи Навруз" комплексине келди
Си Цзиньпин: Кытай ШКУ өлкөлөрүнө жакырчылыктан чыгуу жолдорун көрсөтүүгө даяр