Австралиялык спортчу Эмма Маккеон

Австралиялык спортчу кыз Токио Олимпиадасынан 7 медаль утуп алды. Сүрөт

1505
(жаңыланган 11:12 05.08.2021)
27 жаштагы Маккеон уткан медалдарды Олимпиадага катышып жаткан 205 мамлекеттин ичинен 186 өлкөнүн жалпы спортчулары ала элек.

БИШКЕК, 5-авг. — Sputnik. Австралиялык спортчу Эмма Маккеон сууда сүзүү боюнча Токио Олимпиадасынын жети медалын утуп алды. Бул туурасында Олимпиаданын расмий сайтында көрсөтүлгөн.

Ал сууда сүзүүнүн ар кандай түрү боюнча катышып төрт алтын, үч коло байгеге ээ болгон.

Спортчу алтын медалды 100 жана 50 метрге эркин сүзүүдөн, 100 метрге эркин сүзүү боюнча 4 адамдык эстафетадан, 100 метрге комплекстүү сүзүү боюнча 4 адамдык эстафетадан уткан.

Ал эми 100 метрге баттерфляй ыкмасы менен сүзүүдөн, 100 метрге эркин сүзүү боюнча 4 адамдык эстафетадан жана 100 метрге аралаш комплекстүү сүзүү боюнча 4 адамдык эстафетадан коло медаль тагынган.

Учурда Маккеон Токио Олимпиадасында ийгиликке жетишкен спортчулардын экинчи сабында турат. Биринчи орунду сууда сүзүүдөн 5 алтын медаль уткан америкалык Калеб Дрессел ээлейт.

Ал эми Эмма Маккеондун өлкөсү Австралия медалдардын саны боюнча 5-орунга чыккан. Бир эле Маккеон уткан медалдарды Олимпиадага катышып жаткан 205 мамлекеттин ичинен 186 өлкөнүн жалпы спортчулары ала элек.

Посмотреть эту публикацию в Instagram

Публикация от Emma McKeon (@emmamckeon)

Эмма Маккеон 27 жашта, 2016-жылы Рио-де-Жанейро Олимпиадасында бир алтын, эки күмүш, бир коло байгеге ээ болгон.

Посмотреть эту публикацию в Instagram

Публикация от Emma McKeon (@emmamckeon)

Атасы Рон Маккеон жана бир тууган агасы Дэвид Маккеон да сууда сүзүү менен алектенет.

1505
Белгилер:
Австралия, медаль, Олимпиада-2020, Эмма Маккеон
Тема:
2021-жылы Токиодо өтө турган Олимпиада оюндары (248)
Тема боюнча
Айсулуу Тыныбекова Токио Олимпиадасынан күмүш медаль утту. Видео
Тарыхта Олимпиададан медаль алган биринчи кыз. Мээримдин жеңиши видеодо
Валентина Шевченко наносит удар Лорен Мерфи во время поединка за титул чемпиона мира по смешанным единоборствам среди женщин в наилегчайшем весе на турнире UFC 266 в Лас-Вегасе. 25 сентября 2021 года

Хабиб же Майкл Жордандай эле. Лорен Мерфи мушкер Валентина Шевченкого баа берди

87
(жаңыланган 10:47 18.10.2021)
Мушкер кыздардын беттеши UFC 266 мелдешинде болгон. Америкалык спортчу төртүнчү раундда нокаут менен жеңилген.

БИШКЕК, 18-окт. — Sputnik. ММА мушкери Лорен Мерфи кыргызстандык Валентина Шевченкого жеңилгени боюнча комментарий берди. UFC 266 мелдешиндеги беттеш тууралуу пикири BJ Penn басылмасына чыккан.

Таймаш 25-сентябрда Лас-Вегаста өткөн. Ал мелдештеги башкы беттештердин бири болгон. Шевченко төртүнчү раундда атаандашын нокаутка кетирип уткан.

"Валентина укмуштуудай мушташты. Деңгээли шумдук. Чынын айтсам, төртүнчү раунд таптакыр эсимде жок", — деген Мерфи.

Анын айтымында, калыс беттешти токтотуп туура чечим кабыл алган. Анткени ал Шевченкого эч кандай каршылык көрсөтө албай калган болчу. Эске салсак, төртүнчү бөлүктө кыргызстандык атлет сокку жаадырган, мындан улам рефери беттешти токтотуп, жеңишти Шевченкого ыйгарган.

"Жеңилүү эч кимге жакпайт. Негизи мен биринчи ирет нокаут менен утулдум. Жыйынтык башкача болот деп күткөм, бирок мыкты тажрыйба болду. Менимче, бул Майкл Жордан менен баскетбол ойногонго барабар. Же Хабиб Нурмагомедов менен мушташкан атлеттер ушундай сезимде калса керек. Шевченконун чынында эле деңгээли жогору", — деген ал.

Мерфини жеңип, кыргызстандык спортчу кыз UFC уюмунун жеңил салмактагы чемпиондук наамын алтынчы ирет удаасы менен коргоп калды.

87
Белгилер:
Лорен Мерфи, Валентина Шевченко, UFC, беттешүү, салыштыруу
Тема боюнча
Бетин катканына карабай ургулап. UFC турниринин эң кызыктуу учурлары видеодо
Валентина Шевченко Кыргызстандын туусун коюп пост жарыялады
UFC чемпиону Валентина Шевченко. Архивдик сүрөт

Валентина Шевченко Холли Берринин тасмасында кимдин ролун ойногон. Сүрөт

347
UFC чемпиону Шевченко Голливуд жылдызы Холли Берри менен тасмада спорттогу каршылаштардан болушат. Тасманын премьерасы 23-октябрда Netflix сервисинде көрсөтүлөт.

БИШКЕК, 17-окт. — Sputnik. UFC уюмунун эң жеңил салмактагы чемпиону, кыргызстандык Валентина Шевченко Instagram баракчасында Bruised ("В синяках", "Көгала болгондо") тасмасын тартуу учурундагы сүрөттөр менен бөлүштү.

Тасманын премьерасы 23-октябрда Netflix сервисинде болмокчу. Анда Шевченко башкы ролдогу Жекинин, тагыраагы, Холли Берринин спорттогу атаандашы болот. Сценарий боюнча, Жекинин карьерасы кичинекей уулу менен мамилесин оңдогондон кийин жанданат.

Шевченко Lady Killer (Киши өлтүргүч аял) каймана аты бар мушкердин ролун аткарат. Жеки маанилүү беттеште аны менен кармашып, мурдагы атак-даңкын кайтаргысы келет.

"Bruised тасмасында Lady Killer ролунда", — деп жазган Валентина.

Кинонун трейлери интернетке 14-октябрда чыккан. Тасма өзү 2019-жылдын декабрында тартылып бүткөн.

347
Белгилер:
UFC, Валентина Шевченко, тасма, роль, мушкер, беттешүү
Тема боюнча
Шевченко катышкан Холли Берринин тасмасынын трейлери чыкты. Видео
Татынакай! Шевченко Холли Берринин тасмасы боюнча маектеги сүрөтүн жарыялады
Аламүдүн району төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты

Аламүдүн: суу сактагычтан эркек кишинин сөөгү табылды. Сүрөт

0
(жаңыланган 00:27 19.10.2021)
Куткаруучулар 40-45 жаштагы эркек кишинин сөөгүн каналдан алып чыгып, аны милиция кызматкерлерине өткөрүп беришкен.

БИШКЕК, 19-окт. — Sputnik. Аламүдүн районунун төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты. Бул туурасында ӨКМдин маалымат кызматынан кабарлашты.

Окуя болгон жерге Аламүдүн райондук ӨКБден төрт куткаруучу барган. Алар 40-45 жаштагы эркек кишинин сөөгүн каналдан алып чыгып, милиция кызматкерлерине өткөрүп беришкен.

0
Белгилер:
Кыргызстан, Аламүдүн району, канал, өлүк, куткаруучу
Тема боюнча
Куткаруучулар суудан башка адамды издеп жатып, белгисиз сөөктү алып чыкты. Сүрөт