Бишкектеги киберспорттук мелдештин катышуучулары. Архив

Бишкекте киберспорттук мелдеш өтөт. Жеңүүчүлөр дүйнө чемпионатына катышат

170
(жаңыланган 15:26 05.08.2021)
Кыргызстандыктарга өз өлкөсүн эл аралык аренада даңазалоого жана квалификациялык мелдеште байгелүү орундарды алууга мүмкүнчүлүк түзүлдү.

БИШКЕК, 5-авг. — Sputnik. Бишкекте киберспорттун төрт түрүнөн IESF World Championship 2021 дүйнөлүк мелдешке тандап алуу боюнча турнир өтөт. Бул тууралуу өлкөнүн Компьютердик спорт федерациясы билдирди.

Тандоо турунун жалпы байге фонду 82 миң сом. Кыргызстандыктар үчүн ачык болгон мелдеш аталган оюндун CSGO (14-август), DOTA 2 (15-август), Tekken 7 жана PES 2020 (22-август) түрлөрүнөн болот.

Спорттук федерация өзүнүн расмий сайтына командалардын катталуусу үчүн шилтемелерди жана байге фонду, демөөрчүлөр, мелдеш өтүүчү жайдын дареги тууралуу маалыматтарды чыгарды. Мелдештин шарттары тууралуу төмөнкү шилтемеден кенен маалымат алууга болот.

Оюндун ар бир түрү боюнча жеңүүчүсү өз өлкөсүнүн атынан дүйнө чемпионатына катышат.

Эл аралык киберспорт федерациясы жыл сайын IESF World Championship мелдешин өткөрүп келет. Ал эми улуттук федерациялар тандоо оюндарын уюштуруп, мыктыларды тандап, курама команда түзүшөт. Быйыл дүйнөлүк биринчилик Израилде өтөт. Ага 106 өлкөнүн киберспортчулары катышары күтүлүүдө.

170
Белгилер:
Кыргызстан, киберспорт, мелдеш, Компьютердик спорт федерациясы
Тема боюнча
Турусбеков: өлкөдө компьютердик жана мобилдик оюн индустриясы өнүгүүдө
Спорттук зал. Архивдик сүрөт

Бишкекте Жапаровдун тапшырмасы менен балбан кыздарга спорттук зал курулат

61
Эске сала кетсек, быйыл кыргызстандык балбан кыздар тарых жаратты. Кыргызстандын тарыхында биринчи жолу Олимпиада оюндарында Айсулуу Тыныбекова күмүш, ал эми Мээрим Жуманазарова коло медаль алды,

БИШКЕК, 23-окт. — Sputnik. Президент Садыр Жапаровдун тапшырмасы боюнча Бишкек шаарында кыз-келиндер күрөшү менен машыгуу үчүн спорттук зал курууга жер тилкеси бөлүндү. Бул тууралуу өкмөттүн маалымат кызматы кабарлады.

"Министрлер кабинети жакынкы арада спорттук объектинин курулушун баштайт. Машыгуу жайы спортту жана сергек жашоо образын жайылтууга өбөлгө түзүп, жаштарды күрөшкө алып келет деп ишенебиз. Спорттук залда бардык зарыл шарттар каралат", — деп жазылган маалыматта.

Эске сала кетсек, быйыл кыргызстандык балбан кыздар тарых жаратты. Кыргызстандын тарыхында биринчи жолу аялдардын арасында Олимпиада оюндарында Айсулуу Тыныбекова күмүш, Мээрим Жуманазарова коло алды, ошондой эле Айпери Медет кызы бешинчи орунга татыды. Мындан сырткары, Норвегиянын Осло шаарында өткөн дүйнө чемпионатында Тыныбекова менен Жуманазарова алтын, Медет кызы коло уткан.

61
Белгилер:
Садыр Жапаров, кыз-келиндер күрөшү, спорттук зал, курулуш
Тема:
Жапаровдун 2021-жылдын октябрындагы маалымат жыйыны
Тема боюнча
Кыргызстандын футболдук союзу президент Садыр Жапаровго кайрылды
Футболчу. Архив

Футзал боюнча Кыргызстандын чемпионатынын "Суперлига" мелдеши башталат

22
Бул чемпионаттын өзгөчөлүгү, бардык оюндар Бишкектин Арча-Бешик конушундагы "Газпром" ден соолукту чыңдоо комплексинде өткөрүлөт.

БИШКЕК, 23-окт. — Sputnik. Футзал боюнча Кыргызстандын чемпионатынын "Суперлига" мелдешинин оюндары 24-октябрда башталат. Бул тууралуу өлкөнүн Футзал ассоциациясы билдирди.

2021-2022-жылдагы өлкө биринчилиги үчүн жети команда ат салышат.

Чемпионатта Бишкек шаарынан беш команда катышат. Алар BMG int, Steelex, "Дордой", "Топ-Тоголок", "Фарватер" командалары. Ал эми Чүй облусунан Zarya Novopavlovka жана "Биримдик-Сокулук" клубдары.

"Биринчилик эки этапта, баштапкы жана финалдык (плей-офф) баскычта өтөт. Баштапкы этапта төрт айлампада бардык командалар бири-бири менен "өз талаасында" жана "конокто" экиден беттеш өткөрүшөт. Мунун жыйынтыгы менен мыкты көрсөткүчтү камсыздаган алты команда плей-офф баскычына өтөт", — деп айтылат маалыматта.

Бул чемпионаттын өзгөчөлүгү, бардык оюндар Бишкектеги Арча-Бешик конушундагы "Газпром" ден соолукту чыңдоо комплексинде өткөрүлөт. Мындай чечим бардык клубдардын өкүлдөрүнүн макулдугу менен кабыл алынган.

 

22
Белгилер:
футзал, Кыргызстан, чемпионат
Тема боюнча
Футбол: Азия кубогуна тандоо оюндары борборлоштурулган форматта өтөт
Букуев: бешинчи ирет дүйнө чемпионатына катышсамбы деген кыялым бар
Кыргызтелеком ачык акционердик коомунун директорлор кеңешинин мүчөсү Канатбек Аскаров

Аскаров: "Кыргызтелеком" социалдык долбоорлорду тесттик режимде ишке киргизди

0
"Кыргызтелеком" ачык акционердик коомунун директорлор кеңешинин мүчөсү Канатбек Аскаров аталган мекеме бир катар социалдык долбоорлорду тесттик режимде ишке киргизгенин айтты.

"Кыргыз телеком" ААК "Телемедицина", "Коопсуз мектеп" жана "Жеткиликтүү санариптик дүйнө" социалдык долбоорлорду ишке киргизип жатат. Мунун артында мамлекеттик кызматтарды санариптештирип, калк үчүн жеткиликтүүлүктү камсыздайбыз. Бул тууралуу Канатбек Аскаров Sputnik Кыргызстан радиосунун эфиринде маек куруп жатып билдирди.

Аскаров: "Кыргызтелеком" социалдык долбоорлорду тесттик режимде ишке киргизди

Анын айтымында, "Кыргызтелеком" санариптештирүүнүн алкагында коопсуз мектеп, көчө, айыл, аймак жана республика статусуна жетүүнү көздөп жатат.

"Ишкана Кыргызстанда "Телемедицина" долбоорун ишке киргизүү боюнча техникалык өнөктөш болуу демилгесин көтөрдү. Мында оорукана акысыз интернет менен камсыз болуп, видео байланыш уюштуруу үчүн зарыл болгон жабдуулар сатып алынат. Дарыгерлер видео чалуу аркылуу кеп-кеңеш берип, илдетти аныктоо, дарылоо жана алдын алуу максатында башка мекемелердеги кесиптештери менен кеңешип, изилдөө жүргүзүүгө жана баа берүүгө зарыл болгон маалыматтар менен алмаша алат. Ал эми "Коопсуз мектеп" социалдык долбоорунда мектеп интернетке туташтырылып, видео байкоо жүргүзүүчү камералар орнотулат. Мобилдик тиркеменин жардамы менен мугалимдер, мектептин администрациясы, ата-энелер балдар сабактан кийинки бош учурда кантип убакыт өткөрүп, эмне менен алек экендигин онлайн көрүшөт. Бул долбоор окуу жайларга комплекстүү кызмат көрсөтүүнү камсыздоого багытталган жана аны ишке ашырууда артыкчылык Кыргызстандын алыскы аймактардагы окуу жайларына берилет. Андан тышкары "Жеткиликтүү санариптик дүйнө" долбоорунун алкагында "Кыргызтелеком" ААК айыл өкмөтүнүн имаратында Wi-Fi роутер орнотуп, акысыз интернет менен камсыздайт. Айылдын жашоочулары сейилдөө паркында интернет-байланышын эркин пайдаланып, жакындарына интернет аркылуу чалуу, дарыгерлерге кабыл алууга онлайн катталуу мүмкүнчүлүгүн алышат. Ал эми балдар коомдук статусуна карабастан, өнүгүү жана кошумча билим алуу үчүн интернет ресурстарын колдоно алышат", – деди Аскаров.

Ал аталган долбоорлор сынамык негизде Чүй облусунун Сокулук районунун Фрунзе айыл өкмөтүндө иштеп жатканын кошумчалады.

Подкасттын толук вариантын төмөнкү видеодон көрүңүз:

0
Белгилер:
Кыргызтелеком, долбоор
Тема боюнча
"Кыргызтелеком" интернетти 3,5 эсе арзан сатып ала баштады