Кыргызстандык UFC мушкери Рафаэль Физиев. Архив

Хабиб сыяктуу тосушкан жок... Физиев соцтармакта айтылгандарга пикир билдирди

8019
(жаңыланган 19:41 12.08.2021)
Август айынын башында Кыргызстанга Хабиб Нурмагомедов келген. Аны дасторкон жайып, жогорку деңгээлде тосуп алышкан. Ал эми Физиевди үй-бүлөсү гана тосуп чыккан. Соцтармакта бул эки учур салыштырылып, бир катар нааразычылыктар айтылды.

БИШКЕК, 12-авг. — Sputnik. Кыргызстандык UFC мушкери Рафаэль Физиев Кыргызстанга келгенде күйөрмандар тосуп чыкпаганы тууралуу социалдык тармактарда айтылып жаткан пикирлерге карата комментарий билдирди. Ал кайрылуусун өзүнүн Instagram баракчасынын сторис бөлүмүнө чыгарды.

Буга чейин социалдык тармактарда "Атаман" каймана аты бар Физиевди аэропорттон UFC уюмунун мурдагы чемпиону, россиялык Хабиб Нурмагомедовду тосуп алгандай эч ким күтүп чыкпаганы айтылган.

"Атаман" Кыргызстанга мурдагы күнү келген. Соцтармактарда аны аэропорттон үй-бүлөсү гана тосуп алганы, бийлик өкүлдөрү ага эч кандай маани бербегени сындалды. Жарандар август айынын башында Кыргызстанга келген Хабиб Нурмагомедовдун сапары менен салыштырышкан.

UFC уюмунун жеңилбес чемпиону Ысык-Көлдө өткөн Eagle Fighting Championship мелдешине атайын конок катары келген. Нурмагомедовдун урматына дасторкон жайылып, аны президент Садыр Жапаровдун уулу Рустам жана УКМКнын төрагасы Камчыбек Ташиевдин уулу Тай-Мурас коштоп жүргөн.

Бул боюнча Физиев Кыргызстанга келерин эч кимге айтпаганын, мындай көрүнүшкө түшүнүү менен мамиле жасаарын билдирген.

"Мен жеке өзүм буга окшогон салтанаттарды жактырбайм. Кыргызстанга туугандарымдан башкаларга көрүнбөй эле, тынч гана келгенди каалайм. Ошондуктан келеримди да бирөө-жарымга айткан жокмун. Мен эч кимге капа эмесмин. Бул менин каалоом боюнча гана болду. Баарыңарга салам!" — деген ал.

Өткөн жекшембиде Физиев UFC лигасындагы төртүнчү беттешин утту. Анда ал америкалык Бобби Грин менен кез келди. Үч раунддук таймаштан соң калыстардын чечими менен жеңиш кыргызстандыкка ыйгарылды.

Бул кармаш "кеченин таймашы" жана "абсолюттук шоу" деп табылып, мушкерлердин ар бири бонус катары 50 миң доллардан сый акы алышкан.

Беттештен соң UFC президенти Дана Уайт Физиевдин мыкты болууга эбегейсиз потенциалы бар экенин белгиледи.

8019
Белгилер:
Рафаэль Физиев, Кыргызстан, Бишкек, социалдык тармак, пикир, кайрылуу
Тема боюнча
Рафаэль Физиев UFC уюмунда 15 мыктынын катарына кирди. Жаңы рейтинг
UFC элитасына айланууда. Белгилүү журнал Физиев тууралуу ролик чыгарды
Физиевдин "кача берген" атаандашы, эсти оодарган нокауттар. UFC турниринин видеосу
Валентина Шевченко наносит удар Лорен Мерфи во время поединка за титул чемпиона мира по смешанным единоборствам среди женщин в наилегчайшем весе на турнире UFC 266 в Лас-Вегасе. 25 сентября 2021 года

Хабиб же Майкл Жордандай эле. Лорен Мерфи мушкер Валентина Шевченкого баа берди

87
(жаңыланган 10:47 18.10.2021)
Мушкер кыздардын беттеши UFC 266 мелдешинде болгон. Америкалык спортчу төртүнчү раундда нокаут менен жеңилген.

БИШКЕК, 18-окт. — Sputnik. ММА мушкери Лорен Мерфи кыргызстандык Валентина Шевченкого жеңилгени боюнча комментарий берди. UFC 266 мелдешиндеги беттеш тууралуу пикири BJ Penn басылмасына чыккан.

Таймаш 25-сентябрда Лас-Вегаста өткөн. Ал мелдештеги башкы беттештердин бири болгон. Шевченко төртүнчү раундда атаандашын нокаутка кетирип уткан.

"Валентина укмуштуудай мушташты. Деңгээли шумдук. Чынын айтсам, төртүнчү раунд таптакыр эсимде жок", — деген Мерфи.

Анын айтымында, калыс беттешти токтотуп туура чечим кабыл алган. Анткени ал Шевченкого эч кандай каршылык көрсөтө албай калган болчу. Эске салсак, төртүнчү бөлүктө кыргызстандык атлет сокку жаадырган, мындан улам рефери беттешти токтотуп, жеңишти Шевченкого ыйгарган.

"Жеңилүү эч кимге жакпайт. Негизи мен биринчи ирет нокаут менен утулдум. Жыйынтык башкача болот деп күткөм, бирок мыкты тажрыйба болду. Менимче, бул Майкл Жордан менен баскетбол ойногонго барабар. Же Хабиб Нурмагомедов менен мушташкан атлеттер ушундай сезимде калса керек. Шевченконун чынында эле деңгээли жогору", — деген ал.

Мерфини жеңип, кыргызстандык спортчу кыз UFC уюмунун жеңил салмактагы чемпиондук наамын алтынчы ирет удаасы менен коргоп калды.

87
Белгилер:
Лорен Мерфи, Валентина Шевченко, UFC, беттешүү, салыштыруу
Тема боюнча
Бетин катканына карабай ургулап. UFC турниринин эң кызыктуу учурлары видеодо
Валентина Шевченко Кыргызстандын туусун коюп пост жарыялады
UFC чемпиону Валентина Шевченко. Архивдик сүрөт

Валентина Шевченко Холли Берринин тасмасында кимдин ролун ойногон. Сүрөт

347
UFC чемпиону Шевченко Голливуд жылдызы Холли Берри менен тасмада спорттогу каршылаштардан болушат. Тасманын премьерасы 23-октябрда Netflix сервисинде көрсөтүлөт.

БИШКЕК, 17-окт. — Sputnik. UFC уюмунун эң жеңил салмактагы чемпиону, кыргызстандык Валентина Шевченко Instagram баракчасында Bruised ("В синяках", "Көгала болгондо") тасмасын тартуу учурундагы сүрөттөр менен бөлүштү.

Тасманын премьерасы 23-октябрда Netflix сервисинде болмокчу. Анда Шевченко башкы ролдогу Жекинин, тагыраагы, Холли Берринин спорттогу атаандашы болот. Сценарий боюнча, Жекинин карьерасы кичинекей уулу менен мамилесин оңдогондон кийин жанданат.

Шевченко Lady Killer (Киши өлтүргүч аял) каймана аты бар мушкердин ролун аткарат. Жеки маанилүү беттеште аны менен кармашып, мурдагы атак-даңкын кайтаргысы келет.

"Bruised тасмасында Lady Killer ролунда", — деп жазган Валентина.

Кинонун трейлери интернетке 14-октябрда чыккан. Тасма өзү 2019-жылдын декабрында тартылып бүткөн.

347
Белгилер:
UFC, Валентина Шевченко, тасма, роль, мушкер, беттешүү
Тема боюнча
Шевченко катышкан Холли Берринин тасмасынын трейлери чыкты. Видео
Татынакай! Шевченко Холли Берринин тасмасы боюнча маектеги сүрөтүн жарыялады
Аламүдүн району төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты

Аламүдүн: суу сактагычтан эркек кишинин сөөгү табылды. Сүрөт

0
(жаңыланган 00:27 19.10.2021)
Куткаруучулар 40-45 жаштагы эркек кишинин сөөгүн каналдан алып чыгып, аны милиция кызматкерлерине өткөрүп беришкен.

БИШКЕК, 19-окт. — Sputnik. Аламүдүн районунун төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты. Бул туурасында ӨКМдин маалымат кызматынан кабарлашты.

Окуя болгон жерге Аламүдүн райондук ӨКБден төрт куткаруучу барган. Алар 40-45 жаштагы эркек кишинин сөөгүн каналдан алып чыгып, милиция кызматкерлерине өткөрүп беришкен.

0
Белгилер:
Кыргызстан, Аламүдүн району, канал, өлүк, куткаруучу
Тема боюнча
Куткаруучулар суудан башка адамды издеп жатып, белгисиз сөөктү алып чыкты. Сүрөт