Көк-бөрү оюнчусу тай казанга улакты ыргытууда. Архивдик сүрөт

Тай казандан секирген БТР! Нурдиндин улакты кан дүргүтө салган видеосу

22686
(жаңыланган 15:36 25.08.2021)
Кызыктуу учур көк бөрү боюнча президенттин кубогуна арналган мелдеште "Ай-Тамга" — "Көк-Жал" командаларынын таймашында болду.

БИШКЕК, 24-авг. — Sputnik. Көк бөрү боюнча өлкөнүн биринчи лигасында ойногон "Көк-Жал" командасынын оюнчусу Нурдин Болотбеков БТР аттуу аргымагы менен буллиттен керемет салым жасады. Мындай окуя Чолпон-Ата шаарындагы ат майданда өтүп жаткан көк бөрү боюнча президенттин кубогуна арналган мелдеште "Ай-Тамга" — "Көк-Жал" командаларынын таймашында болду.

Кызыктуу учурдун видеосун көк бөрү спортуна байланышкан бир катар спорттук пабликтер жарыялашты. 

Посмотреть эту публикацию в Instagram

Публикация от КOK-BORU KG 🇰🇬 (@kokboru_kg)

"Көк-Жалдын" оюнчусу Нурдин Болотбеков буллит ыргытканы чыккан. Анын желдей ылдамдыкта келген БТР аргымагы тай казанга чукул калып, үстүнөн секирип өткөн. Бул учурда оюнчу улакты чеберчилик менен көздөгөн жерге таштап жетишкен.

Биринчи лигада өнөр көрсөткөн бул командалар бүгүн, 24-августта, биринчи оюнда кез келишти. Негизги бөлүк 3:3 тең эсеп менен аяктаган. Буллиттин жыйынтыгында "Ай-Тамганын" улакчылары таамай ыргытып, жеңишти илип кетишкен.

Эске салсак, азыр биринчи лиганын командаларынын тайпалык беттештери өтүүдө. Анын жүрүшүн "КТРК-Спорт" каналы түз алып көрсөтүп жатат.

22686
Белгилер:
Көк бөрү, аргымак, команда, тай казан
Тема боюнча
Көк бөрү: президенттин кубогунда чет өлкөлүк командалар эл аралык лигада ойношот
Салымбеков: көк бөрүнү даңазалоо максатында даректүү тасма тартыла баштады
Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында

Аскага чыкканына сүйүнгөн спортчу секире коюп олуттуу жаракат алды. Видео

122
(жаңыланган 14:43 20.09.2021)
Спортчу трассадан ийгиликтүү өтүп, бирок матка туура эмес секирип алып тура албай калган. Медиктер аны замбил менен көтөрүп кетишти.

БИШКЕК, 20-сен. — Sputnik. Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында олуттуу жаракат алды.

Жарым финалда спортчу трассага ийгиликтүү чыгып, сүйүнгөнүнөн секирип жерге туура эмес түшкөн. Ал белин кармап тура албай калганда медиктер замбилге салып көтөрүп кеткен.

Аскага чыгуу боюнча дүйнөлүк чемпионат Москвада 15-сентябрда башталган, жарыш эртең жыйынтыкталат. Ага дүйнө жүзүнөн келген 188 аскага чыгуучу катышууда.

122
Белгилер:
Москва, спортчу, чыгуу, жаракат
Тема боюнча
Мессинин буту сынып кала жаздады... Оюндагы опурталдуу учурдун видеосу
Жаракат алгандары бар... Казакстанда спортчулар чабыша кеткен видео

Бизнестен, батирден баш тартып. Кыргызстандык түгөйлөрдүн шыктандырган видеосу

185
(жаңыланган 13:53 20.09.2021)
Калыбек Кадыр менен Чолпон Даниярова 30 жылдан бери бирге түтүн булатып келишет. Мурда алар бизнес менен алектенишсе, кийин бул үй-бүлө жашоосун таптакыр башка нукка өзгөрткөн.

Алар шаардагы бардык ыңгайлуулуктар түзүлгөн шарттан, батирден баш тартышкан. Жайында Ысык-Көлдө жашаса, кышында жылуу өлкөлөргө кетип калышат.

Калыбек кайтсёрфингге, Чолпон сапсёрфингге үйрөтөт. Түгөйлөр эми алардын өзүнүн сүйгөн ишине жана спортко көңүл бурууга мезгил келгендигин айтып беришти. Балдар чоңойду, аларга кам көрүп карагыдай кичинекей эмес. Андыктан өмүрдү кызыктуу кылып өткөрүп, рахатын көрүү керек дешет.

185
Белгилер:
Кыргызстан, Балыкчы, Ысык-Көл, түгөй, кайтсерфинг, сапсерфинг
Тема боюнча
"Орёл и решканын" экинчи бөлүгү чыкты. Ысык-Көлдө тартылган видео
Нарын шаарынын мэри Самарбек Болотбеков. Архив

Нарындын мэри Болотбеков сыртка чыкпоо тил каты менен бошотулду

0
Шаар башчысы 2020-жылы өткөн паралменттик шайлоо маалында коррупциялык иштерге аралашкан деп шектелүүдө.

БИШКЕК, 21-сен. — Sputnik. Нарын шаарынын мэри Самарбек Болотбеков сыртка чыкпоо тил катынын негизинде бошотулду. Бул туурасында Биринчи май райондук сотунун маалымат кызматы билдирди.

Мындай чечим кечээ, 20-сентябрда, чыккан. Болотбеков шайлоодогу коррупциялык иштерге аралашкан деп шектелүүдө.

УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Руслан Чойбековду 16-сентябрда кармаган. Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо "Кыргызстан" партиясынан талапкер болгон, учурда Нарындын мэри Самарбек Болотбеков кармалган болчу.

0
Белгилер:
Самарбек Болотбеков, мэр, кармоо, коррупция, бошотуу
Тема боюнча
500 миң долларлык мүлк. "Кыргызстандын" дагы бир экс-депутаты кармалды