Волейбол тобу. Архивдик сүрөт

Волейбол: Кыргызстан Азиянын жогорку деңгээлдеги мелдешине катышат

715
Мындай жогорку баскычтагы турнирге улуттук курама команда алгачкы ирет чакырылып жатат. Мелдеш Ирандын Тегеран шаарында өтөрү белгиленген.

БИШКЕК, 25-авг. — Sputnik. Волейбол боюнча Кыргызстандын улуттук командасы зоналык Азиянын 2021-жылдагы финалдык раундундагы мелдешке катышат. Маалыматты өлкөнүн аталган спорт боюнча федерациясынын башкы катчысы Кылыч Сарбагишев Sputnik Кыргызстанга тастыктады.

Анын айтымында, чөлкөмдүн борбордук зонасындагы мыкты алты команданын арасындагы Азия чемпионаты Иранда өтөрү белгиленген.

"Кыргызстан дүйнөлүк рейтингде жогорку орундарда турган Иран, Индия, Пакистан, Шри-Ланка, Казакстан сыяктуу командалар менен ат салышат. Мындай жогорку деңгээлдеги турнирге улуттук курама команда алгачкы ирет чакырылууда. Мелдеш Иранда болору белгиленген. Учурда алар жаштар арасында дүйнө чемпионатын өткөрүп жатканына байланыштуу биз катыша турган мелдеш кийинкиге жылдырылган", — деди Сарбагишев.

Кыргызстандын футбол боюнча курама командасы машыгуу учрунда. Архив
© Фото / пресс-служба Кыргызского футбольного союза
Эске салсак, Кыргызстандын улуттук курама командасы 2017-жылы Мальдив аралдарында өткөн зоналык Азия мелдешинде жана 2019-жылы Непалда болгон турнирде чемпион болгон

Ал эми жакында эле Өзбекстандын Фергана облусунда өткөн оюнда экинчи орунду камсыздаган. Бул ийгиликтери менен улуттук команда Азиянын борбордук зонасынын финалында ойноочу алты мыктынын катарына кирген.

715
Белгилер:
волейбол, Кыргызстан, курама команда, команда, Азия чемпионаты
Тема боюнча
Кыргыз волейболчуларын колдойлу! Кадамжайлыктар 6 бус менен Ферганага кетти. Видео
Кыргызстандын волейболчулары Борбор Азия чемпионатында экинчи орунду ээледи
Мүмкүнчүлүгү чектелген жарандар катышкан марафондо. Архивдик сүрөт

Бишкекте мүмкүнчүлүгү чектелген жарандар катышкан жарым марафон аяктады. Сүрөт

45
(жаңыланган 14:43 19.09.2021)
Иш-чараны "Марафондор дирекциясы" коомдук фонду бир нече министрликтер, Бишкек мэриясы жана демөөрчүлөрдүн көмөгү менен өткөргөн.

БИШКЕК, 19-сен. — Sputnik. Борбор калаада ден соолугу жактан мүмкүнчүлүгү чектелген жарандар катышкан жарым марафон болуп өттү. Бул тууралуу уюштуруучулар кабарлады.

Иш-чараны "Марафондор дирекциясы" бир нече министрликтер, Бишкек мэриясы жана демөөрчүлөрдүн көмөгү менен өткөргөн.

Посмотреть эту публикацию в Instagram

Публикация от МЗиСР КР (@mzsr.kg)

Жарым марафонго ден соолугунан мүмкүнчүлүгү чектелген аялдар, эркектер болуп өзүнчө, атайын коляскада отуруп, коштоочулардын жардамы менен жүргөндөр жана чуркоону каалагандар өзүнчө категория менен катышкан.

Анын жыйынтыгында жеңүүчүлөр аныкталып, аларга сыйлыктар тапшырылган.

Жарым марафонго саламаттыкты сактоо жана социалдык өнүктүрүү министри Алымкадыр Бейшеналиев, Бишкек шаарынын мэри Айбек Жунушалиев, ЕККУнун Бишкектеги программалык кеңсесинин өкүлү катышкан.

Спорттун олимпиадалык эмес түрлөрү дирекциясынын усулчусу Адилет Камчыбеков мурдараак бул иш-чарага ден соолугунан мүмкүнчүлүгү чектелип, коляскада отурган 100 адамдын катышарын айткан.

45
Белгилер:
Кыргызстан, Бишкек, марафон, ден соолугу боюнча мүмкүнчүлүгү чектелген адамдар, адам
Тема боюнча
Абакирова: "Ак илбирсти сактайбыз" жарышынан түшкөн акчага эки "Нива" алынат

Лас-Вегаста өткөн UFC турниринин урунттуу учурлары. Видео

80
Өткөн түнү АКШда дүйнөлүк промоутерлик компаниянын UFC Vegas 37 турнири болуп өттү. Уюм мелдештин эң кызыктуу учурларын бир видеого топтоду.

Кеченин башкы беттешинде америкалык Энтони Смит менен Райан Спэнн кармашты. Беттештин биринчи раундунун төртүнчү мүнөтүндө Смит муунтуу ыкмасы менен жеңишти камсыздаган.

Негизги карддын алкагында дагы беш кармаш өтүп, видео топтомго киргизилген.

80
Белгилер:
UFC, турнир, видео
Тема боюнча
Валентина Шевченконун таймаштарындагы унутулгус ирмемдер. Видео
Мотоциклчен киши. Архивдик сүрөт

Мотоциклчен киши аэропортко кеткен трассадан жөө адамды коюп, жол жабылды

0
(жаңыланган 23:34 19.09.2021)
Жолго 50дөй киши топтолуп ызы-чууга түштү. Кырсыктын кесепетинен болжол менен 50 жаш курагындагы киши каза болду.

БИШКЕК, 19-сен. — Sputnik. "Манас" аэропортуна кеткен жолдо мотоциклчен киши жөө адамды коюп кетти. Бул тууралуу Чүй облустук милиция билдирди.

Окуя бүгүн саат 20:00дө болгон. Маалыматка караганда, кырсыктын кесепетинен жөө киши набыт болгон. Болжол менен ал 50 жашта. Активист Болот Ибрагимов авариядан кийин тартылган видеону соцтармакка жарыялады.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Кадрдан жол убактылуу жабылып калганын көрүүгө болот. Топтолгон 50дөй киши ызы-чууга түшкөн. Милициянын божомолу боюнча, алар жергиликтүү тургундар менен мотоциклчен кишинин достору болушу мүмкүн.

Чүй ОИИББдин маалымат кызматы саат 21:00дөр чамасында Манас айылынын жашоочулары Бишкек — аэропорт жолун тосуп, жол кырсыктарына нааразычылыктарын билдиришкенин кабарлады.

"Учурда милиционерлер жергиликтүү тургундарга түшүндүрүү иштерин жүргүзүп жатат", — деди ОИИББден.

Түнкү саат 11лер чамасында эл тарай элек болчу.

0
Белгилер:
Бишкек, милиция, жол кырсык, мотоцикл
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкекте жүк ташыган поездге урунуп 21 жаштагы жигит каза тапты