Көк бөрү боюнча президенттин кубогу эл аралык мелдешине катышуу үчүн Өзбекстандын курама командасы келди

Көк бөрү мелдешине катышуу үчүн Өзбекстандын командасы келди

451
(жаңыланган 10:46 25.08.2021)
Бүгүн, 25-августта, мелдештин эл аралык жана жогорку лигасында ойноочу командалар чүчү кулак кармашат.

БИШКЕК, 25-авг. — Sputnik. Көк бөрү боюнча президенттин кубогу эл аралык мелдешине катышуу үчүн Өзбекстандын курама командасы келди. Бул тууралуу аталган спорт боюнча федерациянын маалымат кызматы билдирди. 

Өзбекстандын "Улок-купкари" федерациясынын башкы катчысы Равшан Ахмадов жетектеген команданы "Манас" эл аралык аэропортунан улуттук федерациянын башкы катчысы Куватбек Аскарбеков жана Көк бөрү федерациясынын Ош облусу боюнча жетекчисинин орун басары Абди Исаков тосуп алышты.

Өзбекстандын курама командасы 26-31-август күндөрү Чолпон-Ата шаарындагы ат майданда өтө турган Көк бөрү боюнча Кыргызстан президентинин кубогу үчүн эл аралык мелдешке катышууга келди.

Алар мелдештин эл аралык лигасында ат салышат. Бүгүн, 25-августта, мелдештин эл аралык жана жогорку лигасында ойноочу командалар чүчү кулак кармашат.

Белгилей кетсек, президенттин кубогу мелдеши Кыргызстандын эгемендүүлүгүнүн 30 жылдыгына карата өткөрүлүүдө. Быйыл ага бир катар чет өлкөлөрдөн командалар чакырылган. Мындан улам турнирдин форматы кеңейтилип, эл аралык лига түзүлгөн.

451
Белгилер:
Көк бөрү, Кыргызстан, мелдеш, Өзбекстан
Тема боюнча
Көк бөрү: президенттин кубогунда чет өлкөлүк командалар эл аралык лигада ойношот
Дастан Жумабеков Көк бөрү федерациясынын Таластагы жетекчиси болуп шайланды
Салымбеков: көк бөрүнү даңазалоо максатында даректүү тасма тартыла баштады
Мүмкүнчүлүгү чектелген жарандар катышкан марафондо. Архивдик сүрөт

Бишкекте мүмкүнчүлүгү чектелген жарандар катышкан жарым марафон аяктады. Сүрөт

46
(жаңыланган 14:43 19.09.2021)
Иш-чараны "Марафондор дирекциясы" коомдук фонду бир нече министрликтер, Бишкек мэриясы жана демөөрчүлөрдүн көмөгү менен өткөргөн.

БИШКЕК, 19-сен. — Sputnik. Борбор калаада ден соолугу жактан мүмкүнчүлүгү чектелген жарандар катышкан жарым марафон болуп өттү. Бул тууралуу уюштуруучулар кабарлады.

Иш-чараны "Марафондор дирекциясы" бир нече министрликтер, Бишкек мэриясы жана демөөрчүлөрдүн көмөгү менен өткөргөн.

Посмотреть эту публикацию в Instagram

Публикация от МЗиСР КР (@mzsr.kg)

Жарым марафонго ден соолугунан мүмкүнчүлүгү чектелген аялдар, эркектер болуп өзүнчө, атайын коляскада отуруп, коштоочулардын жардамы менен жүргөндөр жана чуркоону каалагандар өзүнчө категория менен катышкан.

Анын жыйынтыгында жеңүүчүлөр аныкталып, аларга сыйлыктар тапшырылган.

Жарым марафонго саламаттыкты сактоо жана социалдык өнүктүрүү министри Алымкадыр Бейшеналиев, Бишкек шаарынын мэри Айбек Жунушалиев, ЕККУнун Бишкектеги программалык кеңсесинин өкүлү катышкан.

Спорттун олимпиадалык эмес түрлөрү дирекциясынын усулчусу Адилет Камчыбеков мурдараак бул иш-чарага ден соолугунан мүмкүнчүлүгү чектелип, коляскада отурган 100 адамдын катышарын айткан.

46
Белгилер:
Кыргызстан, Бишкек, марафон, ден соолугу боюнча мүмкүнчүлүгү чектелген адамдар, адам
Тема боюнча
Абакирова: "Ак илбирсти сактайбыз" жарышынан түшкөн акчага эки "Нива" алынат

Лас-Вегаста өткөн UFC турниринин урунттуу учурлары. Видео

84
Өткөн түнү АКШда дүйнөлүк промоутерлик компаниянын UFC Vegas 37 турнири болуп өттү. Уюм мелдештин эң кызыктуу учурларын бир видеого топтоду.

Кеченин башкы беттешинде америкалык Энтони Смит менен Райан Спэнн кармашты. Беттештин биринчи раундунун төртүнчү мүнөтүндө Смит муунтуу ыкмасы менен жеңишти камсыздаган.

Негизги карддын алкагында дагы беш кармаш өтүп, видео топтомго киргизилген.

84
Белгилер:
UFC, турнир, видео
Тема боюнча
Валентина Шевченконун таймаштарындагы унутулгус ирмемдер. Видео
Мотоциклчен киши. Архивдик сүрөт

Мотоциклчен киши аэропортко кеткен трассадан жөө адамды коюп, жол жабылды

0
(жаңыланган 23:34 19.09.2021)
Жолго 50дөй киши топтолуп ызы-чууга түштү. Кырсыктын кесепетинен болжол менен 50 жаш курагындагы киши каза болду.

БИШКЕК, 19-сен. — Sputnik. "Манас" аэропортуна кеткен жолдо мотоциклчен киши жөө адамды коюп кетти. Бул тууралуу Чүй облустук милиция билдирди.

Окуя бүгүн саат 20:00дө болгон. Маалыматка караганда, кырсыктын кесепетинен жөө киши набыт болгон. Болжол менен ал 50 жашта. Активист Болот Ибрагимов авариядан кийин тартылган видеону соцтармакка жарыялады.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Кадрдан жол убактылуу жабылып калганын көрүүгө болот. Топтолгон 50дөй киши ызы-чууга түшкөн. Милициянын божомолу боюнча, алар жергиликтүү тургундар менен мотоциклчен кишинин достору болушу мүмкүн.

Чүй ОИИББдин маалымат кызматы саат 21:00дөр чамасында Манас айылынын жашоочулары Бишкек — аэропорт жолун тосуп, жол кырсыктарына нааразычылыктарын билдиришкенин кабарлады.

"Учурда милиционерлер жергиликтүү тургундарга түшүндүрүү иштерин жүргүзүп жатат", — деди ОИИББден.

Түнкү саат 11лер чамасында эл тарай элек болчу.

0
Белгилер:
Бишкек, милиция, жол кырсык, мотоцикл
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкекте жүк ташыган поездге урунуп 21 жаштагы жигит каза тапты