UFC уюмунун жеңил салмактагы экс-чемпиону Хабиб Нурмагомедов. Архивдик сурөт

Хабиб Нурмагомедов афгандыктардан кечирим сурады. Себеби

606
(жаңыланган 16:28 25.08.2021)
Буга чейин айрым фанаттар Нурмагомедовду Афганистанга карата өзүнүн позициясын билдирбегени үчүн катуу сынга алышкан.

БИШКЕК, 25-авг. — Sputnik. UFC уюмунун жеңил салмактагы экс-чемпиону Хабиб Нурмагомедов Афганистандагы кырдаал тууралуу айткан пикирине комментарий берип, сөзүнө таарынгандардын баарынан кечирим сурады. Бул тууралуу Р-Спорт маалымат булагы жазды.

Нурмагомедов 18-августта кенен маалымат жыйын курган. Анда журналисттер Афганистандагы абал тууралуу көз карашын сураган. Мушкер Афганистанга эч кандай тиешеси жоктугун белгилеп, ал суроого жооп бергенден баш тарткан. Экс-чемпиондун бул айткандарына капаланган айрым күйөрмандар анын Instagram баракчасына сындаган комментарийлерди жазган.

"Мен саясат тууралуу сүйлөгүм келген эмес. Ал пикирим үчүн мен күйөрмандардан чындыгында катуу сын уктум. Айтканымды кайрадан көрүп чыктым. Көрсө менин "миң чакырым алыстагы Афганистанга эч кандай тиешем жок" деген сөзүм орой айтылыптыр", — деген спортчу.

Хабиб афган эли менен тыгыз байланышы бар экенин, ал АКШда афгандыктар эң көп жашаган аймакка жакын жерде турарын белгилеген.

"Мындан тышкары, менин Афганистандан келген көптөгөн досторум, жакын адамдарым бар. Суроого жооп берип жатып мен саясий кырдаал тууралуу сөз кылууну каалабаганымды билдирейин деген болчумун. Эгер менин сөзүм кимдир-бирөөнү таарынткан болсо, анда алар мени кечирет деп үмүттөнөм. Мен алардан кечирим сурагандан уялбайм, ар бир инсан жаңылат", — деген мушкер.

Нурмагомедов ошондой эле Афганистандын тургундары эбегейсиз чыдамкай эл экенин кошумчалап, ал жактагы кырдаалдын курчушу кейиштүү окуя экенин айткан.

"Афганистан башынан не деген гана күндөрдү өткөрбөдү, эли чыдамкай. Элине аябай оор болду. Кабатыр болдум. Аларга жакшылыктарды каалайм", — деп билдирди ал.

Афганистандагы абал акыркы жумаларда талибдер ири шаарларга кол салгандан тарта курчуду. ЖМКлар жана маалымат булактар 15-августтан тарта "Талибан"* согушкерлери өлкөнүн бардык чек ара өткөрмө бекеттерин көзөмөлгө алганын жазышты. Ошол эле күнү кечирээк согушкерлер Кабулга кирип, президенттик сарайды колго алганын билдирип чыгышкан. Президент Ашраф Гани "кыргынды болтурбоо үчүн" өлкөдөн чыгып кеткенин айтты. Дүйшөмбүгө караган түнү "Талибан" кыймылынын саясий кеңсесинин расмий өкүлү Мухаммед Наим өлкөдө дээрлик 20 жылга созулган согуш аяктаганын жар салып, мамлекетти башкаруунун жаңы формасы жакынкы күндөрү анык болорун билдирген.

"Талибан"* —  Кыргызстанда жана башка бир катар мамлекеттерде террордук топ катары тыюу салынган уюм.

606
Белгилер:
Афганистан, Хабиб Нурмагомедов, билдирүү, сын, түшүндүрүү
Тема боюнча
Нурмагомедов келген көл жээктеги Eagle FC турнири. 17 сүрөт
Боксчу Мэнни (Эммануль) Пакьяо. Архивдик сүрөт

Боксчу Мэнни Пакьяо Филиппиндин президенттигине ат салышмай болду

88
Пакьяо 2022-жылы өтө турчу шайлоого бийликтин "Филиппин демократиялык партиясы — эл бийлиги" партиясы менен барат. Беш жылдан бери сенат болуп келет.

БИШКЕК, 20-сен. — Sputnik. Боксчу Мэнни (Эммануль) Пакьяо Филиппиндин президенттигине талапкерлигин койду. Бул тууралуу CNN Philippines телеканалына шилтеме берип "Известия" жазды. 

42 жаштагы Пакьяо беш жылдан бери сенатор болуп келет. Ал расмий түрдө бийликтин "Филиппин демократиялык партиясы — эл бийлиги" (PDP-Laban) партиясы менен шайлоого аттанууда.

Бокс боюнча дүйнөнүн мурдагы чемпиону 2016-жылдан бери сенатор болуп келет. Филиппинде президенттик шайлоо 2022-жылы өтөт.

Учурдагы президент Родриго Дутерте вице-президент кызматы үчүн гана ат салышат, анткени Филиппиндин мыйзамына ылайык, мамлекет башчылыкка эки жолу талапкер боло албайт.

88
Белгилер:
Филиппиндер, Мэнни Пакьяо, шайлоо, президент
Тема боюнча
Тайсон боксташып жүрөт. Депутаттар 43 жашында пенсияга чыккан офицерлерди сындады
Кунасов: бокс боюнча машыктыруучулардын, калыстардын айлыгы өтө аз
Мүмкүнчүлүгү чектелген жарандар катышкан марафондо. Архивдик сүрөт

Бишкекте мүмкүнчүлүгү чектелген жарандар катышкан жарым марафон аяктады. Сүрөт

52
(жаңыланган 14:43 19.09.2021)
Иш-чараны "Марафондор дирекциясы" коомдук фонду бир нече министрликтер, Бишкек мэриясы жана демөөрчүлөрдүн көмөгү менен өткөргөн.

БИШКЕК, 19-сен. — Sputnik. Борбор калаада ден соолугу жактан мүмкүнчүлүгү чектелген жарандар катышкан жарым марафон болуп өттү. Бул тууралуу уюштуруучулар кабарлады.

Иш-чараны "Марафондор дирекциясы" бир нече министрликтер, Бишкек мэриясы жана демөөрчүлөрдүн көмөгү менен өткөргөн.

Посмотреть эту публикацию в Instagram

Публикация от МЗиСР КР (@mzsr.kg)

Жарым марафонго ден соолугунан мүмкүнчүлүгү чектелген аялдар, эркектер болуп өзүнчө, атайын коляскада отуруп, коштоочулардын жардамы менен жүргөндөр жана чуркоону каалагандар өзүнчө категория менен катышкан.

Анын жыйынтыгында жеңүүчүлөр аныкталып, аларга сыйлыктар тапшырылган.

Жарым марафонго саламаттыкты сактоо жана социалдык өнүктүрүү министри Алымкадыр Бейшеналиев, Бишкек шаарынын мэри Айбек Жунушалиев, ЕККУнун Бишкектеги программалык кеңсесинин өкүлү катышкан.

Спорттун олимпиадалык эмес түрлөрү дирекциясынын усулчусу Адилет Камчыбеков мурдараак бул иш-чарага ден соолугунан мүмкүнчүлүгү чектелип, коляскада отурган 100 адамдын катышарын айткан.

52
Белгилер:
Кыргызстан, Бишкек, марафон, ден соолугу боюнча мүмкүнчүлүгү чектелген адамдар, адам
Тема боюнча
Абакирова: "Ак илбирсти сактайбыз" жарышынан түшкөн акчага эки "Нива" алынат
Бишкектеги Патрулдук милиция кызматкери

Эскертүү! Автоунаа салыгын төлөбөгөндөргө карата рейд жүрүп жатат

0
(жаңыланган 12:02 20.09.2021)
Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет.

БИШКЕК, 20-сен. — Sputnik. Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат. Бул тууралуу аталган органдын маалымат кызматы билдирди.

Быйыл автоунаа салыгын төлөө мөөнөтү 1-сентябрда аяктаган.

  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат
    © Фото / пресс-служба ГНС КР
  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Быйыл автоунаа салыгын төлөө мөөнөтү 1-сентябрда аяктаган
    © Фото / пресс-служба ГНС КР
  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет. Мындан улам Салык кызматы акчаны азыр төлөөгө чакырат
    © Фото / пресс-служба ГНС КР
1 / 3
© Фото / пресс-служба ГНС КР
Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат

Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет. Мындан улам Салык кызматы акчаны азыр төлөөгө чакырат.

Маалыматта рейддер салык төлөбөгөндөрдү жазалоо максатында гана эмес, калк арасында түшүндүрүү иштерин жүргүзүү үчүн да өткөрүлүп жатканы кошумчаланган.

0
Белгилер:
автоунаа, салык, төлөө, рейд, айып
Тема боюнча
Документтерди эми милиционерлерге смартфондон эле көрсөтсө болот. Шарттары
Кыргызстанда бажы салыгы эки эсеге көбөйдүбү? Расмий жооп