Беларустун Неман клубунун жарым коргоочусу, кыргызстандык футболчу Алимардон Шукуров. Архивдик сүрөт

Алимардон Шукуров АФКда аптанын мыкты футболчусуна талапкер болууда

392
(жаңыланган 17:39 25.08.2021)
"Неман" клубу өткөн аптада "Минск" клубун 4:0 эсебинде уткан. Командага жеңиш алып келген голдордун бирин кыргызстандык футболчу киргизген.

БИШКЕК, 25-авг. — Sputnik. Беларустун "Неман" клубунун жарым коргоочусу, кыргызстандык футболчу Алимардон Шукуров Азия футбол конфедерациясынын (АФК) "Аптанын футболчусу" наамына ат салышып жатат. Ал Өзбекстан, Корея, Иран, Япония жана Австралия оюнчуларынын, жалпысынан 10 талапкердин катарында күч сынашып жатканы аталган уюмдун расмий сайтына чыкты. 

Беларустук "Неман" өткөн аптада "Минск" клубун 4:0 эсебинде уткан. Командага жеңиш алып келген төрт голдун үчүнчүсүн кыргызстандык футболчу киргизген

Кезектеги чабуулда Шукуров айып сызыгынын сыртынан дарбазанын үстүңкү бурчуна таамай тепкен. Гол жеңишке болгон ишенимди бекемдегени жана кооздугу менен да айырмаланды. Бул улуттук команданын жарым коргоочусу үчүн Беларусь чемпионатындагы дебюттук гол болуп саналат.

Алимардон Шукуров "Неман" клубуна ушул жылдын февраль айында өткөн.

Мыкты футболчуга добуш берүү 28-август саат 17:00гө чейин созулат. Күйөрмандар шилтеме аркылуу кыргызстандык футболчуга добуш бере алат. 

392
Белгилер:
футбол, футболчу, АФК, тандоо, Алимардон Шүкүров
Тема боюнча
Кыргызстандын футболчулары "Үч улуттун кубогу" мелдешине даярдана баштады. Сүрөт
Керемет оюн! Футболчу Дүйшөбековдун Бангладештеги голдору, чыгарган пастары видеодо
Футболчу Алимардон Шүкүровдун "Немандагы" дебюттук кооз голу. Видео
Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында

Аскага чыкканына сүйүнгөн спортчу секире коюп олуттуу жаракат алды. Видео

77
(жаңыланган 14:43 20.09.2021)
Спортчу трассадан ийгиликтүү өтүп, бирок матка туура эмес секирип алып тура албай калган. Медиктер аны замбил менен көтөрүп кетишти.

БИШКЕК, 20-сен. — Sputnik. Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында олуттуу жаракат алды.

Жарым финалда спортчу трассага ийгиликтүү чыгып, сүйүнгөнүнөн секирип жерге туура эмес түшкөн. Ал белин кармап тура албай калганда медиктер замбилге салып көтөрүп кеткен.

Аскага чыгуу боюнча дүйнөлүк чемпионат Москвада 15-сентябрда башталган, жарыш эртең жыйынтыкталат. Ага дүйнө жүзүнөн келген 188 аскага чыгуучу катышууда.

77
Белгилер:
Москва, спортчу, чыгуу, жаракат
Тема боюнча
Мессинин буту сынып кала жаздады... Оюндагы опурталдуу учурдун видеосу
Жаракат алгандары бар... Казакстанда спортчулар чабыша кеткен видео

Бизнестен, батирден баш тартып. Кыргызстандык түгөйлөрдүн шыктандырган видеосу

107
(жаңыланган 13:53 20.09.2021)
Калыбек Кадыр менен Чолпон Даниярова 30 жылдан бери бирге түтүн булатып келишет. Мурда алар бизнес менен алектенишсе, кийин бул үй-бүлө жашоосун таптакыр башка нукка өзгөрткөн.

Алар шаардагы бардык ыңгайлуулуктар түзүлгөн шарттан, батирден баш тартышкан. Жайында Ысык-Көлдө жашаса, кышында жылуу өлкөлөргө кетип калышат.

Калыбек кайтсёрфингге, Чолпон сапсёрфингге үйрөтөт. Түгөйлөр эми алардын өзүнүн сүйгөн ишине жана спортко көңүл бурууга мезгил келгендигин айтып беришти. Балдар чоңойду, аларга кам көрүп карагыдай кичинекей эмес. Андыктан өмүрдү кызыктуу кылып өткөрүп, рахатын көрүү керек дешет.

107
Белгилер:
Кыргызстан, Балыкчы, Ысык-Көл, түгөй, кайтсерфинг, сапсерфинг
Тема боюнча
"Орёл и решканын" экинчи бөлүгү чыкты. Ысык-Көлдө тартылган видео
Элчи Тотуяев этникалык кыргыздар менен жолугушуусу

Элчи Тотуяев Пакистанда жашаган этникалык кыргыздар менен жолукту. Сүрөт

9
(жаңыланган 17:17 20.09.2021)
Элчи боордоштордун Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген.

БИШКЕК, 20-сен. — Sputnik. Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту. Бул тууралуу Тышкы иштер министрлигинин маалымат кызматы билдирди.

Жолугушуунун алкагында элчи этникалык кыргыздардын Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген. Ошондой эле ар кандай укуктук, социалдык жана күнүмдүк маселелерди чечүүдө ар тараптуу жардам көрсөтүүгө даярдыгын айткан.

Встреча посла КР в Пакистане Уланбека Тотуяева с представителями этнических кыргызов, проживающими в Пакистане. 20 сентября 2021 года
© Фото / пресс-служба МИД КР
Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту

Өз кезегинде этникалык кыргыздар Кыргыз-Пакистан мамилесин өнүктүрүүгө жана Пакистанда Кыргызстандын имиджин бекемдөөгө багытталган мындан аркы биргелешкен иштерге кызыкдар экенин билдиришкен.

Тараптар Пакистандагы кыргыздардын жана Ала-Тоого көчүп кетүүнү каалаган кайрылмандардын укуктук сабаттуулугун жогорулатуу максатында жашаган жерлерине элчинин жакын арада баруусун макулдашты.

9
Белгилер:
Пакистан, этникалык кыргыздар, элчи, жолугушуу, Уланбек Тотуяев
Тема боюнча
Өзбекстанда канча этникалык кыргыз жашаары айтылды
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек