Дзюдочу кыз. Иллюстративдик сүрөт

Паралимпиада: мелдешке алгачкы болуп дзюдочу Хайитхон Хусан кызы чыгат

364
Кыргызстандык пара дзюдочу кыз 28-августта килемге чыгат. Анын атаандашы казакстандык Даяна Федоссова болмокчу.

БИШКЕК, 26-авг. — Sputnik. Токиодо өтүп жаткан Паралимпиада оюндарында Кыргызстандын курама командасынан алгачкы болуп мелдешке Хайитхон Хусан кызы чыгат. Бул тууралуу Токио-2020 Паралимпиада оюндарынын расмий сайтында айтылат.

Кыргызстандык пара дзюдочу кыз 28-августта килемге чыгат. Анын атаандашы казакстандык Даяна Федоссова болмокчу.

Хусан кызы Паралимпиадага жолдомону июль айында алган.

Кыргызстандын курама командасы XVI Паралимпиаданын ачылыш аземине катышты. Өлкөбүздүн желегин ядро ыргытуу чебери Арыстанбек Базаркулов көтөрүп чыкты.

364
Белгилер:
Токио, паралимпиадалык оюндар, мелдеш, Хайитхон Хусан кызы
Тема:
Токио – 2020 жайкы Паралимпиада оюндары (13)
Тема боюнча
Бейшебеков: паралимпиадалык курама команда үч түрлүү кийим менен камсыз болду
Гимнаст кыздарга мелдешке хиджаб кийип чыгууга уруксат берилет
Боксчу Мэнни (Эммануль) Пакьяо. Архивдик сүрөт

Боксчу Мэнни Пакьяо Филиппиндин президенттигине ат салышмай болду

69
Пакьяо 2022-жылы өтө турчу шайлоого бийликтин "Филиппин демократиялык партиясы — эл бийлиги" партиясы менен барат. Беш жылдан бери сенат болуп келет.

БИШКЕК, 20-сен. — Sputnik. Боксчу Мэнни (Эммануль) Пакьяо Филиппиндин президенттигине талапкерлигин койду. Бул тууралуу CNN Philippines телеканалына шилтеме берип "Известия" жазды. 

42 жаштагы Пакьяо беш жылдан бери сенатор болуп келет. Ал расмий түрдө бийликтин "Филиппин демократиялык партиясы — эл бийлиги" (PDP-Laban) партиясы менен шайлоого аттанууда.

Бокс боюнча дүйнөнүн мурдагы чемпиону 2016-жылдан бери сенатор болуп келет. Филиппинде президенттик шайлоо 2022-жылы өтөт.

Учурдагы президент Родриго Дутерте вице-президент кызматы үчүн гана ат салышат, анткени Филиппиндин мыйзамына ылайык, мамлекет башчылыкка эки жолу талапкер боло албайт.

69
Белгилер:
Филиппиндер, Мэнни Пакьяо, шайлоо, президент
Тема боюнча
Тайсон боксташып жүрөт. Депутаттар 43 жашында пенсияга чыккан офицерлерди сындады
Кунасов: бокс боюнча машыктыруучулардын, калыстардын айлыгы өтө аз
Мүмкүнчүлүгү чектелген жарандар катышкан марафондо. Архивдик сүрөт

Бишкекте мүмкүнчүлүгү чектелген жарандар катышкан жарым марафон аяктады. Сүрөт

51
(жаңыланган 14:43 19.09.2021)
Иш-чараны "Марафондор дирекциясы" коомдук фонду бир нече министрликтер, Бишкек мэриясы жана демөөрчүлөрдүн көмөгү менен өткөргөн.

БИШКЕК, 19-сен. — Sputnik. Борбор калаада ден соолугу жактан мүмкүнчүлүгү чектелген жарандар катышкан жарым марафон болуп өттү. Бул тууралуу уюштуруучулар кабарлады.

Иш-чараны "Марафондор дирекциясы" бир нече министрликтер, Бишкек мэриясы жана демөөрчүлөрдүн көмөгү менен өткөргөн.

Посмотреть эту публикацию в Instagram

Публикация от МЗиСР КР (@mzsr.kg)

Жарым марафонго ден соолугунан мүмкүнчүлүгү чектелген аялдар, эркектер болуп өзүнчө, атайын коляскада отуруп, коштоочулардын жардамы менен жүргөндөр жана чуркоону каалагандар өзүнчө категория менен катышкан.

Анын жыйынтыгында жеңүүчүлөр аныкталып, аларга сыйлыктар тапшырылган.

Жарым марафонго саламаттыкты сактоо жана социалдык өнүктүрүү министри Алымкадыр Бейшеналиев, Бишкек шаарынын мэри Айбек Жунушалиев, ЕККУнун Бишкектеги программалык кеңсесинин өкүлү катышкан.

Спорттун олимпиадалык эмес түрлөрү дирекциясынын усулчусу Адилет Камчыбеков мурдараак бул иш-чарага ден соолугунан мүмкүнчүлүгү чектелип, коляскада отурган 100 адамдын катышарын айткан.

51
Белгилер:
Кыргызстан, Бишкек, марафон, ден соолугу боюнча мүмкүнчүлүгү чектелген адамдар, адам
Тема боюнча
Абакирова: "Ак илбирсти сактайбыз" жарышынан түшкөн акчага эки "Нива" алынат
Манасчы Дөөлөт Сыдыков

Манасчы: соңку убакта "Семетей", "Сейтек" көп айтылбай калууда

0
Манасчы Дөөлөт Сыдыков семетейчилердин алгачкы сынагынын "Манас" эпосун жайылтуу үчүн мааниси чоң экендигин белгиледи.

Семетейчилердин сынагынын өтүшү жаңы "Семетей", "Сейтек" айтуучулардын чыгышына себепкер болушу ыктымал. Анткени соңку убакта көбүнчө "Манас" айтылып, "Семетей", "Сейтек" көп айтылбай калууда. Бул тууралуу Дөөлөт Сыдыков Sputnik Кыргызстан радиосунда маек куруп жатып билдирди.

Манасчы: соңку убакта "Семетей", "Сейтек" көп айтылбай калууда

Анын айтымында, 22-25-сентябрь күндөрү Дүйнө элдеринин эпосторунун эл аралык VI фестивалынын алкагында өтүп жаткан семетейчилердин алгачкы сынагынын мааниси чоң.

"Фестивалга келген окумуштуулар "Манас" дастаны тууралуу маалымат алып, жок дегенде бир макала жазса дагы пайда. Учурда "Манас" эпосу кайсы бир деңгээлде изилденүүдө. Бирок эми гана изилденип баштагандай түр калтырууда. Мисалы, классикалык деп саналган Саякбай Каралаев менен Сагынбай Орозбаковдун варианттары дагы толук кандуу изилденип бүтө элек. Анан фестивалдын алкагында өткөн сынак атайын семетейчилер үчүн болгону дагы жакшы жөрөлгө. Чоң манасчыларыбыз өзүн семетейчи катары эсептеген. Анын үстүнө соңку убакта "Семетей", "Сейтек" көп айтылбай калды. Ошондуктан сынак манасчылыкта жаңы айтып келе жаткандарга шык берет, анткени манасчы айткан сайын такшалат эмеспи", — деди Сыдыков.

Ошондой эле ал дүйнөдөгү эпостордун ичинен "Манас" ооздон-оозго айтылып келе жаткан жалгыз жандуу дастан экенин кошумчалады.

0
Белгилер:
Дөөлөт Сыдыков, Манас, фестиваль, илим
Тема боюнча
Кыргызстанда алгачкы жолу семетейчилердин республикалык сынагы өтөт