Көк бөрү оюну. Архив

Көк бөрү: Манас Ниязов ойногон "Ала-Тоо" командасы жогорку лигада үчүнчүнү ээледи

113
(жаңыланган 15:01 30.08.2021)
Жаңыдан түзүлгөн "Ала-Тоо" командасы өткөн жылы биринчи лиганын финалына чыгып, эрежеге ылайык, жогорку лигага өткөн.

БИШКЕК, 30-авг. — Sputnik. Көк бөрү боюнча президенттин кубогуна арналган эл аралык мелдештин жогорку лигасында Манас Ниязов ойногон Оштун "Ала-Тоо" командасы үчүнчү орунду ээледи. Беттештин жүрүшүн КТРК Спорт каналы түз алып көрсөттү.

Манас жаңы тобу менен мурда өзү ойногон "Достук" командасына каршы беттешке чыгып, 4:2 эсебинде утуп алышты. Салымдардын бирин Манас Ниязов жасады.

Жаңыдан түзүлгөн "Ала-Тоо" командасы өткөн жылы биринчи лиганын финалына чыгып, эрежеге ылайык, жогорку лигага өткөн.

Кыргызстандын эгемендүүлүгүнүн 30 жылдыгына арналып өтүп жаткан көк бөрү боюнча президенттин кубогу мелдешинин форматы кеңейтилгенине байланыштуу быйыл эл аралык лига ачылган. Ага Өзбекстан, Россия мамлекеттеринин командалары катышты.

Эске салсак, эртең, 31-август күнү, мелдештин биринчи лигасынын финалында "Мурас" – "Көк Жал", эл аралык лигада Өзбекстан — Жети-Өгүз жана жогорку лигада "Ынтымак" — "Сары Өзөн" командаларынын беттештери болот.

113
Белгилер:
Көк бөрү, мелдеш, Манас Ниязов
Тема:
Эгемендүүлүктүн 30 жылдыгын майрамдоо (65)
Тема боюнча
Бишкектин көчөлөрүндөгү атчандардын видеосу. Майрамга даярдык
Кыргызстандын футбол боюнча курама командасынын оюнчусу Алимардон Шукуров. Архив

Бүгүн Кыргызстан Оман менен ойнойт. Командага Алимардон Шукуров кошулду

79
(жаңыланган 10:10 27.10.2021)
Олимпиадалык команда толукталып, кечээ Хаур-Факкан шаарында алдыдагы оюнга даярдык көрүшкөн. Машыгууга Шукуровдун да катышканы айтылды.

БИШКЕК, 27-окт. — Sputnik. Футбол боюнча Кыргызстандын олимпиадалык курама командасынын (U-23) сабына беларустун "Неман" клубунда ойногон Алимардон Шукуров келип кошулду. Бул тууралуу өлкөнүн Футболдук союзу Instagram баракчасына жазды.

Посмотреть эту публикацию в Instagram

Публикация от The Kyrgyz Football Union (@kfu_kg)

Курама команда бүгүн Азия кубогу-2022 турнирине тандоонун алкагында Оман менен беттешет.

Олимпиадалык команда толукталып, кечээ Хаур-Факкан шаарында алдыдагы оюнга даярдык көрүп, Шукуров машыгууга катышкан.

Кыргызстан — Оман командаларынын беттеши Бишкек убактысы боюнча 18:50дө башталат.

Эскерте кетсек, Кыргызстан тандоо этабында Е тайпасына Бириккен Араб Эмирлиги (БАЭ), Оман жана Индия командалары менен таймашат.

24-октябрда ата мекендик команда оюндар өтүп жаткан талаа ээси БАЭ командасын 2:1 эсебинде утуп алган.

Жаштар континенталдык биринчилигинин финалдык бөлүгүнө 11 команда — өз тайпаларынын жеңүүчүлөрү жана экинчи орунду ээлеген мыкты көрсөткүчү бар төрт команда чыгат.

Азия кубогу Өзбекстанда өтөт.

79
Белгилер:
футбол, Кыргызстан, Алимардон Шүкүров
Тема боюнча
Бишкектин "Дордой" футбол клубу Кыргызстандын чемпиону болду
Бали! КР футболчулары БАЭ командасын утуп алды. Голдордун видеосу
Грек-рим күрөшүнөн Олимпиаданын эки жолку, дүйнөнүн үч жолку чемпиону Роман Власов. Архив

Темир айым! Олимпиада чемпиону Роман Власов Айсулуу Тыныбековага суктанды

1738
(жаңыланган 16:43 26.10.2021)
Грек-рим күрөшүнөн Россиянын капитаны өзүнүн Instagram баракчасына Айсулуу менен түшкөн сүрөтүн коюп, аны "Кыргызстандын сыймыгы!" деп атаган.

БИШКЕК, 26-окт. — Sputnik. Грек-рим күрөшүнөн Олимпиаданын эки жолку, дүйнөнүн үч жолку чемпиону Роман Власов кыргыздын балбан кызы Айсулуу Тыныбековага алкоо айтты. Россия курама командасынын капитаны өзүнүн Instagram баракчасына Айсулуу менен түшкөн сүрөтүн коюп, аны "Кыргызстандын сыймыгы" деп атаган.

Посмотреть эту публикацию в Instagram

Публикация от Roman Vlasov (@vlasovroma90)

"Кыргызстандын күрөш тарыхында алгачкы жана жападан жалгыз дүйнө чемпиону. Темир айым!" — деп сүрөттүн астына билдирүү калтырган.

Өз кезегинде Айсулуу анын постуна "Сиз ар дайым биз үчүн үлгүсүз" деп жооп кайтарган.

Айсулуу Тыныбекова быйыл Токио Олимпиадасында күмүш байге уткан. Ал эми октябрь айынын башында Норвегиянын Осло шаарында өткөн дүйнө биринчилигин жеңип, экинчи ирет дүйнө чемпиону болду. Буга чейин 2019-жылы Нур-Султан шаарында өткөн мелдеште биринчиликти ээлеп, Кыргызстандын тарыхында дүйнө чемпионатынын алгачкы алтын медалын алып келген.

Власов буга чейин кыргызстандык грек-рим күрөшүнөн балбан Жоламан Шаршенбековдун социалдык баракчасындагы постуна билдирүү жазган болчу.

1738
Белгилер:
Роман Власов, Айсулуу Тыныбекова, күрөш
Тема боюнча
Кыргызстан дөө-шаалардын катарында. Дүйнө чемпионатынын акыркы рейтинги
Кыргызстандын балбандары дүйнө чемпионатынан келишти
Балбан кыздардын аты коюлган үч эм. Айсулуу Тыныбекова төрөт үйүнө барды. Сүрөт
Суши. Архив

Бишкектеги массалык уулануу. Жабыркагандардын саны 253кө жетти

0
(жаңыланган 13:42 27.10.2021)
Уулангандар массалык түрдө ооруканага кайрылып жатканы тууралуу өткөн дем алышта белгилүү болгон. Ошондон бери жабыркагандардын саны улам өсүп жатат.

БИШКЕК, 27-окт. — Sputnik. Тамактан ууланып ооруканага кайрылган адамдардын саны 253кө жетти. Бул тууралуу Саламаттык сактоо министрлиги билдирди.

Ооруканага Бишкектин гана эмес, Чүй облусунун тургундары дагы кайрылууда. Кечээ күнү уулангандардын саны 179 болчу.

Уулангандардын 60ы ооруканада дарыланууда:

  • Темир жол ооруканасында — 19;
  • № 3 шаардык клиникалык балдар ооруканасында — 18;
  • Улуттук госпиталда — 23.

Баарынын абалы канааттандырарлык. Калганы медициналык жардам алган соң үйлөрүнө жөнөтүлгөн.

Эске салсак, 24-октябрда тамакка ууланып 12 адам Темир жол ооруканасынын жугуштуу илдеттер бөлүмүнө түшкөн. Анын үчөө жаш бала. Бейтаптар ооруканага 23-24-октябрь күндөрү келе баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан ролл жегенин кабарлаган. 25-октябрь күнү уулангандардын саны 85ке жеткен. Ал эми кечээ, 26-октябрда, жабыркагандардын саны 179га өскөн. Алардын 18и балдар.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Бул окуяга байланыштуу "Империя пиццы" кафесинин бардык филиалдары убактылуу жабылды. Муну менен катар Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлдү.

0
Белгилер:
Бишкек, Чүй облусу, уулануу, кафе, протокол, мораторий, ролл
Тема:
Бишкектин кафесиндеги массалык уулануу
Тема боюнча
Жалал-Абаддагы тойдо 124 киши этке ууланып, 16сы ооруканага түштү