Кыргызстандык мушкер Рафаэль Физиев. Архивдик сүрөт

Рафаэль Физиев UFC рейтингинде Конор Макгрегорго жеткени калды. Тизме

550
(жаңыланган 18:20 01.09.2021)
Эки апта мурда кыргызстандык атлет 14-катарга көтөрүлгөн эле. Жаңыланган рейтингде Физиев дагы бир баскычка жогорулады.

БИШКЕК, 1-сен. — Sputnik. Кыргызстандык мушкер Рафаэль Физиев Абсолюттук мушкерлер чемпионатынын (Ultimate Fighting Championship) жеңил салмак дивизионундагы рейтингде бир сапка көтөрүлдү. Бул тууралуу маалымат лиганын расмий сайтына чыкты.

"Атаман" каймана ысымдуу Физиев 8-августта UFC 265 мелдешинде АКШлык Бобби Грин менен кез келип, калыстардын чечими менен жеңүүчү деп табылган. Мушкерлердин таймашы "кеченин беттеши" деп табылып, ар бирине 50 миң доллардан бонус берилген.

Бул ийгиликтен соң "Атаман" лиганын жеңил салмак дивизионундагы рейтингде 14-катарга чыккан. Арадан эки апта өтпөй кыргызстандык мушкер дагы бир баскычка көтөрүлдү. Дивизиондогу 15 мыктынын тизмесинде Физиев ирландиялык Конор Макгрегорго жеткени калды.

Учурда дивизиондо Чарльз Оливейра чемпион. Биринчи катарда Дастин Порье, ал эми Жастин Гэджи экинчи сапта. Бенэил Дариуш үчүнчүдө. Рафаэль Физиев 13-катарда. Алдыңкы 15 мушкердин тизмесин Тиаго Мойзез жыйынтыктайт.

Рейтингдин тизмеси:

Чарльз Оливейра жеңил салмак боюнча чемпион.

  1. Дастин Порье
  2. Жастин Гэтжи
  3. Бенэил Дариуш
  4. Майкл Чендлер
  5. Ислам Махачев
  6. Тони Фергюсон
  7. Рафаэль Дос Аньос
  8. Дэн Хукер
  9. Конор МакГрегор
  10. Грегор Гиллеспи
  11. Диего Феррейра
  12. Брэд Ридделл
  13. Рафаэль Физиев
  14. Арман Царукян
  15. Тиаго Мойзез (рейтингде жаңы).

Эскерте кетсек, рейтингде 11-катарда турган Кевин Ли мыктылардын тизмесинен чыгарылган.

550
Белгилер:
Рафаэль Физиев, UFC, рейтинг
Тема боюнча
Хабиб сыяктуу тосушкан жок... Физиев соцтармакта айтылгандарга пикир билдирди
Кыргызстандын хоккей боюнча курама командасынын оюнчулары. Архив

Кыргызстандын хоккейчилери алгачкы ирет дүйнө чемпионатына катышат

329
(жаңыланган 13:43 28.09.2021)
Кыргызстандык хоккейчилердин профессионалдык деңгээли өсүп, учурда дүйнөлүк аренада ойной аларын аталган спорттун федерациясынын башчысы айтты.

БИШКЕК, 28-сен. — Sputnik. Кыргызстандын хоккейчилери алгачкы жолу дүйнө чемпионатына катышат. Бул тууралуу Хоккей федерациясынын президенти Анвар Оморканов Sputnik Кыргызстандын мультимедиалык маалымат борборунда өткөн брифингде билдирди.

Жетекчиге Кыргызстан улуттук курама командасына легионерлерди алуу практикасы уланар-уланбасы тууралуу суроо берилген.

"Азыркы тапта бизде легоинер жок десек болот. Булар келишим боюнча ойногон чет элдик паспорту бар адамдар болуп саналат. Учурда бардык оюнчулар Кыргызстандын жарандары, легионерлерди биз 5-8 жыл мурда тартканбыз. Алар ошол кезде биздин балдардын өсүшү үчүн керек болгон. Бул жакшы жыйынтык берди, биздин спортчулардын деңгээли өстү. Азыр кыргызстандык хоккейчилер дүйнөлүк аренада өлкө намысын татыктуу коргой алышат", — деди Оморканов.

Ал белгилегендей, келерки жылдын март айында Кыргызстанда дүйнө чемпионаты (IV дивизион) өтөт. Ага алты өлкө катышат.

"Мунун өзү биздин өлкөдө хоккейдин өсүп жатканын таануу, бизге болгон ишеним десек болот. Январь айында биздин жаштар курама командасы Мексикада өтүүчү дүйнө биринчилигине барат. Бул — III дивизион. Кыргызстан алгачкы жолу дүйнө биринчилигине катышат", — деди ал.

Оморканов Кыргызстан бир кезде "Азиянын чакырык кубогу" мелдешинен баштаганын, эми дүйнөлүк аренада ойноп жатканын кошумчалады.

329
Белгилер:
Кыргызстан, хоккей, дүйнө чемпионаты, Анвар Оморканов
Тема боюнча
Эл аралык хоккей федерациясына вице-президент болгон Оморкановдун өмүр баяны
Айваз Оморканов жооптуу кызматка дайындалышынын Кыргызстан үчүн маанисин айтты
Беттеш учурунда хоккейчи. Архив

Федерация: хоккейди кыз-келиндер арасында өнүктүрүүнү колго алдык

44
(жаңыланган 13:18 28.09.2021)
Хоккей федерациясынын президенти Анвар Оморканов кыз-келиндер арасындагы Азия кубогуна Кыргызстандан эки команда жиберилерин айтты.

БИШКЕК, 28-сен. — Sputnik. Кыргызстанда кыз-келиндер арасында хоккейди өнүктүрүү боюнча аракеттер көрүлүп жатат. Бул тууралуу КР Хоккей федерациясынын биринчи вице-президенти Муратбек Жакыпов билдирди.

Ал Sputnik Кыргызстан агенттигинин мультимедиалык маалымат борборунда өтүп жаткан "Айваз Оморканов — Хоккей боюнча эл аралык федерациянын Азия жана Океания боюнча вице-президенти" аталышындагы маалымат жыйынга катышты.

Первый вице-президент Федерации хоккея КР Муратбек Джакыпов на брифинге в пресс-центре Sputnik Кыргызстан
© Sputnik / Бегайым Касымбекова
КР Хоккей федерациясынын биринчи вице-президенти Муратбек Жакыпов

Ага журналисттер "Кыргызстанда аялдар арасында хоккейге качан көңүл бурулат?" деген суроо узатышкан.

"Ысык-Көл облусунун Отрадное айылында кыз-келиндердин хоккей боюнча командасы түзүлүп, алар борборго чейин келип ойноп жүрүшөт. Бул нерсе бизди бир топ шыктандырды. Азыр Ысык-Көлдөн тышкары Бишкекте жана Нарында хоккей ойногон кыздар бар. Негизи кыздар арасында хоккейдин эркектердикинен бир аз айырмасы бар. Алардын баарын эске алуу менен кыз-келиндерди дагы бул спортко тартууга аракет көрүп жатабыз", — деди Жакыпов.

Хоккей федерациясынын президенти Анвар Оморканов кыз-келиндер арасындагы Азия кубогуна Кыргызстандан эки команда жиберилерин кошумчалады.

44
Белгилер:
Кыргызстан, хоккей, кыз-келиндер, спорт
Тема боюнча
Айваз Оморканов жооптуу кызматка дайындалышынын Кыргызстан үчүн маанисин айтты
Камчаткадагы кыргыздар "Көчмөндөр оюну" этноспорттук фестиваль өткөрөт
Тамеки чегип жаткан адам. Архив

Пляж, базарда. Тамеки, кальян чегүүгө тыюу салынган жайлардын тизмеси

598
(жаңыланган 21:34 28.09.2021)
Тыюу салынган жайларда чылым чегүүгө ылайыкталган шарттарды түзүүгө да уруксат берилбейт. Бир гана аэропорттордо өрт жана авиация желдетүү системаларын коюу менен атайын бөлмөлөрдү уюштурууга болот.

БИШКЕК, 28-сен. — Sputnik. Бүгүн президент Садыр Жапаров коомдук жайлар менен мекемелерде чылым чегүүгө тыюу салган мыйзам долбооруна кол койду.

Ага ылайык, белгилүү бир жайларда тамеки, электрондук чылым жана кальян чегүүгө толугу менен чектөө киргизилди.

Аталган мыйзамдын 13-беренесинде кайсы жерде чегүүгө тыюу салынары жазылган.

Алар төмөнкүлөр:

  • Ведомствонун жана менчигинин түрүнө карабастан подъезддерде, лифттерде, аянттарда, дааратканаларда, көп кабаттуу үйлөрдүн жалпы колдонуучу жайларында;
  • Жаштар, маданият жана спорт иштери боюнча мекемелерде, социалдык кызматтардын имараттарында, стадиондордо;
  • Темир жол жана автобекеттерде;
  • Калкка кызмат көрсөтүүчү жайларда, анын ичинде мейманканаларда, тиричилик тейлөө, коомдук тамактануучу жайларда, убактылуу тургузулган соода объектилеринде;
  • Мамлекеттик жана жергиликтүү өз алдынча башкаруу органдарына тиешелүү имараттарда;
  • Имараттарда жана курулмаларда уюштурулган жумуш орундарында, жумушчу зоналарда;
  • Өрт чыгуу коркунучу бар жерлерде, анын ичинде күйүүчү май куюучу жайларда;
  • Коомдук тамактануу жайларында (түйүндөрдө);
  • Коомдук транспортто, анын ичинде таксиде, суу жана аба кемелеринде, жергиликтүү жана алыс каттамдагы поезддерде;
  • Ведомстволугуна жана менчигинин түрүнө карабастан бардык билим берүү уюмдарында, балдардын эс алуу жайларында, балдар аянтчаларында;
  • Ведомстволугуна жана менчигинин түрүнө карабастан бардык саламаттык сактоо уюмдарынын мекемелеринде;
  • Реабилитациялык жана санаторий-курорттук кызматтарды көрсөтүүгө арналган жайларда;
  • Калкка соода кызматтары көрсөтүлүүчү имараттарда, курулмаларда жана жабык базарлардын аймактарында;
  • Аялдамаларда;
  • Тамеки чегүү үчүн атайын жайларды кошпогондо массалык-маданий, спорттук иш-чараларды, акцияларды, чогулуштарды өткөрүп жатканда ачык аянтчаларда, пляждардын аймагынын чектеринде.

Аталган жайларда чылым чегүүгө ылайыкталган шарттарды түзүүгө да тыюу салынат. Бир гана аэропорттордо өрт жана авиация коопсуздугунун талаптарын сактап, желдетүү системаларын коюу менен атайын бөлмөлөрдү уюштурууга болот.

Ар бир орган жана мекеменин жетекчилери бул мыйзамдын аткарылышын көзөмөлдөөгө милдеттүү.

Чылым чегүүгө тыюу салынган жайларды аныктоо жана белгилерди коюу тартибин Саламаттык сактоо жана социалдык өнүктүрүү министрлиги иштеп чыгат.

Мыйзам долбоорунун авторлору Кыргызстанда өлүмдүн жана майыптыктын негизги себеби тамеки тартуу экенин буга чейин белгилешкен.

Ошондой эле чылым чегүүгө бардык эле жерлерде тыюу салынбасын айтышкан. Бирок башкалардын эркин дем алуусуна тоскоол болбошу керек деген принцип сакталышы шарт.

598
Белгилер:
тамеки, тыюу салуу, имарат, Кыргызстан
Тема боюнча
КРде кафе жана ресторандарда чылым чеккенге тыюу салынат. Мыйзамга кол коюлду
Көрбөй, укпай каласың! Министрлик тамекинин зыянын эскертти