Кыргызстана жана Палестина футболчулары беттеш учурунда

Кыргызстандын футболчулары палестиналыктарды 1:0 эсебинде утту

128
(жаңыланган 22:51 02.09.2021)
Эми Кыргызстандын футбол боюнча курама командасы 7-сентябрда Бангладештин футболчулары менен беттешет. Ал эми 5-сентябрда Палестина менен Бангладеш командалары ойномокчу.

БИШКЕК, 2-сен. — Sputnik. Кыргызстандын футбол боюнча улуттук командасы Палестина футболчуларын 1:0 эсебинде утту.

Командалар "Үч улуттун кубогу" жолдоштук мелдешинин алкагында таймашты. Оюн Бишкектеги Дөлөн Өмүрзаков атындагы стадиондо өтүп, стадион спорт сүйүүчүлөрүнө жык толгон. Оюн аяктаган соң күйөрмандар бир топко чейин кол чаап, спортчулар аларга ыраазычылык билдирген.

Эми Кыргызстандын футбол боюнча курама командасы 7-сентябрда Бангладештин футболчулары менен беттешет. Ал эми 5-сентябрда Палестина менен Бангладеш футбол ойнойт. Бардык оюндар Дөлөн Өмүрзаков атындагы стадиондо боло турганы кошумчаланды.

Эскерте кетсек, бул жолдоштук турнир улуттук курама команданын Азия кубогу-2023 чемпионатынын тандап алуу оюндарына карата даярдыгынын алкагында өтүүдө.

128
Белгилер:
Кыргызстан, Палестина, футбол, жеңиш
Тема:
Футбол боюнча "Үч улуттун кубогу" мелдеши (18)
Тема боюнча
Бишкекте "Үч улуттун кубогу" футболдук мелдеши өтөт. Убакыт-сааты
Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында

Аскага чыкканына сүйүнгөн спортчу секире коюп олуттуу жаракат алды. Видео

119
(жаңыланган 14:43 20.09.2021)
Спортчу трассадан ийгиликтүү өтүп, бирок матка туура эмес секирип алып тура албай калган. Медиктер аны замбил менен көтөрүп кетишти.

БИШКЕК, 20-сен. — Sputnik. Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында олуттуу жаракат алды.

Жарым финалда спортчу трассага ийгиликтүү чыгып, сүйүнгөнүнөн секирип жерге туура эмес түшкөн. Ал белин кармап тура албай калганда медиктер замбилге салып көтөрүп кеткен.

Аскага чыгуу боюнча дүйнөлүк чемпионат Москвада 15-сентябрда башталган, жарыш эртең жыйынтыкталат. Ага дүйнө жүзүнөн келген 188 аскага чыгуучу катышууда.

119
Белгилер:
Москва, спортчу, чыгуу, жаракат
Тема боюнча
Мессинин буту сынып кала жаздады... Оюндагы опурталдуу учурдун видеосу
Жаракат алгандары бар... Казакстанда спортчулар чабыша кеткен видео

Бизнестен, батирден баш тартып. Кыргызстандык түгөйлөрдүн шыктандырган видеосу

180
(жаңыланган 13:53 20.09.2021)
Калыбек Кадыр менен Чолпон Даниярова 30 жылдан бери бирге түтүн булатып келишет. Мурда алар бизнес менен алектенишсе, кийин бул үй-бүлө жашоосун таптакыр башка нукка өзгөрткөн.

Алар шаардагы бардык ыңгайлуулуктар түзүлгөн шарттан, батирден баш тартышкан. Жайында Ысык-Көлдө жашаса, кышында жылуу өлкөлөргө кетип калышат.

Калыбек кайтсёрфингге, Чолпон сапсёрфингге үйрөтөт. Түгөйлөр эми алардын өзүнүн сүйгөн ишине жана спортко көңүл бурууга мезгил келгендигин айтып беришти. Балдар чоңойду, аларга кам көрүп карагыдай кичинекей эмес. Андыктан өмүрдү кызыктуу кылып өткөрүп, рахатын көрүү керек дешет.

180
Белгилер:
Кыргызстан, Балыкчы, Ысык-Көл, түгөй, кайтсерфинг, сапсерфинг
Тема боюнча
"Орёл и решканын" экинчи бөлүгү чыкты. Ысык-Көлдө тартылган видео
Доллар жана евро купюралары. Архив

Чет элдик валюталар менен алтын кымбаттады. Соңку маалымат

0
Sputnik Кыргызстан редакциясы Бишкекте алтын, күйүүчү май жана чет элдик валюталардын баасы кандай өзгөргөнүнө баам салып турат.

БИШКЕК, 21-сен. — Sputnik. Дүйшөмбү күнү эртең мененкиге салыштырмалуу доллар, евро жана алтындын баасы азыраак жогорулады. Ал эми күйүүчү май ошол бойдон калды.

Банктар жана акча алмаштыруу жайларында доллар менен еврону сатып алуу 5 тыйынга, сатуу 2 тыйынга кымбаттады. Тагыраагы, АКШ акчасы 84,68 сомдон сатып алынып, 84,88 сомдон сатылууда. Еврону сатып алуу 98,91 сом, сатуу 100,23 сомдон болууда. Рубль 1 тыйынга арзандады.

Күйүүчү майдын баасы ошол бойдон кармалып турат:

"Роснефть":

  • АИ-92 — 56,8 сом;
  • АИ-95 — 61,8 сом;
  • Дизель майы — 51,9 сом.

"Газпром нефть Азия":

  • АИ-92 — 56,9 сом;
  • АИ-95 — 61,9 сом;
  • Дизель майы — 51,9 сом.

Ал эми алтын кымбаттап, 1 граммы 5 сомго жогору сатылып жатат.

0
Белгилер:
Бишкек, Кыргызстан, алтын, доллар, евро, баалар
Тема боюнча
Бишкекте дагы бир мамлекеттик лабораторияда ПЦР-тест тапшыруу арзандады
Кыргызстандан сыртка 290 млн. доллар которулду. 7 айдын жыйынтыгы