Кыргызстан желеги КМШ Оюндарында

Алтын бар! Кыргызстандын балбандары КМШ оюндарынан 10 медаль утту

659
(жаңыланган 11:56 05.09.2021)
Кыргызстандан бул турнирге 13 спорттун түрүнөн 150дөн ашык атлет барган. Жалпы көрсөткүч боюнча азыр өлкө Россия, Азербайжан жана Беларусь өлкөлөрүнөн кийин төртүнчү сапта келе жатат.

БИШКЕК, 5-сен. — Sputnik. Кыз-келиндер жана эркин күрөш боюнча Кыргызстандын курама командасы I КМШ оюндарында 10 медаль жеңди. Бул тууралуу Жаштар иши, дене тарбия жана спорт агенттиги билдирди.

Кечээ, 4-сентябрда, жалпы 10 комплект медаль ойнотулду.

Кыздар арасында 55 килограмм салмак категориясында Калмира Билимбек кызы чемпион болуп, алтын медаль тагынды.

  • Борец из Кыргызстана Калмира Билимбек кызы на молодежном чемпионате мира по борьбе в Уфе
    Калмира Билимбек кызы
    © Фото / United World Wrestling / Kadir Caliskan
  • Серебряный призер чемпионата Азии по женской борьбе Назира Марсбек кызы
    Назира Марсбек кызы
    © Фото / из личного архива Назиры Марсбек кызы
  • Член сборной команды Кыргызской Республики по женской борьбе Нураида Анаркулова с вице-президентом федерации женской борьбы КР Байгазы Кенжебаевым
    Нураида Анаркулова (оң жакта)
    © Фото / Государственное агентство по делам молодежи, физической культуры и спорта
  • Кыргызстанский борец Нурдин кызы Бермет в спортивном зале
    Бермет Нурдин кызы
    © Sputnik / Табылды Кадырбеков
1 / 4
© Фото / United World Wrestling / Kadir Caliskan
Калмира Билимбек кызы

Ал эми Назира Марсбек кызы (62 килограмм) жана Нураида Анаркулова (59 килограмм) күмүш медалга ээ болушту. Ошондой эле Бермет Нурдин кызы (57 килограмм), Нурзат Нуртаева (72 килограмм) жана Назик Мирлан кызы (50 килограмм) КМШ оюндарынын коло байгесин утушту.

Эркин күрөш боюнча 57 килограмм салмакта Алмаз Сманбеков жана Икромжон Хаджимурадов (65 килограмм) күмүш медаль тагынышкан Мындан сырткары, Тайырбек Жумашбек уулу (61 килограмм), Нуртилек Карыпбаев (86 килограмм) жана Айбек Токтогул уулу (70 килограмм) коло байгеге ээ болушту.

Спортчуларды башкы машыктыруучулар Үсөнаалы Рыскулов, Сүймөнкул Таабалды уулу жана Исламбек Тазабеков жетектеп барышкан.

Ал эми грек-рим күрөшү боюнча мелдештер бүгүн кечке маал жыйынтыкталат.

Кыргызстан жалпы көрсөткүч боюнча Россия, Азербайжан жана Беларусь өлкөлөрүнөн кийин төртүнчү сапта келе жатат.

Белгилей кетсек, 2-сентябрда старт алган I КМШ оюндары быйыл алгачкы ирет өткөрүлүп жатат. Ага Көз карандысыз мамлекеттердин шериктештиги уюмуна кирген өлкөнүн спортчулары катышууда.

Мелдеш 11-сентябрга чейин созулат. Жалпы 16 спорттун түрүнөн 182 комплект медаль ойнотулат. Кыргызстандан бул турнирге 13 спорттун түрүнөн 150дөн ашык атлет барган.

659
Белгилер:
Кыргызстан, команда, байге, көрсөткүч, медаль, I КМШ Оюндары
Тема боюнча
УКМК: Камчыбек Ташиевдин кубогу үчүн республикалык спартакиада башталды
Көздөн жаш атып, кыйкыра чуркап. Кыргызстандык танкачылардын чемпион болгон видеосу
Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында

Аскага чыкканына сүйүнгөн спортчу секире коюп олуттуу жаракат алды. Видео

120
(жаңыланган 14:43 20.09.2021)
Спортчу трассадан ийгиликтүү өтүп, бирок матка туура эмес секирип алып тура албай калган. Медиктер аны замбил менен көтөрүп кетишти.

БИШКЕК, 20-сен. — Sputnik. Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында олуттуу жаракат алды.

Жарым финалда спортчу трассага ийгиликтүү чыгып, сүйүнгөнүнөн секирип жерге туура эмес түшкөн. Ал белин кармап тура албай калганда медиктер замбилге салып көтөрүп кеткен.

Аскага чыгуу боюнча дүйнөлүк чемпионат Москвада 15-сентябрда башталган, жарыш эртең жыйынтыкталат. Ага дүйнө жүзүнөн келген 188 аскага чыгуучу катышууда.

120
Белгилер:
Москва, спортчу, чыгуу, жаракат
Тема боюнча
Мессинин буту сынып кала жаздады... Оюндагы опурталдуу учурдун видеосу
Жаракат алгандары бар... Казакстанда спортчулар чабыша кеткен видео

Бизнестен, батирден баш тартып. Кыргызстандык түгөйлөрдүн шыктандырган видеосу

182
(жаңыланган 13:53 20.09.2021)
Калыбек Кадыр менен Чолпон Даниярова 30 жылдан бери бирге түтүн булатып келишет. Мурда алар бизнес менен алектенишсе, кийин бул үй-бүлө жашоосун таптакыр башка нукка өзгөрткөн.

Алар шаардагы бардык ыңгайлуулуктар түзүлгөн шарттан, батирден баш тартышкан. Жайында Ысык-Көлдө жашаса, кышында жылуу өлкөлөргө кетип калышат.

Калыбек кайтсёрфингге, Чолпон сапсёрфингге үйрөтөт. Түгөйлөр эми алардын өзүнүн сүйгөн ишине жана спортко көңүл бурууга мезгил келгендигин айтып беришти. Балдар чоңойду, аларга кам көрүп карагыдай кичинекей эмес. Андыктан өмүрдү кызыктуу кылып өткөрүп, рахатын көрүү керек дешет.

182
Белгилер:
Кыргызстан, Балыкчы, Ысык-Көл, түгөй, кайтсерфинг, сапсерфинг
Тема боюнча
"Орёл и решканын" экинчи бөлүгү чыкты. Ысык-Көлдө тартылган видео
 Бишкек шаарында жаш киночулардын Үмүт эл аралык XIX кинофоруму башталды

Залкардын элесине арналат. Бишкекте "Үмүт" эл аралык кинофоруму башталды

0
Бул маданий иш-чара СССРдин эл артисти, кыргыз кино өнөрүнүн алптарынын бири, режиссёр Болот Шамшиевдин 80 жылдыгына арналган.

БИШКЕК, 21-сен. — Sputnik. Бишкек шаарында жаш киночулардын "Үмүт" эл аралык XIX кинофоруму башталды. Бул тууралуу уюштуруучулар кабарлады.

  • Фотовыставка в честь Народного артиста СССР Болота Шамшиева у кинотеатра Ала-Тоо, где проходит XIX международный кинофорум Умут
    Бишкек шаарында жаш киночулардын "Үмүт" эл аралык XIX кинофоруму башталды
    © Sputnik / Жоомарт Ураимов
  • Фотовыставка в честь Народного артиста СССР Болота Шамшиева у кинотеатра Ала-Тоо, где проходит XIX международный кинофорум Умут
    Аталган маданий иш-чара СССРдин эл артисти, кыргыз кино өнөрүнүн корифейлеринин бири, гениалдуу режиссёр Болот Шамшиевдин 80 жылдыгына арналган.
    © Sputnik / Жоомарт Ураимов
1 / 2
© Sputnik / Жоомарт Ураимов
Бишкек шаарында жаш киночулардын "Үмүт" эл аралык XIX кинофоруму башталды

Аталган маданий иш-чара СССРдин эл артисти, кыргыз кино өнөрүнүн корифейлеринин бири, гениалдуу режиссёр Болот Шамшиевдин 80 жылдыгына арналган.

Бул ирет көрүүчүлөр "Адам. Тагдыр. Жашоо" темасы тууралуу тасмаларга күбө боло алат.

Толук метраждуу тасмалар "Ала-Тоо" кинотеатрында, ал эми сынакка катыша турчу кыска метраждуу фильмдер Кино үйүндө тартууланмакчы.

 

0
Белгилер:
Кыргызстан, Болот Шамшиев, 'Үмүт' кинофоруму
Тема боюнча
Ошондой сырдашууга жетпей өксүйм го деп ойлой берем. Чыңгыз Шамшиевдин маеги
Татарстанда Шамшиевдин "Ысык-Көлдүн кызгалдактары" тасмасы көрсөтүлдү. Сүрөт