Мушкер машыгуу учурунда. Архив

Башкача нокаут. Соккудан соң 17 секундадан кийин кулаган Малыштын видеосу

266
(жаңыланган 13:43 05.09.2021)
Мээлейсиз муштум менен кармашуу лигасында эки атлет бир-бирине кубаттуу соккуларды узаткан. Арадан 17 секунд өткөндө алардын бири турган жеринен оор нокаутка кеткен.

БИШКЕК, 5-сен. — Sputnik. Украинадагы Mahatch муштум менен кармашуу лигасында чанда кездешүүчү нокаут катталды. Мушкер кубаттуу сокку тийгенден 17 секунддан кийин жерге кулаган.

​Мелдеште мушкерлер Анатолий Савенко менен Анатолий Малыш күч сынашкан. Биринчи эле раундда атлеттер бири-бирине кубаттуу соккулар менен чабуул жасашкан. 17 секунддан соң Малыш турган жеринен эле оор нокаутка кетип жерге кулаган.

Комментатор спортчуну адаттан тыш (фантомдуу нокаут) нокаутка кеткенин белгиледи. Дарыгерлер жардам көрсөткөн соң мушкер өзүнө келди. Ал эмне болуп кеткенин түшүнбөй калганын билдирген.

“Көзүм караңгылап, кулап кеттим. Бир мүнөткө жарык өчүп калды. Соккудан эмес… Эсимде жок”, — деген ал.

Азыр мушкердин абалы жакшы экени белгиленди.

266
Белгилер:
нокаут, учур, сейрек, муштум менен таймаш
Тема боюнча
Чимирилип тээп, жыга чаап. UFC жай айындагы нокауттардын видеосун чыгарды
Мушкер көз караштар таймашына чыккан атаандашын бетке тээп салды. Видео
Кыргызстандын президенти Садыр Жапаров телефон менен сүйлөшүү учрунда. Архив

Садыр Жапаров чемпиондук наамын коргогон Валентина Шевченкону куттуктады

14
(жаңыланган 19:46 26.09.2021)
Кыргызстандык спортчу ушуну менен алтынчы ирет чемпиондук наамын коргоду. Беттешке кыргызстандыктар бүгүн эртең менен күбө болду.

БИШКЕК, 26-сен. — Sputnik. Президент Садыр Жапаров телефондон кыргызстандык мушкер Валентина Шевченкону бүгүнкү жеңиши менен куттуктаганын өлкө башчынын маалымат кызматы кабарлады.

Эскерте кетсек, UFC уюмунун кезектеги беттешинде Шевченко америкалык Лорен Мерфини мөөнөтүнөн эрте ишенимдүү жеңип алган. Ушуну менен ата мекендик спортчу чемпиондук наамын алтынчы ирет коргоду.

Жапаров Шевченконун жогорку чеберчилигин, духунун күчтүүлүгүн жана мүнөзүнүн бекемдигин жогору баалады.

"Жалпы кыргыз элинин жана өзүмдүн атымдан ийгиликтүү жеңишиңиз менен куттуктообузду кабыл алыңыз. Биз баарыбыз Сиздин жетишкендиктериңиз менен сыймыктанабыз. Абройлуу эл аралык турнирлерде Кыргызстандын намысын коргоп жатасыз. Алдыда дагы чоң ийгиликтер жана жаңы жеңиштер күтүп турганына ишенем",— деди президент.

Сөзүнүн соңунда өлкө башчы спортчуга бекем ден соолук жана бакубат жашоо каалады.

Баса, редакция Шевченконун беттешиндеги урунттуу учурлардын видеосун топтогон.

14
Белгилер:
Садыр Жапаров, Валентина Шевченко, беттешүү, жеңиш, чемпион, куттуктоо
Тема боюнча
Силерди жакшы көрөм! Шевченконун Кыргызстанга салам жолдогон видеосу
Кыргыз желегин желбиретип... Шевченко кантип жеңгенин көрсөткөн видеолор
Мен чемпионмун, баарына даярмын! Шевченко кийинки атаандашы боюнча жооп берди
Казакстандык муз бийчиси Элизабет Турсынбаева. Архив

Кыргызга жээн Турсынбаеванын апасы кызы Казакстандын атынан чыкканына өкүнөрүн айтты

552
(жаңыланган 15:34 26.09.2021)
Элизабет Турсынбаева белин оорутуп алган бойдон толугу менен калыбына келе албай чоң спорттон кетүүгө аргасыз болгонун жакында эле кабарлаган.

БИШКЕК, 26-сен. — Sputnik. Жаракатынан толугу менен сакая албай, жакында эле карьерасын жыйынтыктаган казакстандык муз бийчиси Элизабет Турсынбаеванын апасы Падишахан Султаналиева кызы Казакстандын атынан чыкканына өкүнүп жатканын айтты. Бул тууралуу анын "Матч ТВ" телеканалына берген маегине шилтеме кылып Sputnik Казакстан агенттиги жазды.

Эске салсак, Турсынбаева белин оорутуп алган бойдон толугу менен калыбына келе албай чоң спорттон кетүүгө аргасыз болгонун жакында эле кабарлаган.

Анын апасы муз тебүү спортунда бул өлкөдө жакшы көңүл бурулбасын айтып, үй-бүлөсү өкүнгөн катачылыктар тууралуу кеп кылды.

"Жолдошум экөөбүз кызыбыз өз мекенинин атынан чыксын дегенбиз. Экинчиден, бул нерсе негизги мелдештерге жетүүгө бир аз да болсо жеңилирээк болот деп ойлогонбуз. Бирок азыр чечмибиз үчүн өкүнүп турам. Биз муз тебүү спорту жок мамлекеттин атынан чыгуу канчалык оор экенин билген эмеспиз, тозок экен. Өзүбүздүн судьялар, колдоо деген жок", — деди Султаналиева.

Ал ири державалар өз спортчуларына аска-зоо болуп, судьялар менен иштеше турганын кошумчалады.

"Эгер неберелерим бул спортту тандаса, Россиянын гана атынан чыккыла деп айтам. Албетте, Казакстанда кырдаал өзгөрбөсө. Бул менин жеке пикирим", — деди ал.

Элизабет Турсынбаева Москвада туулган, 2015-жылы АКШнын Солт-Лейк-Сити шаарындагы мелдеште экинчи орунду, 2016-жылы Жаштар арасындагы II олимпиадалык оюнда жана 2017-жылы Кышкы Азия оюндарында үчүнчү орунду ээлеген. 2019-жылы дүйнөнүн вице-чемпиону болгон. Анда муз бийчиси аялдар арасында тарыхта биринчи жолу сальхов секиригин жасап төрт жолу айланган.

Белгилей кетсек, Турсынбаеванын апасы Падишахан Султаналиева — Кыргызстандын Аксы районунда туулуп-өскөн кыргыз кызы. Анын буга чейин Sputnik агенттигине айтып бергенине караганда, мектепти аяктаары менен Москвага барып, МГУнун экономика факультетинде билим алган. Жолдошу казакстандык.

552
Белгилер:
Элизабет Турсынбаева, көркөмдөп муз тебүү, Казакстан, спорт
Тема боюнча
Башка мамлекеттин таламын талашкан кыргыз балдары