Афганистанда мектеп аймагында крикет ойноп жаткан аял. Архив

"Талибан"* афганистандык аялдардын спорт менен алектенүүсүнө тыюу салды

81
(жаңыланган 10:50 09.09.2021)
Афганистана бийликти колго алган "Талибан"* өлкөдө аялдардын спорт менен машыгуусуна тыюу салынганын жарыялады.

БИШКЕК, 9-сен. — Sputnik. "Талибан" комиссиясынын башчысынын маданият боюнча орун басары Ахмадулла Васик Афганистанда аялдар спорт менен алектене албай турганын билдирди. Бул тууралуу Eurosport маалымат булагы жазды.

Ал белгилегендей, бул тыюу улуттук командадагы спортчу кыз-келиндерге да тиешелүү.

"Аялдарга крикет ойноого болбойт деп ойлойм. Оюн учурунда алардын бети же денесинин башка жери ачылып, элге көрүнүп калышы мүмкүн. Исламда аялдардын денеси көрүнбөшү керек. ЖМКларга сүрөттөрү, видеолору чыкса элдин баары көрөт. Ислам жана Ислам Эмирлиги аялдардын крикет ойноосуна же алардын жүзү, келбети (фигурасы) көрүнгөн кандайдыр бир спорт менен алектенүүсүнө жол бербейт", — деген Васик.

Бул чечим өз кезегинде Афганистандын крикет боюнча эркектер курама командасынын Австралия менен беттешине кедергисин тийгизет. Анткени Эл аралык крикет кеңеши (ICC) бекиткен эрежеге ылайык, уюмга мүчө болгон 12 мамлекеттин баарында эркектер жана аялдар командасы болушу зарыл.

Крикет азыркы учурда Афганистанда эң кеңири жайылган оюн болуп саналат. Өткөн жылдын ноябрында Афганистандын Крикет боюнча кеңеши менен 25 спортчу кыз-келин келишим түзгөн. Төңкөрүштөн кийин алардын көпчүлүгү өлкөдөн чыгып кетишкен.

81
Белгилер:
'Талибан' кыймылы, Афганистан, спорт, аялдар, тыюу салуу
Тема:
Афган бийлиги менен талибдердин тиреши (214)
Тема боюнча
Өзбекстан "Талибан"* түзгөн өкмөттү колдоп, кызматташарын айтты
ЖМК: талибдер ант берүү аземин 11-сентябрга белгиледи
Кыргызстандын футбол боюнча курама командасынын оюнчулары. Архив

Кыргызстандын футбол командасы FIFA рейтингинде алдыңкы жүздүккө илинди

235
(жаңыланган 15:51 16.09.2021)
Өткөн айда 99-орунда турган курама команда 102-катарга түшүп кеткен. Рейтингде жалпысынан 210 команда бар.

БИШКЕК, 16-сен. — Sputnik. Кыргызстандын футбол боюнча курама командасы Эл аралык футбол федерациясынын (FIFA) жаңыланган рейтингинде 98-орунду ээледи.

Өткөн айда 99-орунда турган курама команда 102-катарга түшүп кеткен. Рейтингде жалпысынан футбол боюнча 210 курама команда бар.

Ушул жылдын август айынын ортосунан бери ата мекендик команда Палестина жана Бангладештин курама командалары менен беттешип, экөөнү тең жеңген.

Палестинанын курама командасы 99-орунга илинген. Дүйнөлүк рейтингдин сап башында Бельгия турат. Андан кийин Бразилия, тизменин үчүнчү катарын англиялыктар ээлеген. Франция төртүнчү болсо, бешинчиде Италиянын курама командасы турат.

Азия боюнча рейтингдин сап башында турган Иран жалпы тизмеде 22-орунда. Япония экинчи болсо (26), Австралия үчүнчү (32) катарда. Кореялыктар төртүнчү (36), Катардын (43) командасы бешинчи орунду ээлеген.

Борбор Азия боюнча рейтингдин сап башында Өзбекстандын курама командасы турса (84), андан кийин эле Кыргызстан (98) бара жатат. Тажикстан (118), Казакстан (120), Түркмөнстан (130) кийинки сапта.

Эске алчу жагдай: Казакстандын курама командасы Азия футбол конфедерациясына эмес (AFC), Европа футбол ассоциациясынын биримдигине (UEFA) кирет.

235
Белгилер:
Кыргызстан, футбол, рейтинг, курама команда
Тема боюнча
Каз катар тизилип футбол көргөн аткаминерлер. Фотофакт
Кыргызстандык жаш футболчулар да Бангладеш командасын утуп алды
Кыргызстандык балбан кыз Айсулуу Тыныбекова. Архивдик сүрөт

Юкако Каваи жок. Тыныбекованын дүйнө чемпионатындагы атаандаштарынын тизмеси

9836
Спорттук күрөштүн түрлөрү боюнча дүйнө чемпионаты Норвегиянын Осло шаарында 2-10-октябрда өтөт. Айсулуу Тыныбекова 4-октябрда килемге чыгат.

БИШКЕК, 15-сен. — Sputnik. Кыргызстандык балбан кыз Айсулуу Тыныбекованын дүйнө чемпионатындагы атаандаштары анык болду. Мелдешке катыша турган спортчулардын тизмесин Бириккен күрөш дүйнөсү (United World Wrestling) уюму расмий жарыялады.

Спорттук күрөштүн (грек-рим, эркин жана кыздар күрөшү) түрлөрү боюнча дүйнө чемпионаты Норвегиянын баш калаасы Осло шаарында 2-10-октябрда өтөт. Кыз-келиндер мелдеши 4-октябрда башталат.

Айсулуу Тыныбекова 4-октябрда килемге чыгат. 62 килограмм салмакта күч сынашкан кыргыздын балбан кызы 2019-жылы Казакстандын Нур-Султан шаарында өткөн мелдеште жеңип алган чемпиондук титулун коргойт.

Ослодогу биринчиликке Тыныбекованын Олимпиада жана дүйнө чемпионатынын финалында кармашкан аттандаштары: япониялык Юкако Каваи жана болгариялык Мустафа Тайбе Юсейн катышпайт.

Балбан кыздардын тизмеси:

62 килограмм

  • Вероника ИВАНОВА (Беларусь);
  • Лаис Нуньес Оливейра (Бразилия);
  • Анна Пол Годинес Гонзал (Канада);
  • Луиза Хелга Герда Нимеш (Германия);
  • Сангит Сангит (Индия);
  • Нонока Озаки (Япония);
  • Аяулым Касымова (Казакстан);
  • Винрозе Аливиса (Кения);
  • Айсулуу Тыныбекова (Кыргызстан);
  • Хва Юнг Сен (Корея);
  • Алехандра Ромеро Бонилла (Мексика)
  • Болортуа Хурелхуу (Монголия)
  • Виктория Мириам Оеверби (Норвегия);
  • Катажина Мадровская (Польша);
  • Алина Касабиева (Россия);
  • Нилукши Надеша Переру Голамбейж (Шри-Ланка);
  • Жансу Аксой (Түркия);
  • Илона Прокопевнюк (Украина);
  • Кайла Миракл (АКШ).
9836
Белгилер:
Айсулуу Тыныбекова, кыз-келиндер күрөшү, дүйнө чемпионаты, атаандаштык
Тема боюнча
Айсулуу Тыныбекова баштаган балбан кыздар дүйнө чемпионатында күрөшөт
Кытайдын Тышкы иштер министри Ван И президент Садыр Жапаров менен жолукту

Кытай Кыргызстанга 100 млн. доллар жана миллион доза вакцина берүүгө даяр

0
(жаңыланган 23:02 16.09.2021)
Президент Садыр Жапаров Кытайдын тышкы иштер министри Ван И менен Душанбеде жолугуп, бир катар маселелерди талкуулады.

БИШКЕК, 16-сен. — Sputnik. Кытай өкмөтү Кыргызстандын социалдык-экономикалык өнүгүүсүн колдоо иретинде 650 миллион юань (100 миллион доллардын тегереги) менен коронавирустук инфекцияга каршы кытайлык вакцинанын 1 миллион дозасын берүүгө даяр. Бул тууралуу Кытайдын тышкы иштер министри Ван И президент Садыр Жапаров менен жолукканда билдирди.

Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.

  • Президент Кыргызской Республики Садыр Жапаров принял члена Государственного совета, министра иностранных дел Китайской Народной Республики Ван И. 16 сентября 2021 года
    Кытайдын Тышкы иштер министри Ван И президент Садыр Жапаров менен жолукту
    © Пресс-служба президента КР / Султан Досалиев
  • Член Государственного совета, министр иностранных дел Китайской Народной Республики Ван И во время встречи с президентом КР Жапаровым
    Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Кытайдын Тышкы иштер министри Ван И президент Садыр Жапаров менен жолукту

Жапаров Кыргызстан Кытайды негизги соода инвестициялык өнөктөштөрдүн бири катары карай турганын жана биргелешкен инвестициялык долбоорлорду ишке ашырууга кызыкдар экенин билдирген.

Президент учурда өлкөдөгү инвестициялык климатты жакшыртуу боюнча активдүү чаралар көрүлүп жатканын кошумчалаган. Анын айтымында, кыргыз тарап эки өлкө ортосундагы туруктуу аба каттамдарын жандантууну маанилүү деп эсептейт.

Кытай — Кыргызстан — Өзбекстан темир жолунун курулушу боюнча да кеп болуп, Жапаров долбоорду ишке ашыруу Кыргызстан үчүн эле эмес, жалпы регион үчүн маанилүү экенин белгилеген.

"КЭР мамлекеттик кеңешинин мүчөсү, тышкы иштер министри Кытай өкмөтү өлкөнүн социалдык-экономикалык өнүгүүсүн колдоо иретинде Кыргызстанга 650 миллион юань (100 миллион АКШ долларынын тегерегинде) бөлүүгө даярдыгын айтты. Ошондой эле коронавирустук инфекцияга каршы кытайлык вакцинанын кошумча партиясын (1 миллион доза) жана медициналык каражаттарды берүү чечимин кабыл алганын билдирди", — деп айтылат маалыматта.

Мамлекеттик кеңештин мүчөсү Кытай тараптын автоунаа жолдорун куруу жана ирригациялык түйүндөрдү кеңейтүү тармактарында биргелешкен долбоорлорду ишке ашырууга кызыкдар экенин билдирген. Мындан сырткары, тараптар регионалдык коопсуздук маселелерин талкуулаган.

0
Белгилер:
Кыргызстан, Кытай, Садыр Жапаров, вакцина, каражат
Тема:
Коронавируска каршы эмдөө
Тема боюнча
3 млн. бет кап, коргоочу костюм. Кыргызстанга Кытайдан гумжардам келди