Кыргызстандык UFC мушкери Рафаэль Физиевдин америкалык Бобби Грин менен таймашта. Архив

Физиевдин акыркы таймашы август айындагы мыкты кармаш болду

104
(жаңыланган 17:49 09.09.2021)
Физиев америкалык Бобби Грин менен 8-августта Хьюстондогу UFC 265 турниринин алкагында кармашып, калыстардын чечими менен жеңүүчү деп табылган.

БИШКЕК, 9-сен. — Sputnik. Кыргызстандык UFC мушкери Рафаэль Физиевдин таймашы лигада август айындагы мыкты кармаш деп табылды. Бул тууралуу маалыматты Ultimate Fighting Championship уюму өзүнүн социалдык тармагын чыгарды.

Посмотреть эту публикацию в Instagram

Публикация от ufc (@ufc)

Физиев америкалык Бобби Грин менен 8-августта Хьюстондогу UFC 265 турниринин алкагында кармашып, калыстардын чечими менен жеңүүчү деп табылган.

Ошол эле күнү уюмдун Twitter баракчасы кыргызстандык мушкердин соккулары беттештин көбүрөөк көңүл бурдурган учуру деп табылганын жана кармаш эки тараптын тең күйөрмандарын бир топ кызытканын жазып чыккан.

​Бул кармаш "кеченин таймашы" жана "абсолюттук шоу" болуп, мушкерлердин ар бири бонус катары 50 миң доллардан сый акы алышкан.

Физиев 8-августтагы ийгилигинен соң UFC уюмунда удаасы менен төртүнчү жеңишин камсыздап жатат. Кыргызстандык спортчунун лигадагы буга чейинки үч кармашы да мыкты деп табылып, бонус берилген.

104
Белгилер:
Рафаэль Физиев, мыкты, беттешүү, август
Тема боюнча
UFC элитасына айланууда. Белгилүү журнал Физиев тууралуу ролик чыгарды
Эстен тандыра муунтуп. UFC жай айындагы мыкты сабмишендердин видеосун чыгарды
Чимирилип тээп, жыга чаап. UFC жай айындагы нокауттардын видеосун чыгарды
Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында

Аскага чыкканына сүйүнгөн спортчу секире коюп олуттуу жаракат алды. Видео

69
(жаңыланган 14:43 20.09.2021)
Спортчу трассадан ийгиликтүү өтүп, бирок матка туура эмес секирип алып тура албай калган. Медиктер аны замбил менен көтөрүп кетишти.

БИШКЕК, 20-сен. — Sputnik. Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында олуттуу жаракат алды.

Жарым финалда спортчу трассага ийгиликтүү чыгып, сүйүнгөнүнөн секирип жерге туура эмес түшкөн. Ал белин кармап тура албай калганда медиктер замбилге салып көтөрүп кеткен.

Аскага чыгуу боюнча дүйнөлүк чемпионат Москвада 15-сентябрда башталган, жарыш эртең жыйынтыкталат. Ага дүйнө жүзүнөн келген 188 аскага чыгуучу катышууда.

69
Белгилер:
Москва, спортчу, чыгуу, жаракат
Тема боюнча
Мессинин буту сынып кала жаздады... Оюндагы опурталдуу учурдун видеосу
Жаракат алгандары бар... Казакстанда спортчулар чабыша кеткен видео

Бизнестен, батирден баш тартып. Кыргызстандык түгөйлөрдүн шыктандырган видеосу

101
(жаңыланган 13:53 20.09.2021)
Калыбек Кадыр менен Чолпон Даниярова 30 жылдан бери бирге түтүн булатып келишет. Мурда алар бизнес менен алектенишсе, кийин бул үй-бүлө жашоосун таптакыр башка нукка өзгөрткөн.

Алар шаардагы бардык ыңгайлуулуктар түзүлгөн шарттан, батирден баш тартышкан. Жайында Ысык-Көлдө жашаса, кышында жылуу өлкөлөргө кетип калышат.

Калыбек кайтсёрфингге, Чолпон сапсёрфингге үйрөтөт. Түгөйлөр эми алардын өзүнүн сүйгөн ишине жана спортко көңүл бурууга мезгил келгендигин айтып беришти. Балдар чоңойду, аларга кам көрүп карагыдай кичинекей эмес. Андыктан өмүрдү кызыктуу кылып өткөрүп, рахатын көрүү керек дешет.

101
Белгилер:
Кыргызстан, Балыкчы, Ысык-Көл, түгөй, кайтсерфинг, сапсерфинг
Тема боюнча
"Орёл и решканын" экинчи бөлүгү чыкты. Ысык-Көлдө тартылган видео
Студенттер Пермь университеттин терезелеринен секирип түшүп жатышат

Пермдеги элди аткан студент полиция кызматкерине да ок чыгарган. Чоо-жайы

0
(жаңыланган 16:53 20.09.2021)
Тартип сакчысы куралчан студентти жарадар кылгандан кийин чуркап келип, куралын колунан алып, андан соң биринчи жардам көрсөткөн.

БИШКЕК, 20-сен. — Sputnik. Пермь мамлекеттик изилдөө университетинде элди аткан студент кирип келе жаткан полиция кызматкерине да ок чыгарган. Бирок тартип сакчы аны жарадар кылып, куралсыздандырып, андан соң биринчи жардам көрсөткөн. Бул тууралуу РИА Новости жазды.

"Окуя болгон жерге биринчилерден болуп Пермь шаарынын Жол кыймылы коопсуздугу боюнча мамлекеттик автоинспекциянын Жол кайгуул кызматы келген. Полициянын лейтенанты Константин Калинин имараттын башкы корпусуна кирип, ал эми кесиптеши ага лейтенант Владимир Макаров элди эвакуациялай баштаган. Калинин имараттын ичинен куралдуу адамды көргөн. Аны байкап калган кылмышкер лейтенантты көздөй бир нече ирет аткылаган. Ага жооп кылган тартип сакчысы куралчанды жарадар кылып, чуркап келип, куралын колунан алгандан кийин биринчи жардам көрсөткөн", — деп айткан ИИМдин өкүлү Ирина Волк.

Ал тартип сакчылар учурда жогорку окуу жайдын аймагын көзөмөлдөп тургандыгын кошумчалады.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, сегиз киши каза таап, 28и жаракат алган. Шектүү кармалган.

0
Белгилер:
Россия, Пермь, Университет, ок чыгаруу, өлүм, полиция