Аргентинанын курама командасынын чабуулчусу Лионель Месси

Месси Пеледен ашып өтүп Түштүк Америка континентинин бомбардири болду

87
2022-жылы өтүүчү Футбол боюнча дүйнө чемпионатына тандоо турунда бүгүн Аргентина Боливияны 3:0 эсебинде уткан. Голдордун баарын Лионель Месси киргизген.

БИШКЕК, 10-сен. — Sputnik. Аргентинанын курама командасынын чабуулчусу Лионель Месси Боливия командасынын дарбазасына хет-трик жасап, легендарлуу Пеленин рекордунан ашып өттү. Бул тууралуу Түштүк Америка футболдук уюму (КОНМЕБОЛ) расмий сайтына жазды.

Бүгүн Аргентина 2022-жылы өтүүчү Футбол боюнча дүйнө чемпионатына тандоо турунун алкагында Боливия менен беттешип, 3:0 эсебинде уткан. Оюндагы голдордун баарын Франциянын "Пари Сен-Жермен" клубунун футболчусу Лионель Месси киргизген.

Бул жетишкендиги менен Месси Түштүк Америка континентиндеги улуттук командалар үчүн киргизген голодорунун саны боюнча бразилиялык Пеледен ашып өтүп рекордсмен болду.

Ушуну менен ПСЖ футболчусу курама команданын катарында туруп баш-аягы 79 гол киргизди. Буга чейин бразилиялык Пеле 77 гол менен эң алдыда болчу.

Месси мындай көрсөткүчтү 153 оюнда камсыздады. 79 голунан сырткары ал 52 голдук пас чыгарып берген. Пеле өз кезегинде 77 голду 91 беттеште киргизген.

Эске салсак, Месси буга чейин Испаниянын "Барселона" клубунун курамында жүрүп, футбол тарыхында бир команда үчүн ойноп киргизген голдордун саны боюнча Пеленин рекордун жаңылап, мыкты бомбардир болгон.

87
Белгилер:
футбол, Лионель Месси, Аргентина, гол, рекорд, Пеле, Түштүк Америка, континент
Тема боюнча
Кыргызстандык жаш футболчулар да Бангладеш командасын утуп алды
Месси жаңы командасы менен алгачкы жолу оюн талаасына чыкты. Видео
Роналду: "Манчестер Юнайтедге" кайтуума Алекс Фергюсон себепкер
Дзюдочулар беттеш учурунда. Архив

Кыргызстанда Дзюдо эл аралык академиясы ачылат

10
Күрөш академиясынын расмий ачылыш аземи 1-октябрга белгиленип, ага балдар, чоңдор, ошондой эле дзюдо менен машыгууну каалагандар чакырылат.

БИШКЕК, 23-сен. — Sputnik. Кыргызстанда Дзюдо эл аралык академиясы ачылат. Бул тууралуу өлкөнүн Улуттук дзюдо федерациясы билдирди.

Күрөш академиясынын расмий ачылыш аземи 1-октябрга белгиленип, ага балдар, чоңдор, ошондой эле дзюдо менен машыгууну каалагандар чакырылат.

Академиядагы сабактар профессионал спортчулар үчүн эле эмес, ден соолугуна кам көргөн, спорттун бул түрүн өздөштүрүүнү же келечектеги олимпиада чемпиону болууну каалаган бардык адамдар үчүн ылайыктуу.

"Академия — бул бүтүндөй үй-бүлө үчүн спорттук комплекс. Борбордо сиздин каалооңузду жана балаңыздын каалоолорун угушат, ар бир ышкыбозго ылайыктуу болгон жеке окутуу-машыгуу планы түзүп берилет", — деп айтылат маалыматта.

Уюштуруучулар дзюдо спорту булчуңду гана өстүрбөстөн мүнөздү дагы тарбиялай турганын белгилешти.

10
Белгилер:
дзюдо, академия, ачылыш, спорт, күрөш
Тема боюнча
Футбол: Кыргызстан кубогунун ээси аныкталды
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында

Аскага чыкканына сүйүнгөн спортчу секире коюп олуттуу жаракат алды. Видео

139
(жаңыланган 14:43 20.09.2021)
Спортчу трассадан ийгиликтүү өтүп, бирок матка туура эмес секирип алып тура албай калган. Медиктер аны замбил менен көтөрүп кетишти.

БИШКЕК, 20-сен. — Sputnik. Түштүк кореялык аскага чыгуучу Мин Ян Ли Москва шаарында өткөн аскага чыгуу боюнча дүйнө чемпионатында олуттуу жаракат алды.

Жарым финалда спортчу трассага ийгиликтүү чыгып, сүйүнгөнүнөн секирип жерге туура эмес түшкөн. Ал белин кармап тура албай калганда медиктер замбилге салып көтөрүп кеткен.

Аскага чыгуу боюнча дүйнөлүк чемпионат Москвада 15-сентябрда башталган, жарыш эртең жыйынтыкталат. Ага дүйнө жүзүнөн келген 188 аскага чыгуучу катышууда.

139
Белгилер:
Москва, спортчу, чыгуу, жаракат
Тема боюнча
Мессинин буту сынып кала жаздады... Оюндагы опурталдуу учурдун видеосу
Жаракат алгандары бар... Казакстанда спортчулар чабыша кеткен видео
Тамак аш. Архив

Жүрөгү ооругандар кандай тамакка басым жасашы керек. Диетологдун кеңеши

10
Адис жүрөк-кан тамыр оорусунан жапа чеккендер биринчи иретте эмне ичип-жеп жаткандыгына көңүл бурушу абдан зарыл экенин эскерткен.

БИШКЕК, 23-сен. — Sputnik. Жүрөк-кан тамыр ооруларына чалдыккандар ден соолугун аксатып албаш үчүн кандай факторлорго көңүл буруусу зарылдыгын диетолог, медицина илимдеринин доктору Михаил Гинзбург айтып берди. Дарыгердин эмнелерди эскерткендигин "Известия" басылмасы жазган.

Доктор жүрөктүн оорусу менен инсульт туура келбеген тамак-ашты жегендиктен да жараларын төмөнкүчө түшүндүргөн.

"Туура эмес тамактанганда кан тамырлардын ичине май туруп калып, ал кандын мээге жетишин жана жалпы эле организмде айланышын начарлатат. Бул — жүрөктүн оорусу менен инсультка алып келүүчү негизги факторлордун бири. Андыктан жүрөк-кан тамыр оорусу менен жапа чеккендер биринчи иретте эмне ичип-жеп жаткандыгына көңүл бурушу абдан зарыл", — деген ал.

Туура келбеген азыктар организмге түшкөндө жогорудагыдай илдети барлардын каны коюуланап кетерин кошумчалаган.

"Булар өтө эле туздуу жана өтө эле таттуу, андан сырткары, куурулган жана майлуу тамак-аштар", — деп санап берген Гинзбург.

Ал эми пайдалуу азыктардын катарына ар кыл мөмөлөрдү, деңиз балыгын, уютулуп жасалган сүт азыктарын, кесек тартылган ундун нанын, гречканы жана сулуну кошкон.

10
Белгилер:
жүрөк, кан тамыр, оору, инсульт, диетолог, кеңеш
Тема боюнча
Дарыгер ичеги рагына себепкер боло турган азыкты атады
Коронавирустан кийин чачты кантип калыбына келтирсе болот? Медиктин кеңеши
Диетолог ачкарын эмнелерди жеп-ичкенге болбой турганын айтты