Кыргызстандык UFC мушкери Валентина Шевченко. Архив

Шевченко менен Мерфинин кармашы. Букмекерлер кимге үмүт артып турат

1541
(жаңыланган 11:40 12.09.2021)
Кезектеги турнирин Шевченко 25-сентябрда Лас-Вегас шаарында өткөрөт. Атаандашы 37 жаштагы Мерфи болмокчу, ал беш беттеште катары менен жеңишти камсыздап келе жатат.

БИШКЕК, 12-сен. — Sputnik. Валентина Шевченко америкалык Лорен Мерфи менен болгон беттеште талашсыз фаворит. Мындай пикирге букмекерлер келишти.

Жакын арада спортчу чемпиондук макамын сактоо үчүн кайрадан беттеш өткөрөт. Ал рингге америкалык Лорен Мерфи менен чыгат. Каршылашы беш мелдеште жеңишти катары менен камсыздап келе жатат.

Fonbet букмекердик конторасынын коэффициенттери: кыргызстандык спортчунун жеңишине — 1,06, америкалык мушкерге — 10,2. "Марафонбет" конторасынын көрсөткүчү башкачараак, бирок жалпысынан Шевченконун утуп чыгышына үмүт артышкан: 1,48 жана 10,75. Адатта айтылгандай эле коэффициенттер канчалык төмөн болсо жеңүү мүмкүнчүлүгү ошончолук жогору.

1541
Белгилер:
UFC, Валентина Шевченко, Лорен Мерфи
Тема боюнча
Валентина Шевченко кезектеги беттешине чемпион менен чогуу машыгууда. Сүрөт
UFC Шевченко менен Андраденин кармашынын баштан-аяк видеосун жарыялады
Казакстандык муз бийчиси Элизабет Турсынбаева. Архив

Кыргызга жээн Турсынбаеванын апасы кызы Казакстандын атынан чыкканына өкүнөрүн айтты

444
(жаңыланган 15:34 26.09.2021)
Элизабет Турсынбаева белин оорутуп алган бойдон толугу менен калыбына келе албай чоң спорттон кетүүгө аргасыз болгонун жакында эле кабарлаган.

БИШКЕК, 26-сен. — Sputnik. Жаракатынан толугу менен сакая албай, жакында эле карьерасын жыйынтыктаган казакстандык муз бийчиси Элизабет Турсынбаеванын апасы Падишахан Султаналиева кызы Казакстандын атынан чыкканына өкүнүп жатканын айтты. Бул тууралуу анын "Матч ТВ" телеканалына берген маегине шилтеме кылып Sputnik Казакстан агенттиги жазды.

Эске салсак, Турсынбаева белин оорутуп алган бойдон толугу менен калыбына келе албай чоң спорттон кетүүгө аргасыз болгонун жакында эле кабарлаган.

Анын апасы муз тебүү спортунда бул өлкөдө жакшы көңүл бурулбасын айтып, үй-бүлөсү өкүнгөн катачылыктар тууралуу кеп кылды.

"Жолдошум экөөбүз кызыбыз өз мекенинин атынан чыксын дегенбиз. Экинчиден, бул нерсе негизги мелдештерге жетүүгө бир аз да болсо жеңилирээк болот деп ойлогонбуз. Бирок азыр чечмибиз үчүн өкүнүп турам. Биз муз тебүү спорту жок мамлекеттин атынан чыгуу канчалык оор экенин билген эмеспиз, тозок экен. Өзүбүздүн судьялар, колдоо деген жок", — деди Султаналиева.

Ал ири державалар өз спортчуларына аска-зоо болуп, судьялар менен иштеше турганын кошумчалады.

"Эгер неберелерим бул спортту тандаса, Россиянын гана атынан чыккыла деп айтам. Албетте, Казакстанда кырдаал өзгөрбөсө. Бул менин жеке пикирим", — деди ал.

Элизабет Турсынбаева Москвада туулган, 2015-жылы АКШнын Солт-Лейк-Сити шаарындагы мелдеште экинчи орунду, 2016-жылы Жаштар арасындагы II олимпиадалык оюнда жана 2017-жылы Кышкы Азия оюндарында үчүнчү орунду ээлеген. 2019-жылы дүйнөнүн вице-чемпиону болгон. Анда муз бийчиси аялдар арасында тарыхта биринчи жолу сальхов секиригин жасап төрт жолу айланган.

Белгилей кетсек, Турсынбаеванын апасы Падишахан Султаналиева — Кыргызстандын Аксы районунда туулуп-өскөн кыргыз кызы. Анын буга чейин Sputnik агенттигине айтып бергенине караганда, мектепти аяктаары менен Москвага барып, МГУнун экономика факультетинде билим алган. Жолдошу казакстандык.

444
Белгилер:
Элизабет Турсынбаева, көркөмдөп муз тебүү, Казакстан, спорт
Тема боюнча
Башка мамлекеттин таламын талашкан кыргыз балдары

Мен чемпионмун, баарына даярмын! Шевченко кийинки атаандашы боюнча жооп берди

103
Кыргызстандык мушкер Валентина Шевченко жеңишинен кийин суроолорго жооп берип жатып ким менен кайсы дивизиондо болсо дагы таймашууга даяр экенин айтты.

Ага кийинки атаандашы тууралуу суроо беришти.

"Мен эч нерсеге карабай ким менен болсо дагы таймашууга даярмын. Мен бул жердемин, мен чемпионмун!" — деди спортчу.

Ошондой эле ал бир нече тилде күйөрмандарына салам жолдоп, ыраазычылгын билдирди.

Белгилей кетсек, UFC уюмунун жеңил салмактагы чемпиону Шевченко бүгүн, 26-сентябрда, америкалык Лорен Мерфини жеңип, алтынчы ирет чемпиондук наамын коргоп калды. Беттеш АКШнын Лас-Вегас шаарындагы T-Mobile спорттук аренасында өттү.

103
Белгилер:
Валентина Шевченко, жеңиш, маек, жооп
Тема боюнча
Валентина Шевченко атаандашы Лорен Мерфини шайын кетирип утуп алды. Видео
Силерди жакшы көрөм! Шевченконун Кыргызстанга салам жолдогон видеосу
Кыргыз желегин желбиретип... Шевченко кантип жеңгенин көрсөткөн видеолор
Ош шаарында туристик көргөзмө-жарманкеси башталганын мэриянын маалымат кызматы кабарлады

Мэр Мамбетов Ош шаарынын туристтик брендин түзүү ниетин билдирди

0
Калаа мэри Ош шаарын Улуу Жибек Жолу менен байланышкан брендин түзүү аркылуу туризмди жандандыруу ниетин ортого салды.

БИШКЕК, 26-сен. — Sputnik. Ош шаарында туристик көргөзмө-жарманкеси башталганын мэриянын маалымат кызматы кабарлады.

  • Выступление артистов на туристической выставка-ярмарке в городе Ош
    Ош шаарында туристик көргөзмө-жарманкеси башталганын мэриянын маалымат кызматы кабарлады
    © Фото / пресс-служба мэрии города Ош
  • Мэр Оша Алмаз Мамбетов и министр экономики и финансов КР Акылбек Жапаров на туристической выставка-ярмарке в городе Ош
    Анын алкагында бүгүн калаадагы мейманкалардын биринде "Жаңы шарттарда биргелешкен аракеттер менен туризмди өнүктүрүү. Кыргызстан-2021" аттуу Биринчи аймактык туристтик ири форум болду
    © Фото / пресс-служба мэрии города Ош
  • Мэр Оша Алмаз Мамбетов выступает на туристической выставка-ярмарке в городе Ош
    Анда шаар мэри Алмаз Мамбетов форумдун катышуучуларына "Ош шаарын — Улуу Жибек Жолунун туристтик кызмат көрсөтүүчү провайдери" катары резолюция кабыл алуу боюнча сунушун берген
    © Фото / пресс-служба мэрии города Ош
  • Люди в национальной одежде на туристической выставка-ярмарке в городе Ош
    Ошондой эле борбордук аянтта уюштурулган көргөзмө-жарманкеде туристтик компаниялар, жеке ишкерлер өз тармагын тааныштырып, өндүрүшчүлөр азык-түлүктөрүн көрсөтүшкөн
    © Фото / пресс-служба мэрии города Ош
  • Выступление артистов на туристической выставка-ярмарке в городе Ош
    Ал этномузыка, Болливуд жылдыздарынын бийлери, ата мекендик дизайнерлердин кийимдер көргөзмөсү, жергиликтүү ышкыбоздордун концерттик программасы менен коштолду.
    © Фото / пресс-служба мэрии города Ош
1 / 5
© Фото / пресс-служба мэрии города Ош
Ош шаарында туристик көргөзмө-жарманкеси башталганын мэриянын маалымат кызматы кабарлады

Анын алкагында бүгүн калаадагы мейманкалардын биринде "Жаңы шарттарда биргелешкен аракеттер менен туризмди өнүктүрүү. Кыргызстан-2021" аттуу Биринчи аймактык туристтик ири форум болду.

Анда шаар мэри Алмаз Мамбетов форумдун катышуучуларына "Ош шаарын — Улуу Жибек Жолунун туристтик кызмат көрсөтүүчү провайдери" катары резолюция кабыл алуу боюнча сунушун берген.

"Эки күндүк иш-чара шаарыбыздын туристтик багытына жана инвесторлорду тартуу иш-аракеттерибизге эбегейсиз чоң салым кошот. Тарыхый ордун эске алып Ош шаары Улуу Жибек Жолу менен байланышкан брендин түзүү аркылуу туризмди жандандырууга ниеттенүүдө. Менимче, өзүбүздүн туристтик продукт жана саякат маркабыз шаарыбызга жүз миңдеген туристтерди тартат. Мунун аркасында биз мурдагы улуулугубузду жандандырабыз жана чакан, орто бизнестин, жалпысынан өлкө экономикасынын өнүгүшүнө кубаттуу дем беребиз деп ойлойм. Анүчүн баарыбыз жапа тырмак шаардын тейлөө деңгээлин жана туристтик инфраструктурасын жакшыртуу үчүн аракеттерди көрөбүз", — деп айткан Мамбетов.

Ошондой эле борбордук аянтта уюштурулган көргөзмө-жарманкеде туристтик компаниялар, жеке ишкерлер өз тармагын тааныштырып, өндүрүшчүлөр азык-түлүктөрүн көрсөтүшкөн. Ал этномузыка, Болливуд жылдыздарынын бийлери, ата мекендик дизайнерлердин кийимдер көргөзмөсү, жергиликтүү ышкыбоздордун концерттик программасы менен коштолду.

Аталган форум жана көргөзмө-жарманке эртең да улантылат.

Мындай иш-чара Кыргызстанда алгачкы ирет болуп жатат. Аны Туризм департаменти жана Ош шаардык мэриясы эл аралык жана ата мекендик өнөктөштөрдүн колдоосу менен уюштурууда.

0
Белгилер:
Ош шаары, көргөзмө, жарманке, форум, турист
Тема боюнча
Бишкектин чок ортосуна көчмөндөр айылы курулду. Этнофестивалдан ирмемдер